¹ Peratilah bosar ma kasih Apakng nang di borik ke kite sampe kite di sobut bala anak Allah, memang kite tuk bala anak Allah. Bante nyak, dunia adak ngenal kite sebab dunia ngenal Siatn. ² Bala mianak nang aku kasih, pituk kite bala anak Allah, tapi upa ope kite nanak kite opatn tau. Tapi, kite tau Siatn e datakng, kite ngenyadi upa Siatn e bante kite nonsit Siatn e dalapm keadaan nabg sebonar e. ³ Setiap iyang nang umpuk pengarap tuk di dalapm Kristus, inyie nyuci kinik, sama upa Kristus nyak suci. ⁴ Setiap iyakng nang mulah dosa tamah ngelangar ukupm bante dosa nyak pelangar ukupm. ⁵ ikapm tau kalaw Kristus di padah ke ngapus dosa di Siatn e adis dosa. ⁶ Tiap iyakng nang diapn di Siatn e adak di sobut dosa; adis nang bedosa udah nonsit tamah ngenal Siatn. ⁷ Bala anak ku, inang nyojuk soyakng pun nyosat ikapm. Iyakng nang ngelaku kebonar iyakng bonar, sama upa Kristus bonar. ⁸ Iyakng nang mulah dosa berasal dari setatn bante setatn bedosa dari kemaik. Anak Allah datakng betuju ke tuk: ke ngancor bala pempulah setatn. ⁹ Adih soyakng pun nang laher dari Allah mulah dosa bante bonih Allah diapm di idik e; inyie adak ulih mulah dosa bante inyie laher dari Allah. ¹⁰ Nyadi pituk, sope bala anak Allah tamah sope anak setatn nyadi ketau. Insia nang adak ngelaku kebonar adak berasal dari Allah, pinyak gak iyakng nang adak ngasih bala mianak e. Sama Ngengasih ¹¹ Sebab, tuk am berita nang kami dinga dari kemaik, kite arus sama ngasih. ¹² Inang upa Kain, berasal dari nang ja't, munuh adi'k e. Ngope Kain munuh adi'k e? Sebab, pempulah Kain ja't tapi pempulah adi'k e bonar. ¹³ Bala mianak ku, inang tekoajut kalau dunia ngemoncik kapm. ¹⁴ Kite ketau kite udah keluar dari mati magak idup bante kite ngasih bala mianak. Iyakng nang adak ngasih miyadik e tingal dalapm kematian. ¹⁵ Setiap iyakng nang ngemoncik miyadik e inyie pemunuh, ikapm tau kalaw adih pemunuh nang idup selamae di idik e. ¹⁶ Pituk am kite ngenal kasih: Yesus Kristus udah nyerah idup e ke kite. jadi, kite arus nyerah idup kite ke bala mianak kite. ¹⁷ Tapi, kalaw iyakng kaya, monto mianak e merolu, tapi inyie nutup atie ke mianak e nyak, mingkin kah kasih Allah ada dalapm atie? ¹⁸ Bala anakku, aboh kite ngasih bukatn make omong atau lidah, tapi make pempulah nang bonar. ¹⁹ Make tuk, kite tau kalaw kite berasal dari kebonar kite noguh ati di adap Allah. ²⁰ Sebab, opebila ati kite nyalah kite, Allah bosar dari ati kite, Siatn ngentau semua e. ²¹ Bala miadik nang aku kasih, kalau ati kite adak nyalah kite, kite yaketn di adap Allah. ²² Ope pun nang kite pintak, kite bulih dari Allah bante kite nunak segala perintah e mulah ope kemaok e. ²³ Tuklah perintah Allah, sak kapm pecayak dalapm nama anak e, Yesus Kristus, kite sama ngasih upa nang udah Siatn padah ke kite. ²⁴ Iyakng nang naat segala perintah Allah diapm dalapm Siatn e, lalu Allah diapm diak gak. Mangka nyak kite tau kalaw Allah diapm dalapm kite, oleh Roh nang Allah borik ke kite.