¹ Tu, kutika maji monik, sumu imam kupala ngant para pumutuh-pumutuh bangsa hant monu kuputusan busama ngenai Yesus ngadok hukupm kobek Diapm. ² Ngant, datn nyiatn Yesus, lalu matn ngant nyerahkan-Nya nganu Gubernur Pilatus. ³ Kutika Yudas, dik nyerah Yesus, honong bahwa Yesus nihomuk hukuman, diapm rasa nosal ngant moliak 30 keping perak nganu imam-imam kupala ngant para mutuh-mutuh, ⁴ katanya, ''Kuk jeh budosa karna nyerah doyok dik kai busalah.'' Dok tapi, datn nyonok, ''Oniah urusannya samah mik? Hant urusanmuk!'' ⁵ Ngant, Yudas motatn keping-keping perak hant koni wah Bait Punopo ngant togatnnya. Lalu, diapm obu ngant ngatua diapm. ⁶ Dok tapi, imam-imam kupala monu keping-keping perak hant ngant nyonok, ''Kai nibonar ngadok ngonoknya wah pubendaharaan karna te adalah hogo doyok.'' ⁷ Maka,datn monu kuputusan busama ngant samah duet hant, datn mihih poyok tukank periuk subagai ahok punguburan ngadok nyo-nyo asaing. ⁸ Hantlah sebabnya, poyok hant dik sanok 'Poyok doyok' sapai onu te. ⁹ Samah demikian, genaplah oniah dik ninyonok Nabi Yeremia: ''Kumudian, datn monu 30 keping persk. Hantlah hogo ngadok Kuk-Nya dik jeh nitaksir oleh nyo-nyo Israel. ¹⁰ Datn nguno 30 keping perak ngadok mihik poyok tukang periuk, mah dik jeh tuhan pihitah nganukuk.'' ¹¹ Tu, Yesus tekit nok jowi Gebernur ngant Gubernur misiak nganu-Nya, ''Oniahkoh Muk Haja nyo Yahudi?'' JawabYesus, ''Ya, mah dik muk nyonok.'' ¹² Dok tapi, kutika Diapm nituduh oleh imam-imam kupala ngant para pumutuh-pumutuh, Diapm kai jawab oniah pun. ¹³ Kumudian, Pilatus nyonok nganu-Nya, ''Oniahkoh Muk kai ngopink butapa obehnya datn nuduh Muk?'' ¹⁴ Namun, Yesus kai jawab Pilatus, bahkan ngadok nyik tuduhan punsuhingga Gubernur hant mangh heran. ¹⁵ Tu, pada sutiap onu raya, Gubernur biasa bebas bagi nyo obeh, nyo tahanan dik nikehendaki oleh datn. ¹⁶ Pad waktu hant, datn pu nyo tahanan dik tukenal, dik ninyonok Barabas ¹⁷ Jodi, kutika nyo obeh pupulua, Pilatus misiak nganu datn, ''Osiah dik muk inginkan ngadok kukbebas, Barabas atau Yesus, dik ninyonok Kristus?'' ¹⁸ Sebab, Pilatus tauk bahwa karna iri, datn jeh nyerah Yesus nganunya. ¹⁹ Kutika Pilatus gik guhuk nok bangku pungadilan, saunya cihipm posatn nganunya, ''Yiak lakukan oniah pun tuhadap Nyo bonar hant. Sebab, kuk jeh menderita obeh hal onu te wah pimih karna Diapm.'' ²⁰ Dok tapi imam-imam kupalala ngant pumutuh-pumutuh yakin nyo obeh ngadok mito Barabas ngant pukomek Yesus. ²¹ Gebernur misiak nganu datn, ''Dik kiah sok kudu nyo hant dik muk kuhendaki ngadok kuk bebas bagimuk? Ngnt, datn nyonok, ''Barabas!'' ²² Pilatus nyonok nganu datm, ''Kalau mahan, oniah dik harus kulkukan samah Yesus, dik ninyonok Kristus?'' Dtan sumua nyonok, ''Salibkan Diapm!'' ²³ Ngant, Pilatus misiak, ''Ngoniah? Diapm jeh lakukan kubek oniah?'' Dok tapi, datn bumakas lobiah nyahik gik, ''Salibkan Diapm!'' ²⁴ Ktika Pilatus honong bahwa diapm kai nyelesaikan oniah pun, malah kurusuhan mulai tijadi, diapm monu pink ngant cuci tongantnya nok jowi nyo obeh hant ngant nyonok, ''Kuk kai busalah somu doyok Nyo te. hant urusanmuk maih!'' ²⁵ Ngant, sumua nyo hnt jwab, ''Doyok-Nya biatn somu mik ngant nak-nak mik!'' ²⁶ Kumudian, Pilatus bebas Barabas bagi datn ngant jeh nyambuki Yesus, Pilatus nyerah Diapm ngadok nisalibkan. ²⁷ Kumudian, para tentara gubernur matn Yesus koni markas koniahok gubernur ngant mulua suluruh pasukan Romawi kulilink Diapm. ²⁸ Datn lopas aduah Yesus ngatn nginyak jubah ungu nganu-Nya. ²⁹ Ngant, jeh ngayam subuah mahkota buduri busma-sama, datn nginyak nok ba Yesus, nyikbota buhuk pada tongant tauh-Nya , ngant ngejek Diapm, kata datn,, ''Slam, Haja nyo Yahudi!'' ³⁰ Datn hucuah-Ny, monu buhuk hant, lalu mokuanya koni ba-Nya. ³¹ Jeh datn ngejek Diapm, datn lopas jubah ungu hant sok Yesus, ngant nginyak adauh gik adauah-Nya maih, ngant matn-Nya obu ngadok nyalibkan-Nya. ³² Kutika para tentara hant kuluar, datn jumpai nyo dahi-dahi sok Kirene dik odatn Simon. Datn maksa Simon ngadok mikul salib Yesus. ³³ Ngant, kutika datn tiba nok subuah ahok dik odatn Golgota, dik berarti ''Ahok Tengkorak'', ³⁴ datn minyuk-Nya anggur ngadok ninyiniapm dik campur samah empedu, ngant jeh cecapnya, Diapm kai lua nyiniapmnya. ³⁵ Kutika datn nyalibkan Yesus, datn bagi-bagi aduah-Nya nok antara datn samah motatn undi. ³⁶ Kumudian, datn guhuk ngant ngawasi-Nya nok hant. ³⁷ Ngant, nok somu Ba-Nya, datn masang tuduhan tuhadap-Nya, '' TELAH YESUS, HAJA NYO YAHUDI.'' ³⁸ pada saat hant, biatn du nyo penjahat dik nisalibkan busama samah Yesus. Nyik nok supiak touh ngant dik nyik supiak moyiat. ³⁹ Ngant, nyo-nyo dik lalu hujat Diapm samial geleng-geleng ba, ⁴⁰ ngant nyonok, ''Muk dik dok robohkan Bait Punopo ngant bangunnya gik wah tohuah onu, selamatkanlah diri-Muk maih! JIka Muk Nak Punopo monoklah sok salib hant!'' ⁴¹ Demikian gik imam-imam kupala, busama ahli-ahli Taurat, ngant para pumutuh-pumutuh ngejek Yesus, kata datn, ⁴² ''Diapm nyelamat nyo laink, tapi Diapm kai depit nyelamat Diapm-Nya maih. Jika Diapm adalah Haja Israel, adunglah Diapm monok sok salib hant tu ngant yah dok pucaya nganu-Nya. ⁴³ Diapm pucaya nganu Punopo, maka adunglah Punopo nyelamat-Nya tu, jika Punopo hendaki-Nya. Karna Diapm maih nyonok, 'Kuk adalah Nak Punopo.''' ⁴⁴ Para penjahat dik nisalibkan busama samah Diapm gik ngejek-Nya. ⁴⁵ Tu, sok jam kuenam. ⁴⁶ Kira-kira, pada jam kusembilan, Yesus buseru samah caho nyahik, kata-Nya, ''Eli, Eli, oti sabakhtani?'' dik artinya, ''Punopo-Kuk, Punopo-Kuk, ngoniah Muk togatn Kuk?'' ⁴⁷ Ngant, kudu sok datn dik tekit nok nyih, kutika datn ngopink hant, datn nyonok, ''Nyo te gik pau Elia.'' ⁴⁸ Tiba-tiba, nyik sok datn obu, ngant monu bunga karang, bisoknya samah anggur asam, ngant nyiatnnya pada subuah buhuk, ngant minyuknya nganu Yesus ngadok ninyiniap. ⁴⁹ Dok tapi, dik sulobiahnya nyonok, ''Boh yah honong, oniahkoh Elia dok monik ngadok nyelamat-Nya.'' ⁵⁰ Ngant, Yesus buseru sukali gik samah caho nyahik ngant nyerah Mino-Nya. ⁵¹ Ngant, honong, tirai wah Bait Punopo kujatn jodi du bagian, sok somu sapai koni sigatn, ngant bumi bugucah, ngant botuh-botuh tupomuak. ⁵² Kuburan-kuburan tubuka, ngant obeh opuk nyo-nyo suci dik jeh kobek nibangkitkan. ⁵³ Ngant, jeh kuluar sok Kuburan-kuburannya, jehkubangkitan Yesus, datn namok koni kota suci ngant puhatikan sok nganu obeh nyo. ⁵⁴ Tu, kupala pasukan, ngant datn dik busama samahnya ngawasi Yesus, kutika datn honong gempa bumi ngant sugala hal dik tujodi te, jodi mangah golak ngant nyonok, ''Bonar, Diapm adalah Nak Punopo!'' ⁵⁵ Nok nyih, biatn obeh dayua dik honong sok kuojuk, dik ngajah Yesus sok Galiea ngadok layani Diapm. ⁵⁶ Nok antara datn biatn Maria Magdalena, Maria Nok Yakobus ngant YUsuf, serta nok sok nak-nak Zebedus. ⁵⁷ Kutika onu mulai ngehipm, moniklah nyo dik kaya sok Arimatea odatn Yusuf, dik gik jeh jodi nabuah Yesus. ⁵⁸ Diapm obu nganu Pilatus ngant mito opuk Yesus. Lalu, Pilatus mihitah agar opuk Yesus niminyuk nganu Yusuf. ⁵⁹ Ngant, Yusuf monu opuk Yesus, ngant mukus-Nya samah pocak linen dik bohosreh, ⁶⁰ ngant ngalai-Nya wah kuburan dik bauh, puknya diapm, dik jeh diapm gali pada dohik botuh. Lalu, Yusuf ngulink subuah botuh doeh koni mit kuburan hant ngant obu. ⁶¹ Ngant, nok nyih, biatn Maria magdalena ngant Maria dik laink gik guhuk nok jowi kuburan hant. ⁶² Pada onu berikutny, yaitu onu jeh pusiapan ngadok Sabat, imam-imam kupala ngant nyo-nyo Farisi nimulua koni jowi Pilatus. ⁶³ Datn nyonok, ''Tuan, mik nyiatn bahwa kutika si pemborong hant masih midiap, Diapm suah nyonok, 'Setelah tohuah onu, Kuk dok bangkit gik.' ⁶⁴ Karna hant, pihitahlah supaya kuburan hant nijaga sapai onu dik kutohuah, kalau-kalau nabuah-nabuh-Nya mungkin monik ngant nyonok nganu nyo obeh, 'Diapm jeh bangkit sok antara nyo kobek.' Ngant, punipuan dik kumisik te dok lobiah buruk daripada dik putama.'' ⁶⁵ Pilatus nyonok nganu datn, ''Muk pu penjaga. obu, jagalah makiah dik muk tauk.'' ⁶⁶ Lalu, datn obu ngant ngaman kuburan hant busama samah regu penjaga,serta nyegel botuh punutiap kubur.