¹ Te sindai olo sabat Yesus tulak laang man te belai erai keulun tokoh Farisi. te biro kawan ulun meneneng Yesus ali behimat. ² Naan sulet demasu Yesus erai keulun ye menderita busung danum nelang poo ali kami ye bungkak. ³ Belalu Yesus nyituk tong kawan guru agama ali kawan ulun Farisi ye naan te iro.menurut hukum agama taka,se ahan taka pebome ulun sakit te olo sabat atawa sa. ⁴ Kawan guru agama ali kawan ulun Farisi iro enteng,belalu Yesus nook ulun iro pelos pebome da. uli iro nyiu da tulak. ⁵ uli iro Yesus ngulek tong ulun deo. perumpamaan erai keulun ke kam naan erai keulun anak atawa erai keikui sapi ye lotu tong suang sumur te olo sabat, se da sa sagar jao nyujut anak iro atawa sapi iro tong luar olo iro ade.? ⁶ Et sa sunah erai keulun tau nuing engan Yesus nget hal iro. ⁷ Yesus kite naan kawan tamu ye moli kawan runa ye penge buen.leka iro da ngokoi pengejaran ihe tong dali kawus. ⁸ Aka kam na undang tong pesta kawin,ya tuet te kursi kehormatan.leka tau naan erai keulun lain ye lewi tamam ke ko na undang ade. ⁹ Empe puun belai iro ye apu nook kam due iro, tapaksa sulet tong ko pelos ngulek,"maap,runa ihe apu nasadia tong tamu iro. belalu ali mangen bene ko tapaksa tuet te runa ye pengeodi ¹⁰ Leka iro, aka kam na undang,peli runa ye pengeodi, dian puun belai sagar sulet pelos ngulek tong ko," sahabat ayu tuet te runa ye lewi buen, ali nget iro kam na hormat te hadapan kawus tamu ye bali. ¹¹ Leka sasenu ulun pekemo unuk sagar da sagar na pekewa, et ye ngerendah unuk sagar na pekemo.Undangan man ali ngebales. ¹² Belalu Yesus ngulek tong puun belai. aka ko nook ulun tong pesta man jolo atawa man malem,ya nook uyang atawa erai butung,atawa kulawarga, atawa tetangga ko ye tatau. leka nende dali sagar nook ko ade.belalu ali nget iro ko nerima balesan pengkoe ko. ¹³ Jaji, aka ko ngene pesta, undang leh kawan ulun susah, ulun cacat, ulun lumpuh, ali ulun posa. ¹⁴ ko sagar naberkat,ene kawan ulun iro sa sagar kate ngebales kebuen ko, kebuen ko sagar na bales ene Allah te kede kawan ulun ye buen na bangkit ke ulun - ulun mate.Perumpamaan hal undanan jamuan man. ¹⁵ Te kede erai keulun ke ye siut man sendro te biro keringa engan Yesus, da ngulek, untung bene ulun ye sagar man sendro ali Allah aka da sulet nget raja." ¹⁶ Et Yesus ngulek tong ulun iro, te sindai kede naan erai keulun ngene pesta ye solai nelang nook ulun deo. ¹⁷ Kede empe wayah ye mulai pesta, ulun iro nyiu pelayan iro tulak demasu kawan undangan nelan ngulek,"hayu sulet, kawus ye apu sedia.! ¹⁸ Et dali kawus erai mengerai mulai kaweng maaf, ye tela ngulek tong pelayan iro, Ab kado bene moli erai kelamar tana,perlu meriksa ye.ab kaweng maaf. ¹⁹ Ye bali ngulek,ab kado uli moli lime pasang sapi, nelang kakan mencoba kawan sapi iro.ab kaweng maaf. ²⁰ Ye bali eso ngulek, ab kado uli peruku, leka iro aku sa tau sulet. ²¹ Pelayan iro uli belalu ngulek hal iro tong tuan ye. tuan iro bereket bene, belalu ngulek tong pelayan da,"lekah alan tong kawan alan andri kawan gang te jaa. oit tong he ulun susah. ulun cacat,ulun posa ali ulun lumpuh. ²² Uli iro pelayan iro ngulek, Tuan, perentah tuan apu natampelos ab, et runa masih deo. ²³ Belalu tuan iro ngulek, alan tong kawan alan solai ali alan halus te luar jaa, nelang dasak kawan ulun dian sulet, dian belai ab ponu. ²⁴ Ingat.! sa sunaherai keulun ke botuk kawan tamu ye apu na undang iro kesa maka okan pesta ab ihe.! Nget siut Yesus. ²⁵ Deo ulun siut malan sendro Yesus. Yesus sekelap pelos ngulek tong da. ²⁶ Aka ulun sulet demasu ab, et da lewi mengasihi ne da,ma da, uyang anak da, kawan erai butung da, lewi unuk da gegales, da sa tau jaji ulun ye siut ab. Ulun ye sa hakun ngoson salib da pelos siut ab, beloh tau jaji u ²⁸ Aka erai keulun ke kam sagar pejakat erai menara, betantu da sagar tuet ngereken biaya ye one dian da ketoan senu duit ye cukup dian pejaji menara iro atawa sa. ²⁹ Leka aka bewilah da beloh kate pejaji ye, padahal pondasi ye apu na ene, himat kawus ulun ye kite pengkoe iro sagar koko da. ³⁰ Dali sagar ngulek.'hehe, ulun ihe ngene bangunan, et sa kate pejaji ye.! ³¹ Aka erai keulun raja, ye naan sepuluh ribu tentara sagar beperang ali raja lain ye naan due pulu ribu tentara. betantu raja iro sagar tuet one ye ngekira se da kaule ngelawen musuh da iro. ³² Aka da ketoan da sa kaule, betantu kede musuh ye iro eso oro, da sagar ngirim utusan da dian kaweng bedamai." ³³ Akhir ye Yesus ngulek,"nget iro ade ali kam. sa sunah erai keulun kekam tau jaji ulun ye siut ab, aka da sa ngorban nget kekawus ye. Serau ye tawai beloh naan guna ye. ³⁴ Serauiro buen, et aka jaji tawai, me tau napekasil eso. ³⁵ Beloh naan di ye eso, tau tong ume atawa tong pupuk. je di na obet, aka naan kelinge ware nadinga.