¹ Bante nyak, kami adak tahatn agik, kami beniat diapm soyakng di Atena, ² ngiripm Timotius, mianak kami pelayatn Allah, kabatn kami kereja dalapm Injil Kristus, pake nasehat nguat kapm dalapm iman, ³ sak adis soyakng pun nang digoyahkan oleh bala penyakit tuk. Sebab, ikapm sinik tau kalau kite di tontukan ke tuk. ⁴ Bahkan, waktu kami tamah kapm, kami selalu madah kapm kalau kite akan menderita pituk am nang tejadi upa nang kapm ketau. ⁵ Bante nyak, waktu aku dah adak ulih, aku nyuruh ke ngentau iman kapm. Aku golak, kalau si pengelomak udah ngelomak ikapm lalu pengopak kami jadi pecuma. ⁶ Namun, pituk, Timotius udah pulakng ke kami dari bongkah kapm, udah maik berita bait tentang iman kasih ko ke kami, kalau ko selalu ngonang kenangan tamah kami, upa kami gak nang kemangu nak betomu tamah kapm. ⁷ Bante nyak, bala mianak, dalapm sakit podih tuk, kami teibor bante iman ko. ⁸ Pintuk, kami idup kalau ko bediri di dalapm tuhatn. ⁹ Sebab, ucap sukor ope nang kami borik ke Allah bante kapm, ke penganti sukacita nang kami osa di adap Allah bante ikapm? ¹⁰ Siakng malapm kami bedoa bonar-bonar sak ulih betomu agik tamah kapm, ulih ngelengkap ope nang kurakng dari kapm. ¹¹ Pintuk, sak Allah tamah Apakng kinik, tamah Yesus, Tuhatn kite, nang madah jalatn kami ke iko. ¹² Kira eTuhatn mulah iko tumuh belimpah dalapm kasih sentara sikokng tamah nang laitn, tamah semua iyang, upa nang kami pulah ke ikapm. ¹³ Kirae Siatn noguh ati kapm adak cacat dalapm kesucian di adap Allah Apakng kite waktu kedatakng Tuhatn kite, Yesus, tamah bala iyakng kudus e.