¹ Bante pinyak, aku, di penjara bante Tuhatn,nyuruh ikapm idup nunak pemangel nang udah ikapm terimak. ² Dengan segala keronah ati, kelemutan, sabar, sama nangokng beban dalapm kasih, ³ berusaha nyaga kesatuan Roh dalapm ikatan damai sejahtera. ⁴ Hanya sutik tubuh tamah sutik Roh, sama hal e waktu kapm di sapa ke sutik pengarap dari pemangil kapm, ⁵ sutik Tuhatn, iman, babtis, ⁶ Allah, tamah Apakng dari semua, nang di atas semua e, ngelalu semua nyak tamah dalapm semua nyak. ⁷ Tapi, ke kite masitn-masitn diborik anugrah sesuai ukor karunia Kristus. ⁸ Nyak lah sebab e, di padah, "Waktu siatn nait ke bongkah tingik, Siatn encogap bala iyakng nang di tahatn, ngemorik karunia ke ensia." Mazmur 68:19 ⁹ Watu di padah, "Siatn nait," bukatn kah nyak beroti Siatn gak udah turutn ke bobah bumi? ¹⁰ Siatn, nang turutn, Siatn gak nang nait lobih tingik dari semua langit sak siatn monuh semua e. ¹¹ Siatn e nang morik, bait bala rasul, bala nabi, bala pemberita injil, bala gembala, tamah bala pengajar, ¹² pake ngelengkap bala iyakng kudus dalapm pekereja pelayatn mulah tubuh Kristus, ¹³ sampe kite ulih nomu pesatu iman tamah penau akan anak Allah, yaitu insia ngeroti, nunak ukor pemosar e nang sesuai tamah pemonuhan Kristus. ¹⁴ Dengan pinyak, kite bukatn agik anak biak nang di kemulak dikebodo, bala iyakng, di akal oleh penipu nang ja't. ¹⁵ Sebalit e, madah kebonar e dalam kasih, kite tumuh dalapm segala hal ke Siatn e, sebagai Kepala, yaitu Kristus. ¹⁶ Dari siatn e tubuh di susutn di kobat besama nyadi stik ngelalu tunyar setiap sendi. Jika semua ngelaku bagian e, tubuh akan tumuh nyadi idik e kinik dalapm kasih. Cara Idup nang Bonar dalapm Kristus ¹⁷ Bante nyak, aku ngenyelas e dalapm Tuhatn, inang ikapm idup upa iyakng nang adak pecayak, nang idup dengan bepiker adis roti. ¹⁸ Pengeroti sidak jadi potakng bepisah dari idup Allah bante pemodo pade kekoras ati. ¹⁹ Pemiker sidak nyadi penet sampe sidah nyerah idik ke hawa nafsu ke ngator idup e. ²⁰ Tapi, bukatn dengan cara pinyak ikap belajar tentang Kristus. ²¹ Sempama kapm udah ninga tentang Inyie di ajar dalapm Inyie, dimak ngaya kebonar dalapm Yesus, ²² buakng lah iko nang lamak, nang di rusak oleh hawa nafsu nang nipu. ²³ Kemaitlah roh pemiker kapm. ²⁴ Pasaknglah insia nang baru, nang di pulah upa Allah dalapm keadele tamah kekudusae mang sejati. ²⁵ Bante nyak, dengan ngemuakng pemulak, aboh ikapm ngomong tentang kebonar e ke sesama ikapm bante kite semua sutik tubuh. ²⁶ Godiklah tapi inang mulah dosa. Inang nyuruh mata ari tengolapm bante iko godik. ²⁷ Inang morik kesompat ke setatn. ²⁸ Iyakng nang encuri, inang encuri agik. Lobih bait kereja nang bagos make jari sinik sampe inyie mulih jolu di bagi ke bala iyakng nang merolu. ²⁹ Inang nojuk omong jaek keluar dari mulutko,tapi hanya omong bait nang mantuk iyakng nang merolu sampe omong ko morik berokat ke iyakng nang ninga e. ³⁰ Inang ngenuak Roh Kudus Allah, bante Siatn e ikapm di borik materai ke ari penobusan. ³¹ Buakng segala macapm jolu nang jaek, bunto, pemikar nang adak antus, nang merutat, jauh dari iko. ³² Beulah bait ke iyakng laitn, lomah lembut, saling mengampuni, upa gaya Allah dalapn Kristus ngamputn iko.