¹ Uli iro Yesus moli turu pulu keulun ye siut da eso, belalu ngutus dali bedue bedue one ke da tong tiap jaa ali kawan runa ye kakan na tuju da. ² uteu ye sagar na oteu deo, ulek da tong dali,"et ulun tukang uteu beloh deo, leka iro, kaweng tong ye puun ume dian da ngirim ulun pakai ngoteu pengahan ulean da. ³ Nah, alan tulak!ab ngutus kam nget anak be biri tong botuk saringala. ⁴ Ya ngoit rajut duit atawa tas,sandal, ya singgah te ekang alan nget nabe dase - dase. ⁵ Aka kam masuk tong erai belai, ulek one,"Damai sejahtera tesuang belai ihe. ⁶ Aka te biro naan ulun ye kakan damai, tabe damai kam iro sagar nondo tai da, aka sa, jujut mulik tabe damai ko iro. ⁷ Ondo leh te erai belai, terima se ye na sedia te iro tong kam, leka ulun ye begawi naan hak nerima upa ye.ya bepindah ke erai belai tong belai ye lain. ⁸ Aka kam sulet tong erai jaa nelang te biduh kam naterima ali buen, okan leh se ye okoi da te iro tong kam. ⁹ Pebome kawan ulun ye sakit te jaa iro, nelang ulek tong kawan ulun te iro, Allah sa ola eso sagar tela merintah yelah Raja te botuk - botuk kam. ¹⁰ Et aka kam sulet tong erai jaa et te biro kam sa nerima, keluar tong alan pelos ulek, ¹¹ Kawan debu ke jaa kam sa mereket te poo kain, natengker kain nget peringatan tong kam, et patut kam ketoan himat apu dani wayah ye Allah tela merintah ye lah Raja te botuk kam. ¹² Ingat,te olo kiamat,ulun Sodom sagar lewi murah na ampun ene Allah ke ulun jaa iro. Peringatan dase ye menolak Yesus. ¹³ Celaka kam, Korazim! nelang selaka kam Betsaida.! aka ab ngene kawan kejadian ye na ene te botuk - botuk kam iro apu na ene te jaa Tirus ali Sidon, himat kawan ulun te biduh apu usang beubah ke kawan dosa dali, belalu nyua pakaian nare ate nelang ngonteh dabu te munan utek dali. ¹⁴ Te olo kiamat, kawan ulun Tirus ali Sidon sagar lewi murah na ampun leka Allah ke kam. ¹⁵ Nelang kam, Kapernaum,! kam ngebahe, kam sagar na engkat empe tong sorga? Sa,! magin kam sagar na obet tong naraka.! ¹⁶ Belalu Yesus ngulek tong kawan ulun ye siut da,"ulun ye keringa kam, ngeringa ab, ulun ye sa nerima kam sa nerima ab. nelang ulun ye sa nerima ab, ade sa nerima da ye nyiu ab. Setan - setan tunduk ngehadap pengikut Yesus. ¹⁷ Keturu pulu keulun - ulun ye siut da iro sulet mulik ali ego bene."Tuhan,"ulek dali, kawan roh jahat sika hakun moyo tong kain aka kain merintah dali makai aran Tuhan.! ¹⁸ Yesus nuing,"Ab kite Iblis lotu ke langit nget kilat. ¹⁹ Dian kam ketoan,! Ab apu ngokoi kuasa tong kam dian kam tau ngajek nyipe ali alimangu nelang nempolek kawan kekuatan musuh, empe beloh naan tau nyelaka kam. ²⁰ Et bele nget iro ya ego ene kawan roh jahat ngunau moyo tong kam, lewi buen kam ego aran kam na catat te sorga. Yesus bedoa kepada Bapa. ²¹ Te kede iro ade, Yesus ego leka nakuasa ene Roh Allah,Yesus ngulek,"Ma,Tuhan ye nguasa langit ali tana.! Ab beterimakasih tong ko leka kawus iro na siok ko ke kawan ulun ye pandei nelang beilmu,et na petendre ko tong kawan ulun ye sa tepelajar. ye iro ye pesanang ate Ma. ²² Ke kawus apu na sarah Ma tong ab, beloh sunah erai keulun ketaru Anak se lain ke Ma. beloh naan ade ketaru Ma selain ke Anak ; ali kawan ulun ye tong da Anak iro kakan ngulek Ma. ²³ Belalu Yesus sekelap tog kawan ulun ye siut da.uli iro ngulek tong dali gales, beuntung kam leka apu kite ye ite kam nehe. ²⁴ Ingat kam, deo nabi ali raja kakan neneng ye ite kam nehe et dali sa kite iro.dali kakan keringa ye dinga kam nehe,et dali sa keringa iro." Ulun Samaria ye bebelas kasih. ²⁵ uli iro erai keulun guru agama sulet laang ngejabat Yesus. da nyituk,"Guru, se ye harus na ene ab dian ab tau nerima pemolum kekal pelos tong kengola - ola. ²⁶ Yesus nuing, se ye na surat tesuang surat berasih.? nget me menurut ko nget hal ihe. ²⁷ Ulun iro nuing,"Sinta Tuhan Allah ko ali seawus ate ko, ali seawus aseng ko, ali kawus kekuatan,nelang ali kekawus akal ko, nelang,mengasihi sesameh ko nget ko mengasihi unuk tongga ko gales. ²⁸ Ulek ko iro bujur,"lek Yesus." ene iro, himat ko sagar bolum. ²⁹ Et guru agama iro kakan ngebujur unuk da,da nyituk " dase sesameh ab iro.? ³⁰ Yesus nuing,"naan erai keulun upo dolui ke Yerusalem tong Yerikho, Te ekang alan da nasarang perampok, kawus ye naan te da narampas, da napupuk kakan mate,belalu na ikah ripu te alan ali awa tamam. ³¹ Kebelujuran erai keulun imam malan ade te alan iro,kede da kite ulun iro, da besingkir tong pai alan,belau pelos malan. ³² Nget iro ade ali erai keulun Lewi ye malan te biro kede da kite ulun iro,da nyenrani ye nget mentaru ye.et da ade besingkir tong pai alan belalu pelos malan. ³³ Et uli iro erai keulun Samaria ye rahat te perjalanan,lalo ade te biro,kede da kite ulun iro. ate da hancur leka saronu. ³⁴ Belalu da nyenrani ulun iro belalu ngeberasih kawan awa ye ali anggur pelos na obat ye makai olau, uli iro kawan awa iro nababat da uli iro da ngenkat ulun iro tong munan keledai da,belalu ngoit da tong erai losmen pelos ngerawat da. ³⁵ pita olo ye da ngepe due ensoi duit perak pelos ngokoi tong pemilik penginapan iro nelang ngulek, " rawat da,nelang aka naan kawan ongkos lain,odi sagar ab bayar aka ab apu mulik tong ihe. ³⁶ Uli iro Yesus nangkawus kesah iro makai nyituk nget ihe,"ke tolu ulun ye kame,menurut ko ye betindak jaji sesameh meresia ke ulun ye kone rampok iro. ³⁷ Guru agama ye na situk iro nuing,: ulun ye apu ngawat ulun iro."nah,alan tulak nelang ene nget iro ade.! ulek Yesus.Maria ali Marta. ³⁸ Uli iro Yesus sendro kawan ulun ye siut da nampelos alan belalu empe erai desa, te biro erai keulun bawe, bearan da Marta, nook da tong belai da. ³⁹ Da Marta naan erai butung bawe bearan da Maria.da Maria ihe tuet dani Tuhan Yesus ngeringa kawan ajaran ye. ⁴⁰ Et da Marta sibuk bene ali gawian lou belai da.da tulak dani Yesus belalu ngulek, Tuhan, se Tuhan sa peduli da Maria meladar ab begawi gegales,? siu da nawat ab.! ⁴¹ Marta,Marta! tuing Tuhan." ko kawatir nelang sibuk memikir deo masam. ⁴² Padahal ye penting je erai. nelang sibuk tong ye buen,ye sa sagar na epe ke da.