Kristus Apu Ngebebas Ulun Ye Percaya ¹ Dian kemerdekaan, Kristus apu ngebebas taka. Leka iro jakatlah nakap ali ya li hakun na pedoyat ali kuk perbudakan. ² Dingalah! Ap Paulus ngulek ntong ko et aka ko nerima sunat Kristus beloh naan di ye dian ko. ³ Sinai li, ap ngulek nyong tiap ulun ye nerima sunat leka da harus taat ntong kawus Hukum Taurat . ⁴ Aka ko beusaha dian kebenean ali ngejalani Hukum Taurat, bolum ko apu na tebar neke Kristus ali ko apu ngikah anugerah. ⁵ Nyelalo roh ali iman, taka ngema-ngema pengharapan di kebenean. ⁶ Leka suang Yesus Kristus, besunat atawa sa besunat beloh naan arti ye. Je iman ye begawi nyelalo asi ye naan arti ye. ⁷ Ko apu mensit ali buen. Dase ye ngehalang ko ke taat ntong kebenean? ⁸ Oitan iro sa sulet neke Da ye apu nook ko. ⁹ "Dis ragi apu ngene kawus adonan besolai." ¹⁰ Ap nempuun keyakinan ntong ko suang Tuhan leka ko sagar nerima pemikiran ye bali. Leka iro dase ade ye mengacaukan ko sagar mahan hukuman ye. ¹¹ Jaji kawan erai butung aka ap kea nengkabar sunat, kune me ap kea na aniaya? aka nget iro, batu sandungan te one salib apu na obet. ¹² Ap beharap dali ye menghasut ko iro sagar pelatak unuk da gales. ¹³ Kawan erai butung ko apu nook dian jaji merdeka. Et iro ya makai kebebasan ko iro jaji kesempatan dian bolum suang isi, leka iro layani aa erai ulun ali ye bali ali asi. ¹⁴ Leka kawus Hukum Taurat apu na ganapi suang erai Firman ihe, "Asilah sesameh ko meresia nget unuk ko gales." ¹⁵ Aka ko mengke keket ali mengke tolen, bejaga-jaga aa di ko sa mengke ropus. Penyengkana Roh Belawenan Ali Nafsu Keisian ¹⁶ Jaji ap ngulek, bolum aa suang Roh, maka ko sagar ngene hal-hal ye na akan ene nafsu keisian. ¹⁷ Ye na akan nafsu keisian belawenan ali ye na akan Roh, ali ye na akan Roh belawenanali ye na akan nafsu keisian, leka kedue ye belaweanan dian ko sa ngene hal-hal ye ko akan. ¹⁸ Et iro, aka ko na pimpin ene Roh, ko sa naan te wa Hukum Taurat. ¹⁹ Gawian neke nafsu keisisan apu jelas ye iro dosa seksual, kecemaran, hawa nafsu, ²⁰ menyembah patung, kuasa denem, kebencian, perbantahan, iri ate, pemereket ye sa tau na kendali, keperluan gegales, beselisih, sa rasuk, ²¹ ngewayu, mabuk-mabukan, pesta pora ali bali ye sameh. Ap pekingat ko nehe, nget ye apu ap pekingat se male ye, dase ye ngene hal-hal iro sa sagar ngewaris Kerajaan Allah. ²² Leka iro, bua Roh ye iro kasih, ke ego, damai sejahtera, sabar ramah, kebenean setia, ²³ kelemahlembutan, ali menguasai unuk. Beloh naan hukum ye ngelawen hal-hal ihe. ²⁴ Dali ye jaji puun Yesus Kristus apu nyalip nafsu keisian ali se segala nafsu ye na akan da. ²⁵ Aka taka bolum ene aroh, buen ye taka malan sameh ali Roh. ²⁶ Ya taka jaji sombong, mengke hasut atawa mengke iri hati.