¹ Tu, jeh Sabat, saat jelang fajar, pada onu putama minggu hant, Maria Magdalena ngant Maria dik laink obu ngadok honong kuburan hant. ² Ngant, honong, tujodilah gempa bumi dik doeh karna malaikat Tuhan monok sok surga, monik ngant ngulink botuh hant, kumidian guhuk nok somunya. ³ Jowinya mah kilat ngant ngant aduahnya mopuk mah salju. ⁴ Karna rasa golak tuhadapnya, datn dik jaga hant tungucah ngant jodi mah nyo-nyo kobek. ⁵ Ngant, malaikat tunyebut nyonok nganu dayua-dayua hant, ''Yiak golak karna kuk tauk kalau muk ngogau Yesus dik jeh nisalibkan. ⁶ Diapm kai biatn nok te karna Diapm jeh bangkit mah dik ninyonok-Nya. Boh, hononglah Diapm tugalai. ⁷ Copatlah obu ngant nyonok nabuah-nabuah-Nya bahwa Diapm jeh bangkit sok antara nyo kobek, ngant honong, Diapm mendahuluimuk koni Galiea. Nok nyih, muk dok honong Diapm. puhatikanlah, kuk jeh nyonoknya nganumuk.'' ⁸ Ngant, datn copat-copat togatn kuburan hant samah kugolak ngant sukacita doeh; ngant bukoduh ngadok nyonok hant nganu nabuah-nabuah-Nya. ⁹ Ngant, honong, Yesus depit datn ngant nyonok, ''Salam!'' Lalu, datn monik nganu Yesus, migit kojok-Nya, ngant nyembah-Nya. ¹⁰ Kumudian, Yesus nyonok nganu datn, ''Yiak golak; obu ngant kasitaulah posik-posik-Kuk ngadok obu koni Galiea, ngant nok nyih, datn dok honong Kuk.'' ¹¹ Sementara datn obu,kudu pujaga obu koni kota ngant nyonok imam-imam kupala tentang sumua hal dik jeh tujodi. ¹² Ngant, kutika datn nimulua busama para pumutuh-pumutuh. Jeh burunding, lalu datn minyuk obeh duet nganu para pujaga hant, ¹³ ngant nyonok, ''Sanoklah, 'Nabuah-nabuah Yesus monik pada ngehip onu ngant noku-Nya saat mik bis.' ¹⁴ Ngant, jika hal te tukapink oleh gubernur, mik dok yakinnya ngatn buatmuk kai cemas.'' ¹⁵ Maka, datn himo duet hant ngant lakukan mah dik jeh niajar nganu datn; ngant kusanok hant masih tusebar nok antara nyo Yahudi sapai onu te. ¹⁶ Kumudian, kusebelasan nabuah obu koni Galilea, koni dohik dik jeh ninijuk Yesus nganu datn. ¹⁷ Kutika datn honong-Nya datn nyembah-Nya. Dok tapi, kudu ragu-ragu. ¹⁸ Lalu, Yesus monik ngant nyonok nganu datn, ''Sugala kuasa jeh niminyuk nganu-Kuk, nok surga maupun nok bumi. ¹⁹ Karna hant, obulah ngant nabuahlah sumua bangsa, baptiskanlah datn wah odatn Ma, ngant Nak, ngant Minu Bohoseh, ²⁰ ajarlah datn ngadok naati sumua dik Kuk pihitah nganumuk; ngant hononglah, Kuk selalu busamamuk, bahkah sapai nganu akhir zaman.''