¹ "Usahlah hatikao manjadi galisah; pacayaklah ka Allah, pacayaklah ugak ka-Aku. ² Ka rumah Bapa-Ku ada manyak tampat tinggal; kalo nanak macam pia, Aku pasti udah madaha ka kao barang Aku ampus untok manyiapkan sabuah tampat bagikao. ³ Dan, kalo Aku ampus dan nyiapkan sabuah tampat bagikao, Aku ana atangk agik dan maba kao ka Aku suapaya ka mane Aku barada, kao pun barada. ⁴ Dan, kao naok jalan ka tampat Aku ampus." ⁵ Lakak nak, Tomas bapadah ka Ia, "Tuhan, kami nanak naok ka mane Kao ampus, macam mane kami naok jalan nginak?" ⁶ Yesus bapadah ka ia, "Akulah jalan,dan kebanaran,dan kahidupan. Nanak ada saurangk pun nang atangk ka Bapa, kalo nanak lewat Aku. ⁷ kalo kao lakak nganal Aku, kao ugak lakak nganal Bapa-Ku; mule mpitu, kao lakak nganal Bapa dan lakak nele Ia." ⁸ Filipus bapadah ka Ia, "Tuhan, tunjukkanlah Bapa nak ka kami, nak dah cukup bagi kami." ⁹ Yesus nyaut ia, "Filipus, dah sakian lama Aku basama-sama gik kao, dan kao masih nak dah nganal Aku? Barangsape lakak nele Aku, ia lakak nele Bapa, macam mane kao bisa bapadah, 'Tunjukkanlah Bapa nginak ka kami?' ¹⁰ Apekek kao nanak pacayak bahwa Aku ka dalamp Bapa dan Bapa ka dalamp Aku? pakata-pakata nang Aku padah ka kao, Aku nanak madah a dari diri-Ku sorangk, tapi Bapa nang diamp ka dalamp Akulah nang muat karaja a. ¹¹ Pacayaklah ka Aku, bahwa Aku ka dalamp Bapa dan Bapa ka dalamp Aku; atau setidaknya, pacayaklah barang pakaraja-pakaraja nginak sorangk. ¹² Dengan sasungguhnya, Aku madah ka kao, satiap urangk nang pacayak ka Aku, pakaraja-pakaraja nang Aku karaja, ia ugak akan ngalakukan a; dan pakaraja-pakaraja nang labih ayak daripada samua ngia barang Aku ampus ka Bapa. ¹³ Ape pun nang kao minta dalamp dama-Ku, nginak akan Aku karaja supaya Bapa dimuliakan ka dalamp Anak. ¹⁴ Kalo kao minta ape pun ka Aku dalamp dama-Ku, Aku alan ngalakukan a. Janji tentang Roh Kudus ¹⁵ "Kalo kao mangasih Aku, kao akan nurut samua parintah-Ku. ¹⁶ Aku akan minta ka Bapa, dan Ia akan mere a ka kao panolong nang lain, suapaya Ia basama kao salamanya, ¹⁷ ianak Roh kebenaran, nang nanak bisa ditarimak ka dunia, barang dunia nanak nele Ia atau mangenal Ia; tapi kao mangenal Ia; tapi kao mangenal Ia barang Ia tinggal basama kao dan akan ada ka dalamp mu. ¹⁸ Aku nanak mao ninggal kao macam yatim piatu; Aku mao atang ka kao. ¹⁹ Nanak lama agik, dunia nanak mao nelek Aku agik, tapi kao mao nelek Aku; barang aku hidup, kao pun mao hidup. ²⁰ . Pas hari nak, kao mao tau bahwa Aku ka dalamp Bapa-Ku, dan kao ka dalamp Aku, dan Aku ka dalamp kao. ²¹ Sape pun nang megang parintah-Ku dan ngalakukan a, ia ngasihi Aku; dan urangk nang ngasihi Aku akan dikasihi oleh Bapa-Ku, dan Aku akan mengasihi ia dan akan menyatakan diri-Ku ka ia." ²² Yudas, nang bukek Iskariot, bapadah ka-Ia, "Tuhan, macammane Kao akan madah diri Kao ka kami dan bukek ka dunia?" ²³ Yesus nyaut dan bapadah ka ia, "Kalo saurangk mengasihi Aku, ia akan menuruti firman-Ku; dan Bapa-Ku akan mangasihi ia, dan kami akan atangk ka ia dan diamp gik ia. ²⁴ Tapi, urangk nang nanak mangasihi Aku, nanak nuruti firman-Ku. Dan, firman nang kao dangar nginak bukek dari-Ku, melainkan dari Bapa nang ngutus Aku. ²⁵ Samua hal ngia lakak Aku katakan ka kao salama Aku masih barata kao. ²⁶ Tapi, panolong nginak, ianak Roh Kudus, nang akan Bapa utus dalamp dama-Ku, Ia akan ngajar sagala sasuatu ka kao, dan akan ngingatkan kao ka samua nang lakak kupadah ka kao. ²⁷ Damai sejahtera kutingalkan gik kao; damai sejahtera-Ku ku bere ka kao, bukek macam nang dunia bere nang Aku bere ka kao. usah di biar ati kao galensah atopun gentar. ²⁸ Kao lakak nangar bahwa Aku bapadah ka kao, 'Aku akan dari, dan Aku akan atangk agik ka kao.' Kalo kao mengasihi Aku, kao akan basukacita karna Aku dari ka Bapa, barang Bapa labih ayak daripada Aku. ²⁹ Aku lakak merektau kao mpitu sabelum hal nginak tajadi supaya pas hal nginak tajadi, kao akan pacayak. ³⁰ Aku nanak akan ngomong labih manyak agik dengan kao barang pangusaha dunia ngia gik atangk. Ia nanak bakuasa sadikit pun atas-Ku. ³¹ Tapi suapaya dunia naok bahwa Aku kasih ka Bala, Aku ngalakukan tepat macam nang Bapa parintahkan ka Aku. Danilah, njeh diri dari dari ngia."