¹ Kalau iko udah bangkit tamah Kristus, dudok di sepiak kanan Allah. ² Piker hal nang di atas, ukatn hal nang di bumi. ³ Bante, iko dah mati lalu idup ko betapok tamah Kristus dalapm Allah. ⁴ Kalau Kristus, nang idup ko, kalau inyi e 3:4 3:4 Ngerayu kedatanknge Kristus nang keduak kalie. . iko gak dinyatae dalapm kemuliaane tamah Inyie. ⁵ Bante nyak, mati sifat nang berasal dari sifat duniawiko, lalu nyak cabul, kecemarane, hawa nafsu, keingine nang jaat, tamah serakahe, nang nyembah berhala. ⁶ Hal tuk nang nyuruh murka Allah sedankng datankng. ⁷ Doluk, iko gak nangj nyuruh iko masih idup di dalapme. ⁸ Lalu, tuk, buankng semua nyak: godik, kemurkae, boncik, fitnah, tamah omong kotor dari biberko. ¹¹ sah suka ngemulak bante iko udah ngelopas mensia lamak ko tamah pempulahe. ¹⁰ Konak mensia baru, nang diperbaharui dalapm pengetaue sesuai tamah gamar dari penciptae. ¹¹ Dalapm hal tuk, adis am agik iyankng Yunani 3:11 adis am beda kebangsaane. atau iyankng Yahudi, iyankng nang disunatn atau iyankng nang adak disunatn, iyankng Barbar 3:11 bangsa nang kurankng beadap (kasar adak bebudaya). atau iyankng Skit, kuli atau iyankng merdeka, tapi Kristus segalae dalapm semuae. Idup nang Baru tamah Sesama ¹² Jadi, sebagai iyankng nang di pilih Allah, nang kudus tamah nang di kasihe, konak ke iko belas kasih, keramahe, ronah ati, kelembutane tamah kesabare. ¹³ Sabar soyankng ke nang laitn, saling mengampun kalau tenyata ada sikonkng nang besalah ke nang laitn. Sama upa Tuhan udah ngampun iko, maka iko arus suka mengampuni. ¹⁴ Di atas semua nyak, konak kasih, nang jadi pengobat nang sempurna. ¹⁵ Tojuke damai sejahtera Kristus ngenal ati iko bante memang nyak iko di sapa jadi satu tubuh, jadi besukor. ¹⁶ Tojuke omong Kristus diapm di dalapm iko lalu melimpah, tamah semua hikmat iko ngajare tamah nasehate iyankng ke nang laitn, nyanyi mazmur, lagu pujian, nyanyi rohani, semuae ponuh ucap sukor di dalpm ati ko ke Allah. ¹⁷ Ope nang iko pulah, dalapm omong atau pempulah ko, pulah semua nyak dalapm nama Tuhan Yesus, samil ngucap sukor ke Allah Bapa, ngelalu Inyie. Idup nang Baru dalapm Rumah Tangak ¹⁸ Bini, tunok ke laki ko upane searus dalapm Tuhan. ¹⁹ Laki, kasih ke biniko usah kasar ke sidak. ²⁰ Anak, tunok ke iyankng tua ko semua hal bante hal tuk nyenang Tuhan. ²¹ apak, usah memicu anak ko godik supaya sidak adak jadi patah semangat.m ²² Kuli, tunoklah ke tuatn ko nang ada di duna tuk dalapm semua hal. Pulah nyak ukatn anya saat sidak ngelomatn ko ke nyenang sidak laitn tamah tulus ati bante golak ke Tuhan. ²³ Ope nang iko pulah, pulah tamah segenap ati upa Tuhan ukatn mensia, ²⁴ bante iko tau kalau dari Tuhan iko nerimak warise sebagai upah ko. Kristus Tuhan nang iko layatn. ²⁵ Bante, iyankng nang mpulah salah nerimak balas atas kesalahe nang dipulah adis nang kecuali.