¹ Te olo minggu, pita subuh bene, kawan bawe iro tulak tong lebeng ngoit kawan bunge ye apu nasedia dali. ² te lebeng,dali kite batu penutup lebeng apu begeser. ³ Belalu dali sinep tong suang lebeng iro. et beloh ruku bangkei Tuhan Yesus tai biro. ⁴ Desung dali jakat tai biro. nelang bingung memikir hal iro, selenga due keulun makai pakaian beama - ama jakat dani dali. ⁵ Dali takut bene, belalu belalu betunduk wae dali,kede iro due keulun iro ngulek tong dali, kone me kam ngeto ulun bolum te pulau ulun mate.? ⁶ Da beloh tai bihe,da apu bolum mulik.! Ingat se ye apu naulek da tong kam kede da desung te Galilea, ⁷ Puna, anak meresia harus na sarah tong ulun bedosa, belalu na salib,et tai olo ye ketolu da sagar bolum mulik. ⁸ Belalu kawan bawe iro teingat nget kawan engan Yesus. ⁹ Apu dali uli kelebeng iro, dali ngesah kawus kejadian iro tong kesebelas rasul ali kawus kawan ulun ye siut Yesus ye lain ye. ¹⁰ Kawan bawe ye ngulek kawus iro tong kawan ulun ye siut Yesus, da iro,: da Maria Magdalena, da Yohana ali da Maria ne Yakobus, ali kawan bawe lain ye sendro ali dali. ¹¹ Et kawan rasul iro ngeanggap kawan bawe iro je ngesah hal ye sa mengkeranah. dali sa percaya kesah kawan bawe iro. ¹² Et da Petrus buet pelos mensit tong lebeng. nelang betunduk da neneng tong suang, belalu kite je naan kain kafan tai biro. da Petrus wauh bene, belalu uli ali deo situkan tesuang aseng da nget se ye apu jaji. Yesus nenre unuk tong Pengikut da tai alan nuju Emaus. ¹³ Te olo iro ade, due keulun - ulun ye siut Yesus rahat malan tong erai jaa ye bearan Emaus, sekitar sebelas kilometer oro ye ke Yerusalem. ¹⁴ Nelang malan dali bepander nget kawan kejadian ye terjadi iro. ¹⁵ Desung dali bepander nelang begerayang, Yesus selenga sulet pelos malan senro dali. ¹⁶ Dali kite Yesus, et naan ye tehalang maka dali sa ketaru da. ¹⁷ Belalu Yesus ngulek," se na pander kam te botuk alan ihe. dali enteng ali wae dali nget nare aseng. ¹⁸ Belalu erai keulun ke dali, bearan da Kleopas, nyituk tong Yesus." se je ko gegales ulun pendatang tai Yerusalem ye beloh ketoan kejadian ye terjadi te biduh kado - kado ihe.? ¹⁹ Kejadian se.?" situk Yesus." kejadian ye nget Yesus, ulun ke Nasaret iro,"tuing dali."da nabi. kawan engan ye ali kawan ene ye bekuasa bene tesuang pandangan Allah ali menurut pandangan ulun kawus. ²⁰ Kawan imam kepala ali kawan pemimpin bangsa taka menyarah da dion na hukum mate, belalu dali nyalib da.! ²¹ Sebujur ye kain puna beharap bene da ye sagar ngebebas Israel.! olo ihe olo ketolu uli kejadian iro. ²² Uli kero, sasenu keulun bawe kawan uyang kain apu ngene kain embah, pita subuh bene dali tulak tong lebeng. ²³ Et beloh kahaba bangkei da iro. belalu dali mulik pelos ngulek himat Yesus iro bolum. ²⁴ Sasenu keulun ke kain belalu tulak tong lebeng belalu neneng se ye na ulek ene kawan bawe iro uras bene bujur, je dali beloh kite Yesus. ²⁵ Belalu Yesus ngulek tong dali, kam bene beloh ketaru.! hantap lambat kam percaya kawus ye apu nget ene kawan nabi.! ²⁶ Sa sih raja penyelamat harus kesa kenarean ye iro one, kado mahan sinep kekemuliaan ye. ²⁷ Uli iro Yesus menjelas tong dali se ye nasurat tesuang kawus surat berasih nget unuk da, neke ke kawan buku Moses ali buku kawan nabi. ²⁸ Kede iro dali ap dani jaa ye na nuju dali, Yesus ngene nget leen kakan pelos. ²⁹ Kede dali nahan da, onsan te runa kain," ulek dali tong da," nehe apu dani malem nelang apu nela dendem." belalu Yesus masuk di onsan tai runa dali. ³⁰ Tai kede tuet man senro dali,Yesus ngepe rote, ngotus terimakasih tong Allah,meleng - meleng rote iro ali kami da belalu ngokoi tong dali. ³¹ Uli iro kado dali ketaru da iro Yesus,et da jaweh ke pengite dali. ³² ulek dali ali sameh dali," sa sih nanam aseng taka nget besemangat, kede da bepander ali taka te botuk alan,nelang menarang isi surat berasih tong taka.? ³³ Kede iro ade dali jakat belalu mulik tong Yerusalem, te biduh dali sengkeruku ali kesebelas keulun - ulun ye siut Yesus desung bekumpul senro dali ye bali. ³⁴ Dali iro ngulek," puna bene Tuhan apu bolum mulik.! da apu nenre kami ye tong da Simon.! ³⁵ Kedue keulun - ulun ye siut Yesus ye jape sulet iro belalu ngesah pengalaman dali kede te alan elui, nelang nget me dali ketaru Tuhan te kede da nyeset meleng rote. Yesus nenre unuk ali pengikut - pengikut - Da. ³⁶ Desung dali segke bekesah, Selenga Yesus jakat te botuk dali pelos ngulek, "selamat kam.! ³⁷ Dali embah nelang takut, kira dali desung kite wok. ³⁸ Et Yesus ngulek," kone me kam takut.? kone me kam tekejet ali keraguan sulet suang aseng kam.? ³⁹ Teneng kami ab nelang teneng poo ab. buen kam ketoan, sebene ye ab ihe Yesus.! ege nelang teneng, leka wok beloh naan isi atawa tulang,nget ye teneng kam te ab. ⁴⁰ Yesus ngulek nget iro nelang nenre tong dali kami ali poo ye." ⁴¹ Kede dali sengke male tau percaya, leka dali ego bene nelang kune, Yesus nyituk tong dali," se kam naan maka okan te behe.? ⁴² Dali ngokoi tong da erai potek esa begoreng. ⁴³ Yesus ngepe esa iro,belalu man ye tai hadapan dali. ⁴⁴ Uli iro da ngulek tong dali," Ihe kawan hal ye apu naulek ab tong kam kede ab desung senro kam,: pasti tiap hal ye nasurat nget ab tesuang kawan buku Moses, buku kawan nabi, ali Mazmur, harus na genapi." ⁴⁵ Uli iro Yesus ngugah pikiran dali dion ketaru ga surat barasih. ⁴⁶ Belalu da ngulek tong dali, te suang surat berasih nasurat nget raja penyelamat harus kune kenarean, menderita nelang harus buet bolum mulik ke pampate te olo ye ketolu. ⁴⁷ Nelang ade tesuang aran raja penyelamat iro harus na ulek tong kawus bangsa,meresia harus betobat, nelang pasti Allah ngampun dosa, nelang kabar iro harus naulek mulai ke Yerusalem. ⁴⁸ Kam kawan saksi ke kawus ye iro. ⁴⁹ nelang ab gegales sagar ngirim tong kam se ye apu na janji ene ma. et kam harus tatap ngemba te Yerulalem, ihe empe kuasa ke Allah ponu te kam. Yesus taengkat tong sorga. ⁵⁰ Uli iro Yesus ngoit dali tong luar jaa empe tong Betania te biro da ngekat kami da, belalu ngeberkat dali. ⁵¹ Desung da ngene iro, da ta engkat tong surga belalu tapisah ke dali. ⁵² Dali sujut nyambah da, uli iro uli tong Yerusalem ali aseng ye ego bene. ⁵³ Nelang terus ngehormat aran Allah tesuang bait Tuhan