¹ Tai erai olo Yesus bedoa te erai runa.demih uli bedoa,erai keulun ke kawan ulun ye siut da ngulek, Tuhan,awat ajar kain bedoa nget da Yohanes ngajar kawan ulun ye siut da bedoa. ² Belalu Yesus ngulek tong dali,"aka kam bedoa,ulek nget ihe.Ma nakuduskanlah aran ko sulet lah kerajaan ko. ³ Okoi kemali maka okan secukup ye nengku olo. ⁴ Nelang ampunlah dosa - dosa kemali nget kemali ngampun ulun ye sala ali kemali ali iya ngoit kemali tong suang pencobaan." Aweng leh, eto lah,ali katok leh. ⁵ Yesus ngulek tong kawan ulun ye siut da,umpama ye erai keulun ke kam tulak tong belai uyang ye kede botuk malem, nelang ngulek,"uyang,pekihau ab rote tolu ketipak, ⁶ leka uyang ab ye desung te perjalanan,kado singah te belai ab nelang ab beloh naan pengokan tong da. ⁷ umpama ye uyang ye natuju ko iro nuing ke suang belai,nget ihe.! ya pekaur ab.! bowa jaweng apu bekunsi nelang ab sendro kawan anak ab apu turui. ab sa kate buet pelos ngokoi se macam tong ko." ⁸ " Belalu nget me ? ulek Yesus eso, "ab ngulek oii.! biar ko uyang ye, da sa sagar hakun buet pelos ngokoi se macam tong ko,et puna leka ko sa kesa mangen masih kaweng tong da, belalu da sagar buet ade nelang ngokoi tong ko se ye na perlu ene da. ⁹ Ingat ab ngulek tong kam,: kaweng, pasti sagar na okoi tong kam ; etto, kam sagar mahan,katuk,jaweng sagar na tengau pakai kam. ¹⁰ Leka ulun ye kaweng sagar nerima, ulun ye ngeto sagar mahan,nelang ulun ngatuk jaweng na tengau. ¹¹ Te botuk olo kam se naan ma ye ngokoi nyipe tong anak da, aka da kaweng esa.? ¹² Atawa ngokoi aliwangu,aka da kawng tolui.? ¹³ Biar kam ye jahat,kam tau ade ngokoi ye buen tong anak kam. makin eso Ma ye te sorga,! da sagar ngokoi Roh ye tong dali ye kaweng tong da. ¹⁴ Te sindai olo Yesus ngusir setan keluar ke erai keulun bisu.uli setan iro keluar, ulun iro mulai bepander. ulun deo kewauh. ¹⁵ Et naan ye ngulek," da tau ngusir setan, leka kuasa Beelzebul, kepala kawan setan." ¹⁶ Naan ade kawan ulun lain ye kakan ngejabak Yesus, dali kaweng da ngene erai keajaiban dian ciri da ye sulet ke Allah. ¹⁷ Et Yesus ketoan ga dali, belalu da ngulek tong dali. aka erai negara tebagi tesuang sasenu golongan ye bemusuh, negara iro sa sagar tahan ola. nelang erai keluarga ye te bagi - bagi nelang bemusuh erai ali ye lain,keluarga iro sagar hancur. ¹⁸ Net iro ade tesuang kerajaan setan,; aka erai kelompok ye lain, kerajaan iro sagar runtuh, kam ngulek ab ngusir setan ali kuasa Beelzebul, ¹⁹ Aka nget iro, makai kuasa dase kawan ulun ye siut kam ngusir kawan setan iro.? kawan ulun ye siut iro gegales ye membukti kam bene sala.! ²⁰ Et ab ngusir setan ali kuasa Allah, iro bearti himat Allah apu desung merentah te botuk kam. ²¹ Aka erai keulun ye gagah, makai lengkap senjata, nyaga belai ko kawus milik ko sagar selamat. ²² Et aka erai keulun ye lewi gagah ngeyarang pelos pekaleh da, ulun ye lewi gagah iro sagar ngerampas kawus senjata ye na harap ene puun belai iro, belalu ngebagi kawus kawan barang da. ²³ ulun ye sa siut ab, sebene ye ngelawen ab, nelang ulun ye sa ngawat ab, sebene ye ngerusak pengkoe ab. ²⁴ Aka roh jahat ngikah ulun, roh iro bekeliling tong kawan runa ye karing di ngeto runa tehur,et da beloh mahan.leka iro, da ngulek .ab sagar mulik tong belai ye apu naikah ab. ²⁵ Kede da empe te biduh, da kite belai iro berasih nelang teatur. ²⁶ Belalu da tulak pelos ngoit turu roh lain ye lewi jahat ke da.uli iro dali litep tong suang ulun iro belalu nondo te iro,akhir ye keadaan ulun iro belalu lewi daiy ke asal ye. Ulun - ulun ye ego ( bahagia). ²⁷ Uli Yesus ngulek nget iro, erai keulun bawe ke botuk ulun deo iro ngulek tong Yesus,bene buen patut bawe ye mekus lelang petete ko.! ²⁸ Et Yesus nuing,"lewi sanang buen eso ulun ye ngeringa engan Allah nelang ngerja ye. ²⁹ Kede iro kawan ulun deo bekumpul Yesus, da nampelos pepaneran ye,ulek ye," bene - bene jahat kawan ulun jaman nehe. dali kaweng erai keajaiban dian dali percaya tong ab.et dali sa sagar na okoi mudah erai keajaiban, kecuali keajaiban Nabi Yunus. ³⁰ Nget nabi Yunus jaji erai keajaiban tong kawan ulun te jaa Niniwe, nget iro ade anak meresia sagar jaji erai keajaiban tong kawan ulun jaman ihe. ³¹ Te olo kiamat,ratu negeri selatan sagar buet sendro kawan ulun jaman nehe, pelos ngedawa dali,leka ngeringa pengajaran Salomo ye pintar,Ratu iro nampelos alan ye oro bene ke ujung denia. kede te behe nehe naan ye lewi solai ke da Salomo.! ³² Te olo kiamat, penduduk jaa Niniwe sagar buet sendro kawan ulun jaman nehe. pelos ngedakwa dali, leka ulun Niniwe iro betobat ke kawan dosa dali kede da Yunus bekhotbah tong dali. et te behe nehe naan ye lewi solai ke da Yunus." ³³ Beloh naan ulun ye nemulum pelita belalu nyiuk ye atawa nutup pelita iro ali gantang. da sagar ngondok pelita iro te penuet pelita,dian ulun ye masuk bene kite maa ye. ³⁴ Mate ye iro pelita. aka mate ko berasih, kawus unuk ko maa buen berasih. et aka mate ko kabus,kawus unukko jaji denem malem. ³⁵ Leka sebab iro ware hati - hati, ya empe maa ye naan te ko iro jaji denem. ³⁶ Aka kawus unukko maa, nelang sa sunah bali ye denem, pasti kawus unuk ko iro maa tarang nget lah amba pelita. Yesus nagur ulun Farisi ali ahli taurat. ³⁷ Uli Yesus wa bepander,erai keulun Farisi nook da man te belai da.belalu Yesus tulak man te biro. ³⁸ Ulun Farisi iro wauh kite Yesus man sa eso mui kami da menurut aturan agama. ³⁹ Leka iro Tuhan ngulek tong da,"sepuna kam kawan ulun Farisi biasa ye ngeberasih lumbah ali mangkok bagian luar ye, et te suang unuk kam gegales ponu ali keserakahan ali kejahatan. ⁴⁰ kam sa ketaru.! sasih Allah ye ngene bagian luar iro, apu ngene te suang ye ade. ⁴¹ Ye naan te suang lumbah ali mangkok iro, iro ye apu na okoi kam tong kawan ulun susah,makai cara iro kawus ye sagar jaji berasih tong kam. ⁴² Selaka kam, kawan ulun Farisi,! Hasil ule kam umpama ye nget salasih ali inggu ali kawan rarampah lai ye, kam ngokoi sepersepuluh ye tong Allah, et keadilan ali sinta tong Allah sa kam ngentoan,padahal iro ye harus ye kam ngeraja uras iro sa melalaikan hal ye lain. ⁴³ celaka kam,kawan ulun Farisi,! kam kakan kawan runa ye terhormat tesuang belai sembayang,nelang kakan nahormat te kawan pasar. ⁴⁴ celaka kam,! kam nget lebeng ye sa nabatur,ye na ajek ulun ali sa nasangaja." ⁴⁵ Erai ulun ke guru agama ngulek tong Yesus,"Guru,maki kawan engan iro,ko ngehina kain ade." ⁴⁶ Yesus nuing,celaka kam ade, kawan guru agama.! kam kawen kawan hal ye poye nelang ngokoi kawan aturan ye doyat, et kam gegales sa sunah idis kakan ngawat ulun nampelos ye. ⁴⁷ celaka kam.! kam ngene lebeng tong kawan nabi, ye sebujur ye na bunu ene datu nini kam gegales. ⁴⁸ Jaji kam gegales mengaku ye kam setuju se ye apu na ene leka datu nini kam; leka puna dali ye munu kawan nabi iro nelang kam ye ngene lebeng ye. ⁴⁹ Iro sebab ye kepintaran Allah ngulek,"Ab sagar ngirim tong dali kawan nabi ali kawan utusan ab,; bali ye sagar na bunu nelang bali sagar napenare.! ⁵⁰ Allah nampelos iro dian kawan ulun jaman nehe nahukum leka dali munu kawan nabi ketela denia na pejaji. ⁵¹ Ketela dali munu da Habel empe kede munu da Zakaria,ye jaji te ekang mezbah ali belai Tuhan. percaya leh : kawan ulun jaman nehe pasti sagar na hukum ene leka kawus iro. ⁵² celaka kam, kawan guru agama.! kunci dian ngugah jaweng pengetahuan na onteh te kam, et kam gegales sa kakan litep tong suang dian ngeto pengetahuan iro. kebalikan ye kam ngehalang kawan ulun ye ngeto sinep tong suang ye.! ⁵³ Kede Yesus ngikah runa iro,kawan guru agama ali kawan ulun Farisi behimat ngewada Yesus.dali mulai ngejabak da dian da moyo bepander nget sa senu hal. ⁵⁴ Nelang te kede iro dali ngeringa bebuen dian ngeto kawan ye sala ye na ulek ene da.