¹ Te kede iro ulun ngesah tong Yesus nget sasenu ulun Galilea ye nabunu ene Pilatus, kede dali desung nyarah persembahan tong Allah. ² Keringa kesah iro, Yesus ngulek,Leka kawan ulun Galilea iro na bunu nget iro,kam ngabahe iro bukti ye dali lewi bedosa ke kawus ulun Galilea ye lain.? ³ Budas sa, et ingat lah: aka kam sa betobat ke kawan dosa kam,kam kawus ade sagar mate, nget dali. ⁴ Nget me ali walo belas ke ulun ye mate te Siloam,kede menara iro tempong kune dali.? kam ngekira iro menujuk dali lewi bedosa ke kawus kawn ulun lain ye nondo te Yerusalem.? ⁵ Sa budas.! sindai eso ab ngulek; aka kam sa betobat ke kawan dosa kam, kawus kam sameh sagar mate nget dali. ⁶ Uli iro Yesus ngesah ade peribahasa ihe. naan erai keulun naan tonga ara te kabun anggur da. te erai olo da tulak keto bua ara iro,et beloh mahan mudah erai bua. ⁷ Belalu da ngulek tong tukang babun da,ite.apu tolu taun ab sulet ngeto bua ara te tongga ara ihe, et ab sa mahan sunah erai bua.toweng tonga ara iro.! mamus da bolum te munan tana ihe je nangkawus subur ke tana..! ⁸ Et tukang kabun iro nuing, dion ye bolum erai taun eso. Tuan. Ab sagar nyangkul tana te geliling ye nelang ngehambur pupuk. ⁹ Ngabahe tau odi da mua. et aka sa ,ahan tuan nyiu noweng ye. Yesus pebome tai olo sabat. ¹⁰ Te erai olo sabat,Yesus ngajar te erai belai sembayang. ¹¹ Te biro naan erai keulun bawe apu walo belas taun sakit,leka naan roh jahat tesuang unuk da. bawe iro bungkuk nelang beloh tau jakat buen. ¹² Kede Yesus kite bawe iro, Yesusnook da," Ne.penyakit ko apu bome.! ¹³ Belalu Yesus ngondok kami da te munan bawe iro,pelos te kede iro ade da jakat buen belalu ngehormat Allah. ¹⁴ Pemimpin belai sembayang iro bereket, leka Yesus pebome ulun te olo sabat, leka iro da ngulek tong kawan ulun,"naan onum olo dian mengkoe; sulet lah te kawan olo iro dian pebome ya te olo sabat.! ¹⁵ Tuhan nuing,"kam ihe pura - pura.! Te olo sabat kawus ulun pekuntis sapi atawa keledai ke kandang pelos ngoit keluar dian isep danum. ¹⁶ Nah,te behe nehe naan erai keulun bawe turunan Abraham, ye apu walo belas taun ola ye tesuruk ene iblis. se da sa ahan na lapas ke surukan iro te olo sabat.? ¹⁷ Engan pander Yesus iro ngene kawan ulun ye ngelawen Yesus mangen bene,; Et kawus kawan ulun ye lain sanang kite kawan kawus keajaiban ye na ene Yesus. ¹⁸ Yesus nyituk," aka Allah merentah, ngetme keadaan da.? ali me ab tau ngebanding ye.? ¹⁹ keadaan ye nget perumpamaan ihe. erai ensoi sasawi na epe ene erai keulun belalu na ule te kabun da.ensoi irobolum pelos jaji tonga, belalu kawan tempulu ngene sarang te kawan daan tonga iro. ²⁰ sindai eso Yesus nyituk, aka Allah merintah,ali me ab bene ngembanding keadaan ye.? ²¹ Keadaan ye nget ragi ye na epe ene erai keulun bawe belalu na campur ali opat pulu liter gelapung,empe kamer kawus ye. Sa doho ye naselamatkan. ²² Tesuang perjalanan tong Yerusalem,Yesus lalo kawan jaa ali desa nelang ngajar. ²³ Belalu naan ulun nyituk tong da,"Guru, se je idis ulun ye sagar naselamat.? Yesus nuing. ²⁴ Ware kam ngeto sinep lalo jaweng ye solet.leka,ingat! deo ulun ngeto sinep et sa tau. ²⁵ Te kede puun belai buet pelos nutup jaweng da,kam jakat te luar belalu mulai nalitik nelang ngulek,"tuan, ugah jaweng tong kain' tuan iro sagar nuing, ab beloh ketoan kekame kam.! ²⁶ Kam sagar nuing,kain apu man ali tuan.nelang tuan apu ngajar ade tai kawan alan te jaa kain.! ²⁷ Et tuan iro sagar ngulek eso.'Ab beloh ketoan ke me kam. alan tulak ke ihe, kam ye ngene kejahatan.! ²⁸ Te kede kam kite da Abraham. Da Ishak ali da Yakub ali kawus nabi ego bene tesuang Denia kado na Allah,kam sagar nagis nelang ngaret kenare leka kam gegales na tumuk tong ongon. ²⁹ Ulun deo sagar sulet ketimur nelang ke barat, ke utara nelang ke selatan, pelos sagar ego bene tesuang denia kado na Allah. ³⁰ Sebujur ye, naan ulun ye pengeodi ye sa sagar jaji ulu ye pengeone ye. nelang naan ulun ye penge one ye sagar jaji ulun ye pengeodi ye.Yesus harus tulak tong Yerusalem. ³¹ Te kede iro ade, naan sasenu ulun Farisi sulet demasu Yesus. belalu ngulek,"Ya nondo te ihe.! alan tong runa lain, leka da Herodes nge ga munu ko." ³² Yesus nuing,"Alan ulek tong ulun ye sa bedi iro, olo ihe nelang pita tande ab ngusir roh jahat pelos pebome ulun sakit, et te olo ketolu, ab sagar nyempunah pengkoe ab. ³³ Bele nget iro nampelos ade alan ab olo ihe, tande ali solung tande,leka sa buen erai ke ulun nabi na bunu te ongon Yerusalem. ³⁴ Yerusalem, Yerusalem.! kawan nabi nabunu! kawan utusan Allah tumbuk ko ali batu empe mate.! apu senu kali ab ngega ngaeh maluk kawus penduduk ko nget ne piak ngukup kawan anak da temaat ilar da, et ko sa hakun. ³⁵ Leka iro Allah sa eso nyendro ko. buen ko ketoan, ketela nehe ko sa sagar kite ab eso. empe ko ngulek, naberkat da ye sulet tesuang aran Ab.