¹ Tuantn, kuli ko bonar atau adil bante iko tau kalau iko ada Tuantn di surga. Hal nang Arus Dipulah ² Tekutn dalapm doa, bejaga tamah mengucap sukor. ³ Bedoa gak ke kami supaya Allah mukak lawankng ke firman kalau kami tau memproklamasi rahasia Kristus, bante aku dipenjara. ⁴ bedoa supaya aku dapat madah tamah jelas dimak searuse aku ngomong. ⁵ Sikap tekas ke iyankng luar nguna kesempate nang bait. ⁶ Tojuk omong ko selalu ponuh kasih, dibumu tamah garam, supaya iko tau dimak searuse nyautn iyankng. Salapm dari Paulus tamah Iyankng nang Besama Tamahe ⁷ Tikhikus nyerita semua kabar tentakng aku, Inyie meyedik seiman kite nang terkasih, pelayantn nang setia, kawatn kereja dalapm Tuhan. ⁸ Aku nyuruh ke iko tujuan supaya iko tau keadaan kami supaya inyie dapat nguat atiko. ⁹ Inyie datankng tamah Onesimus, meyedik seiman kite nang setia tamah terkasih, sikonkng dari antara iko. Sidak madah ke iko semua nang tejadi di tuk. ¹⁰ Kawatn aku sepenjara, Aristarkhu, ngiripm salapm ke iko, pinyak gak Markus, Anak nakatn Barnabas, nang tentankng inyie iko udah nerimak petunyok; Samut inyie saat inyie datankng ke iko. ¹¹ Nyak salapm dari Yesus, nang dipangil Yustus. Di antara rekatn pelayatn ko di kerajaan Allah, anya sidak tuk nang beasal dari kalangan iyankng besunatn, sidak udah jadi pengibur aku. ¹² Epafras, meyedik seiman ko, hamba Kristus Yesus, ngiripm salapm ke iko. Inyie selalu bergumul dalapm doa demi iko supaya iko dapat bediri kuat yakitn ponuh dalapm semua kehendak Allah. ¹³ Aku dapat morik kesaksian dimak inyie udah banyak menderita iko tamah sidak nang ada di Laodika tamah Hierapolis. ¹⁴ Lukas, dokter nang terkasih, tama Demas ngiripm salapm ke iko. ¹⁵ Sampe salapm aku ke meyedik seiman di Laodikia, ke Nimfa tamah umat nang ada di rumahe. ¹⁶ Udah surat tuk dibaca ke iko, baca gak ke umat Laodikia. Sebalike, baca surat ke umat Laodikia. ¹⁷ Padah ke Arkhipus, " Ponto supaya iko ngudah tugas pelayatn nang udah iko terimak dari Tuhan." ¹⁸ Aku, Paulus, nulis salapm tuk tamah jari ko soyankng. Ingatn belenggu ku. Anugerah Allah memberkati iko.