¹ Pake alasan tuk lah, aku, Paulus, di penjara bante Yesus Kristus demi kapm, bala iyakng kafir. ² Kapm pasti udah ninga tentang tugas pelayanan anugrah Allah nang di borik ke aku pake kapm, ³ Dengan pinyak, rahasia nyak di padah ke aku upa nang udah ku tulis dengan singkat seopatn e. ⁴ Maca tuk, kapm ulih ngeroti tentang rahasia Kristus, ⁵ nang adak di padah ke bala iyakng generasi laitn, tapi pituk di nyatakan ke bala rasul tamah bala nabi e nang kudus oleh Roh Kudus. ⁶ Rahasia nyak adalah bahwa ngelalu injil bala yang kafir nyadi sama ahli waris e, sama soyakng tubuh, sama ngamik pemagi janyi dalapm Yesus Kristus. ⁷ Aku nyadi pelayan injil sesuai nang di borik Allah, nang di borik ke aku nunak kuasa e. ⁸ Ke aku, nang paling hina di sentara iyakng kudus, anugrah tuk di borik ke madah bala iyakng kafir kekaya Kristus nang adak tesolapm, ⁹ madah ke iyakng tentang rahasia nang tetapok selamak beabat-abat dalapm Allah, nang mulah segala sesuatu. ¹⁰ Dengan pituk, ngelalu umat, bemacapm hikmat Allah di padah ke bala pemerintah tamah penguasa seruga. ¹¹ Tuk sesuai rencana kokal nang di padah Yesus Kristus, Tuhatn kite, ¹² nang dalapm inyie, kite mulih keberani bejalatn magak Allah dengan yaketn bante kesetiaan Kristus. ¹³ Bante nyak, aku mintak ke ikapm inang sampe putus asa nonsit penerita nang aku alapm demi ikapm. Penderitaan nyak adalah kemuliaan kapm. Doa Paulus ke Umat Efesus ¹⁴ Pake alasan nyak lah, aku belutut ngadap Apakng. ¹⁵ Diaklah satiap keluarga di seruga tamah di bumi nerimak namae. ¹⁶ Aku bedoa sak sesuai dengan kekaya kemuliaan e, inyie maok morik berokat kekuat batitn kapm, make kuasa ngelalu Roh e. ¹⁷ Sampe Kristus maok diapm dalapm ati kapm ngelalu iman sampe ikapm tumuh dari kasih, ¹⁸ sak iko tamah bala iyakng kudus ulih maham betapa bose, panyakng, tingik, tamah dalapm kasih Kristus. ¹⁹ Dengan pinyak, ikapm ulih ngenal kasih kristus ang bosar sampe kapm semua ponuh berokat Allah. ²⁰ Bagi Siatn e, nang ulih ngelaku e lobih dari nang kite pintak tamah piker, sesuai kuasa e nang kereja dalapm kite. ²¹ Bagi siatn e kemuliaan dalapm umat tamah Yesus Kristus ke seluruh generasi sampe selama e. Amin.