¹ Perumpamaan babiri ye jaweh. ¹ Te erai olo, deo penagih pajak ali kawan ulun ye naangap beloh buen ene masyarakat, sulet ngeringa Yesus. ² Kawan ulun Farisi ali kawan guru agama mulai mengomel, dali ngulek. seh,ulun ihe nerima kawan ulun ye sa buen likan man sendro ali dali.! ³ Leka nget iro Yesus ngesah tong dali perumpamaan iro, ⁴ Umpama ye erai keulun ke kam naan jatus keikui bebiri, belalu da kejawehan erai keikui se ye sagar na ene ye.? pasti da sagar ngikah bebiri ye siepulu sie keikui iro te padeng ikut belalu tulak ngeto ye jaweh iro empe ruku. ⁵ Demih bebiri iro ruku da,da ego bene belalu miit bebiri iro te munan peluke da. ⁶ Belalu ngoit ye uli, uli iro da nook kawan uyang ali kawan tetangga, nelang ngulek,ayu taka ba ego. Bebiri ab ye jaweh apu ruku ab.! ⁷ Nah, nget iro ade te sorga naan keegoan ye lewi solai ene erai keulun bedosa ye betobat, ke dali sie pulu sie keulun ye apu buen nelang sa perlu betobat." Perumpamaan duit perak ye jaweh. ⁸ Atawa peribahasa ye erai keulun bawe naan sepuluh ensoi duit perak. belalu kejawehan erai ensoi se ye sagar na ene da.? da sagar nemulum pelita belalu nyapu belai da nelang ngeto te kame - kame empe da ruku duit iro. ⁹ Te kede da ruku duit iro, da nook kawan uyang nelang kawan tetangga,belalu ngulek, ab ego bene apu ruku mulik duit ab ye jaweh, Hayu taka beego.! ¹⁰ Nget iro ade malekat Allah ego bene aka naan erai ke ulun jahat betobat ke kawan dosa ye.Percaya lah.Perumpamaan due anak upo anak bungsu ngikah Ma da. ¹¹ Yesus ngulek eso, naan erai keulun ma ye naan due keulun anak upo. ¹² Ye bunsu ngulek tong da, Ma, okoi tong ab nehe bagian ab ke penatua taka.belalu Ma da membagi harta da tong kedue anak ye. ¹³ Sasenu olo uli iro anak bungsu iro jemual warisan bagian da iro belalu tulak tong negeri ye oro,Te biro da ngewelaja duit da ali bolum besenang - senang. ¹⁴ Kede kawus duit ye apu awus, selenga te negeri iro timbul lau ye tamam, empe da tela bolum susah. ¹⁵ Belalu da tulak mengkoe sendro erai keulun penduduk te biro, ye nyiu tong ume makan upe da. ¹⁶ da kakan ngisi butung da makai pengokan kawan upe iro. biar da keket lau bene, et beloh sunah erai keulun ngokoi okan tong da. Anak bungsu uli tong Ma da. ¹⁷ Akhir ye da sadar belalu ngulek, kawan ulun ye mengkoe sendro da ma, okan dali belabihan, et ab te behe kakan mate keket lau.! ¹⁸ Ab sagar tulak demasu ma ab, belau ngulek tong da, Ma, ab apu bedosa tong Allah nelang tong da ma. ¹⁹ Ab sa patut eso na otus anak ma. Dion leh ab erai keulun upaan ma. ²⁰ Belalu da tulak demasu ma da.masih oro ke belai, ma da apu kite da, ali kesongo ma da mensit nyenruku da, belalu maluk nelang ngenok da. ²¹ Ma," ulek anak iro, ab apu bedosa tong Allah nelang tong da Ma. ab sa patut eso na otus anak ma. ²² Et ma da nook kawan pelayan da pelos ngulek, gole.! epe karut ye paling buen,pelos sua tong da. pasang ade cincin tai bua kami da nelang sepatu tai poo da. ²³ Uli iro epe anak sapi ye bonok pelos semalis. taka sagar man nelang uras ego. ²⁴ Leka anak ab ihe apu mate, nehe bolum mulik,da apu jaweh, nehe apu ruku eso. dali belalu tela bepesta. Anak tuha bereket terhadap ma da. ²⁵ Pedesung iro, anak ye penuha naan te ume. kede da uli demih empe dani belai, da keringa engan musik ali tari - tarian. ²⁶ Da nook erai keulun ke kawan pelayan ye, belalu nyituk, Se ene te belai ihe.? ²⁷ Pelayan iro nuing, andi Tuan sulet mulik.! nelang ma tuan apu nyiu nyemalis anak sapi ye bonok, leka da apu sengkeruku mulik anak da tesuang keadaan selamat. ²⁸ Anak ye pengetuha iro bereket bene empe da sa moyo moo tong belai.belalu ma da dolui ngentau da dian moo. ²⁹ Et da ngulek, betau - tau ola ye ab mengkoe behimat tong da ma. beloh pini ab ngelawen perintah ma. et se ye na okoi ma tong ab. beloh pini mudah erai keikui kambing da ma ngokoi tong ab dion ab bepesta ali kawan uyang ab.! ³⁰ Anak ma iro apu nengkawus penatau ma ali bawe pelacur, et nget iro da sulet, da ma nyemalis anak sapi ye bonok tong da. ³¹ Anak ab, tuing ma da, ko seleur naan te behe sendro ab. kawus ye milik ab iro milik ko. ³² Et taka patut be pesta ali ego,leka andi ko iro apu mate,et nehe bolum mulik, da apu jaweh, et nehe apu ruku eso.