¹ Sabelum Ari Raya Paskah, Yesus naok bahwa saat-Nya dah tiba bahwa Ia akan ningal dunia ngia ka Bapa, lakak mengasihi kapunyaan-Ia sorangk ka dunia, Ia mengasihi ayungk a sampe akhir. ² Salama makant malam balangsung, setan lakak tama dalamp ati Yudas Iskariot, anak Simon, untok menghianati Yesus. ³ Yesus, pas naok bahwa Bapa lakak menyerahkan salaga sasuatu ka dalamp langan-Ant, dan bahwa Ia atangk dari Allah, dan akan balik ka Allah, ⁴ Ia badiri dari jamuan makant malam dan ngalapas jubah a, serta nangkapkain linen dan negok a ka pingangk a. ⁵ Lakak nak, Ia ngaleleh aek ka sabuah baskom dan mule ngabaso paa murid-murid-Ant serta mangatingk paa ayungk a dengan kain nanh tatengok ka pingangk-Nya. ⁶ Lalu, ia sampe ka Simon Petrus dan ia bapadah ka Yesus, "Tuhan, Kao ngabasok paaku?" ⁷ Yesus nyaut dan bapadah ka ia, "Ape nang Aku karaja, kao nanak memahamia mpitu, tapi ana kao akan ngarati." ⁸ Petrus bapadah, "Kao nanak akan pernah ngabaso paaku!" Yesus nyaut, "Kalo Aku nanak ngabaso paa kao, kao nanak namu bagian ka dalamp Aku." ⁹ Simon Petrus bapadah ka Ia, "Kalo macam nak Tuhan, usah hanya paaku jak, tapi langan gik kapalaku!" ¹⁰ Yesus bapadah ka ia, "Urangk nang udah mani hanya paralu nyuci paa a, tapi udah baraseh saluruh a. kao udah baraseh, tapi nanak samua dari kitak baraseh." ¹¹ Barang Yesus naok sape nang akan menghianati Ia, nginak sebab a Ia bapadah, "Nanak samua dari kitak baraseh." ¹² Jadi, Lakak Yesus dah selesai ngabaso'k pa'a kao murid-murid-Nya, make agik jubah-Nya, dan kambali ka tampat a, Ia bapadah ka ayungk'nga, "Apekek kitak ngarati ape nang Aku karaja ka kitak? ¹³ Kitak nyabut Aku Guru gik Tuhan. Nginak tapat barang Aku memang Guru gik Tuhan. ¹⁴ Kalo Aku, nang nginak Tuhan gik Guru kao, lakak nyasah pa'a kao, kao pun arus saling nyasah pa'a kao. ¹⁵ Barang, Aku lakak merek contoh ka kao supaya kao ugak muat macam nang Aku karaja ka kao. ¹⁶ Dengan sasungguhnya, Aku madah ka kao, saurangk hamba nanak labih ayak datipada tuan a, ataupun saurangk utusan nanak labih ayak daripada urangk nang ngutus a. ¹⁷ Kalo kao dah naok a samua angia, kao diberkati kalo kao ngaraja a. Aku nanak bakata-kata mengenai kitak samua. ¹⁸ Aku naok sape jak nang lakak kupilih, tapi nas ngia harus digenapi, 'Urangk nang makan roti-Ku lakak ngangkakt tumit a terhadap Aku.' ¹⁹ Aku meretau kao mpitu, sabelum hal nginak tajadi supaya pas hal nginak tajadi, kao akan pacayak bahwa Akulah Ia. ²⁰ Dengan sasungguhnya, Aku madah ka kao, satiap urangk nang narimak urangk nang Kungutus, narimak Aku; dan urangk nang narimak Aku, narimak Ia nang ngutus Aku." Yesus Meretau Sape nang Akan Menghianati Ia ²¹ Lakak Yesus bapadah macam pia, Ia galensah dalamp Roh dan basaksi, "Sasungguhnya Aku madah ka kao, salah saurangk dari kitak akan menghianati Aku." ²² Murid-murid saling memandang ka saurangk ka nang lain dan manjadi bingung mengenai sape nang Ia omong nak. ²³ Salah saurangk murid-Nya duduk basandar ka dada Yesus. Ialah murid nang miah dikasihi gik Yesus. ²⁴ Lakak nak, Simon Petrus mere isyarat ka ia untok batanya ka Yesus tentang sape nang Ia maksudkan. ²⁵ Jadi, murid nang basandar ka dada Yesus nginak batanya ka Ia, "Tuhan, sapekek urangk nginak?" ²⁶ Yesus nyaut, "Urangk nginak ia nang kak ia Aku merek roti satatak nginak Lakak Aku nyalupnya." Lalu, lakak nyalup potongan roti nak, Yesus mere a ka Yudas, anak Simon Iskariot. ²⁷ Dan, lakak Yudas narimak potongan roti nginak, Iblis ngarasukinya. Barang nginak, Yesus bapadah ka ia , "Ape nang maok kao muat, karaja lah mpitu!" ²⁸ Nanak saurangk pun dari ayungk a nang gik makant nginak ngarati ngape Yesus madah macampia ka Yudas. ²⁹ Beberape dari ayungk a nyangka barang Yudaslah nang megang kotak duit sahingga Yesus bapadah ka ia, "Balilah hal-hal nang diri butuhkan untok perayaan," atau supaya ia mere sasuatu ka urangk miskin. ³⁰ Jadi, lakak narimak potongan roti, Yudas ampus ka luar pas nginak ugak; dan pas nginak dah malam. Yesus Ngomong tentang Kamatiant-Nya ³¹ Lakak Yudas ampus, Yesus bapadah, "Mpitu lah saatnya Anak Manusia dimuliakan dan Allah lewat Ia. ³² Kalo Allah dipermuliakan ka dalamp Ia, Allah ugak akan mamuliakan Ia ka dalaml diri-Nya, dan akan mamuliakan Ia dengan segera. ³³ Anak-anak-Ku, Aku ada gik kao hanya diamp sabantar agik. Kao maok ngago Aku, dan macam nang lakak kupadah ka urangk-urangk Yahudi, mpitu Aku padah ugak ka kao, 'Ka mane Aku ampus, kao nanak bisa atangk.' ³⁴ Sote parintah bari Aku mere ka kao, ianak suapaya kao salaing mengasihi, sama macam Aku lakak mengasihi kitak, macampialah kao ugak saling mengasihi. ³⁵ Dengan macam nak, samua urangk maok naok bahwa kao nginak murid-murid-Ku, ianak kalo kao saling mengasihi." Paringatan Yesus ka Petrus ³⁶ Simon Petrus batanya ka Yesus, "Tuhan, ka manekek Kao maok ampus?" Yesus nyaut ia, "Ka mane Aku ampus, kao nanak bisa ngikut Aku mpitu, tapi ana kao akan ngikut Aku." ³⁷ Petrus batanya ka Ia, "Tuhan, ngape aku nanak bisa ngikut Kao mpitu? Aku ana nyerahkan nyawaku demi Kao!" ³⁸ Yesus nyaut, "Kao ana menyerahkan nyawa kao bagi-Ku? Dengam sasungguh nya Aku madah ka kao, manok nanak akan bakokok sabelum kao nyangkal Aku 3 kali."