Mengke Awat ¹ Hei kawan erai butung, aka naan ulun ye bependapat ngene erai tie kesala, ko ye rohani harus nempuli ulun ye nget iro ali roh kelomean. Bejaga-jaga aa dian ko gales sa siut na gida. ² Mengke awat aa suang na ngung boyat dian ko taat ali Hukum Kristus. ³ Aka naan ulun ye mengaku unuk da be di, se bene ye sa nget ro, da nipu unuk da gales. ⁴ Oboh tiap ulun nguji pengkoe da gales. Uli kero da tau peragah kite leen da gales ali sa leka ngebanding ye ali ulun bali. ⁵ Leka, tiap ulun harus nanggung boyat da gegales. Tatap Aa Ngene Hal Ye Buen ⁶ Dase ye mahan ajaran ke Firman ASllah harus da ngebagi kawus hal ye buen uiro ali ulun ye ngajar. ⁷ Ya tipu. Allah sa tau na gegeh leka ulun sagar ngutik se ye da ule. ⁸ Ulun ye ngule ke aga keisian sagar ngutik kebotoan ke isian da. Et iro ulun ye ngule neke Roh sagar ngutik bolum ye kekal ke Roh ade. ⁹ Eya taka jaji uyuh ngene pengkoe buen. Aka musim ye empe, taka sagar ngutik hasil asal taka sa menyerah. ¹⁰ Leka iro, aka taka naan penyampet, ware lei taka ngene ye buen tong kawus ulun, ye penge one ntong keluarga suang iman. Paulua Nyempunah Surat Da ¹¹ Teneng nget me ke solai ye huruf-huruf ye ap surat dian engko ali kami ap gales. ¹² Dali ye kakan paragah kebuenan neke hal-hal ye lahiriah sagar maksa ko di na sunat. Dali ngene hal iro dian sa na aniaya dian salib Kristus. ¹³ Dali ye na sunat ade sa menaati Hukum Taurat, et dali kakan ko na sunat dian dali mahan beperagah unuk te munan sunat ko. ¹⁴ Semoga ap sa pini beperagah unuk ap et je te suang salib Tuhan taka, Yesus Kristus. Nyelalo salib-Da denia apu na salib dian ap, ali ap dian denia. ¹⁵ Nasunat atawa sa nasunat se ade arti ye. Ye penting ye ko jaji ciptaan kado. ¹⁶ Dian kawus ulun ye ngejalan aturan ihe, dion aa damai sejahtera ali rahmat dolui munan dali ali munan Israel puun Allah. ¹⁷ Pengawus ye, eya naan ulun ye ngehalang ap leka ap ngoit tana-tana Yesus suang unuk ap. ¹⁸ Kawus erai butung, sekira ye anugerah Tuhan Yesus Kristus naan sendro ali roh ko. Amin