¹ Beribu - ribu keulun besensulet empe naan ye te ajek poo ye. te kede kawan ulun iro ponu, Yesus ngulek tong kawan ulun ye siut da."hati - hati ali ragi ulun Farisi, maksut ab kemunafikan dali. ² Beloh naan ye beonteh ye sa sagar ite, nelang beloh naan ye na rahasia ye sa sagar tebungkar. ³ Ye na pander kam kede malem, sagar dinga te kede jolo; nelan ye na sangkonis kam tong kelinge ulun tesuang kamar ye betutup, sagar na ulek tong duh tong den. Takut ali Tuhan. ⁴ Ab ngulek tong kam kawan uyang ab.! ya takut tong dali ye munu unuk kam et sa tau ngene lewi ke iro. ⁵ Buen ab nyituk tong kam dase ye harus na akut ene kam. Takut tong Allah! leka uli munu,da bekuasa ade ngobet tong suang neraka.! Percaya leei, je da ye harus na takut ene kam. ⁶ Lime ke ikui empit na jual ali uman due insoi duit ye pengedis. bele nget iro beloh sunah erai keikui ye sa na ingat ene Allah. ⁷ Bila balo tai utek kam sika apu nareken kawus ye, leka iro ya takut; kam oro lebih beuman ke kawan tempulu iro. ⁸ Ingat bebuen : Ulun ye mengaku te hadapan umum ye da siut ab, da sagar nakaku ade leka anak meresia te hadapan kawan malekat Allah. ⁹ Et ulun ye ngelawen te hadapan umum ye da siut ab. da sagar na sangkal ade ene anak meresia te hadapan kawan malekat Allah. ¹⁰ Aka ulun bepander ngulek nget ngelawen anak meresia, da tau na ampun ; et aka da ngehina Roh Allah, da sa tau na ampun. ¹¹ Aka kam na oit tong kawan belai sembayang nget naadili te hadapan pemerintah atawa penguasa,ya kawatir nget me leen kam harus membela unuk atawa nget me ye harus pander kam. ¹² Leka me ye harus pander nget iro sagar na ajar ene roh Allah tong kam te kede ye." perumpamaan ali ulun tatau. ¹³ Erai keulun kebotuk ulun deo iro ngulek tong Yesus."Guru, awat da nyiu erai butung ab ngokoi tong ab erai bagian ke harta pengikah ma kain." ¹⁴ Yesus nuing,Erai butung, dase ngangkat ab jaji hakim atawa tukang bagi warisan kam due.? ¹⁵ Udi iro tong kawus ulun ye naan te iro Yesus ngulek, bebuen nelang bejaga - jaga, ya empe kam serakah.leka meresia bolum sa begantung te penatau da, bele penatau da belabihan. ¹⁶ Belalu Yesus ngesah peribahasa iro,"naan erai keulun tatau. da naan tana ye deo mahan hasil. ¹⁷ Ulun tatau iro tela bepikir tesuang ate da, apu beloh eso runa ngonteh hasil tana ab. se akal nehe.? ¹⁸ Uli iro da bepikir eso pelos ngulek tong unuk da gegales,"nah. ab naan akal ; kawan gudang ab sagar ab nyiu ngerumbak ye belalu ab pejakat ye lebih solai eso. te biduh ab sagar ngonteh kawus pare ab ali kawan barang ab ye bali. ¹⁹ Uli iro ab sagar ngulek tong unuk ab gegales, ko beuntung.! kawus ye buen apu na miliki ko nelangsa sagar awus sa ola betaun - taun. istirahat nehe.! man isep, ko bolum sanang buen.! ²⁰ Et Allah ngulek tong da,"O ulun galu.! malem ihe ade ko sagar mate, belalu dase ye sagar mahan kawus penatau ye apu nakumpul ko tong unuk ko iro.? ²¹ Nget iro jaji ye tong sasenu ulun ye ngeto dian tatau tong unuk da gegales, et sa ngeto dian tatau te mate Allah." Iya gaer. ²² Belalu Yesus ngulek tong kawan ulun ye siut da, iro sebab ye ab ngulek, ya kawatir nget pemolum ko, ye iro se ye sagar na okan kam, atawa se ye sagar na pakai ko. ²³ Pemolum iro lewi ke naokan,nelang unuk tonga lewi ke pakaian. ²⁴ teneng kawan tempulu ekaak.! dali sa ngasek ali ngoteu,sa ade naan gudang atawa kerangking upak et Allah melihara dali, kam lewi beuman kekawan tempulu.! ²⁵ Dase kekam ye leka kawatir ye tau ngokoi panjang umur ye mudah idis.? ²⁶ Aka hal ye idis iro kam apu sa tau ngene ye,kone me kawatir nget kawan hal ye bali.? ²⁷ Teneng nget me kawan bunge bakung iro nget me dali bolum.kawan bunge iro sa begawi, sa ade memintal.et Raja Salomo ye nget iro tatau sa ade makai pakaian ye nget buen kawan bunge iro. ²⁸ Ikut te ume bolum olo ihe et tande awus na obet tuna,et Allah ngehias ikut iro nget iro buen ye. lewi eso kam.! et kam kurang percaya.! ²⁹ Jaji, ya kawatir nelang ade bingung nget se ye sagar na okan atawa na isep kam. ³⁰ Kawan hal ye nget iro na eto ene ulun ye sa ketaru Allah. padahal Ma kam ketoan himat kam perlu kawus ye iro. ³¹ Et kam harus keto dian Allah merentah te pemulum kam,belalu ye bali iro sagar na okoi Allah ade tong kam. Ngumpul harta tai Surga. ³² kam ye idis jamalah ye,ya takut.! Leka Ma kam sanang ngokoi tong kam berkat Pemerintahan ni. ³³ Jual milik harta ko nelang duit ye okoi tong ulun susah,ene pakai kam rajut duit ye sa tau rusak.ye iro harta ye naonteh tesuang sorga. harta iro sa tau jaweh ene maling eloh tau na epe nelang eloh rusak ene ngengat. ³⁴ Leka te kame harta ko,te biro ade ate ko.! Pelayan ye setia ngerja gawian da. ³⁵ Ware kam bejaga - jaga nengkawe kawus hal.kam harus seleur sedia bepekaian nelang pelita kam tatap bolum. ³⁶ Sameh nget kawan pelayan ye desung ngemba tuan ye sulet uli pesta peruku. aka tuan iro sulet belalu ngatuk jaweng,dali sagar lekah nengau jaweng. ³⁷ Na berkatilah pelayan - pelayan,ye ruku tua da apu siap sedia waktu Da sulet, ab ngulek ali kam, sebujur ye, da sagar nyuruk towing da dion melayani ali,mempersilakan pelayan - pelayan da tuet da sagar sulet dion melayani dali. ³⁸ Bene petut untung ye kawan pelayan iro aka tuan dali iro sulet dali rahat keringa,bele da sulet kede botuk malem atawa lewi lambat ke iro. ³⁹ Ingat ihe.! peribahasa ye puun belai ketoan pukul senu maling sagar sulet, da himat bejaga dion maling sa tau litep tong suang belai da. ⁴⁰ Leka iro kam ade harus bejaga, leka anak meresia sagar sulet te wayah ye beloh na saka - saka. ⁴¹ Tuhan, se engan ajar iro natuju Tuhan tong kain atawa tong kawus ulun? situk Petrus. ⁴² Tuhan nuing."Dase pelayan ye setia nelang merahati empe da na engkat ene tuan ye jaji kepala kawan pelayan lain dion da ngokoi dali pengokan te kede ye. ⁴³ Pelayan iro sanang bene aka tuan ye sulet nelang sangkum da desung napelos tugas ye. ⁴⁴ Percaya leh : tuan iro sagar percaya tong pelayan iro pakai nyaga kawus harta ye. ⁴⁵ Et aka pelayan iro ngulek tesuang aseng da,"Tuan ab sa lekah sulet, da mulai mupuk kawus pelayan nelang man isep mabuk. ⁴⁶ Belalu tuan da sagar sulet te olo nelang jam ye sa na sangka - sangka.belalu pelayan iro sagar na penare behimat ene tuan ye nelang na ene sameh nasib ye ali kawan ulun ye sa ngunau moyo tong Allah. ⁴⁷ Pelayan ye ketoan kehendak tuan ye, et sa bejaga nelang sa nampelos kehendak tuan ye iro,sagar napenare ali behimat. ⁴⁸ Et pelayan ye sa ketoan kehendak tuan ye. uli iro ngene kesala empe da harus na pupuk, da sagar napupuk sa empe behimat,leka tong ulun ye apu na okoi deo,ke da sagar na aweng deo ade, nelang tong ulun ye apu na percaya deo,ke da sagar na aweng deo ade. Yesus ngene pemisahan. ⁴⁹ Ab sulet laang pesoya te munan tana ihe. bene tamam buen ye aka apui ye apu dolan.! ⁵⁰ Masih naan kenare tamam ye harus kune ab. nelang aseng ab belisah bene aka iro male natampelos. ⁵¹ Se kam mindah ab sulet laang ngoit perdamaian tong denia.? sa, sa perdamaian melengkan pemisahan.! ⁵² Tela ke nehe,erai keluarga deo ye lime keulun sagar mengkelawen,tolu ngelawen due, atawa due ngelawen tolu. ⁵³ Ma sagar ngelawen anak da ye upo nelang anak upo sagar ngelawen ma da.Ne ngelawen anak da ye bawe nelang anak bawe ngelawen ne da.Nemena bawe sagar ngelawen benantu da ye bawe nelang benantu bawe sagar ngelawen nemena bawe. ngejelas maksud zaman. ⁵⁴ Yesus ngulek ade tong ulun deo,"aka kam kite jaun mengket te sila barat,pelos kam ngulek,"olo sagar uran.nelang bene - bene uran. ⁵⁵ Aka kam kesa enus sulet ke selatan,kam ngulek, olo sagar langet,nelang bene - bene langet. ⁵⁶ Kam ulun ye ketuju bepura - pura.! kam tau mentaru keadaan olo ali neneng keadaan langit ali tana,kone me kawan tanda jaman ihe kam sa tau mentaru ye.? ⁵⁷ Kone me kam gegales sa memutus se ye bujur.? ⁵⁸ Aka naan ulun mengadu kam tong pengadilan,sa ahan sa kam ngeto dion beres perkara iro ali da te kede kam sengke te botuk alan. aka sa,da nende ngoir kam tong hadapan hakim belalu hakim iro sagar nyarah kam tong polisi,nelang polisi pelitep kam tong penjara. ⁵⁹ Percaya leh! kam sa sagar keluar ke penjara semale utang kam na bayar punah.