¹ Kutika Yesus jeh selesai sumua kusanok-kusanok te, Diapm nyonok nganu nbuah-nabuah-Nya, ² ''Muk tauk bahwa du oni gik Paskah tiba, ngant Nak Nasio dok ninyerah ngadok nisalib.'' ³ Kumudian, para imam kupala ngant mutuh-mutuh bangsa hant nimulua busama nok istana Imam Doeh, dik odatn Kayafas. ⁴ Ngant, datn busungkokol ngadok dekiapm Yesus samah nipu daya ngant komek-Nya. ⁵ Dok tapi datn nyonok, ''Yiak selama perayaan supaya yiak biatn kurisuhan nok antara nyo obeh.'' ⁶ Tu, kutika Yesus biatn nok Betania, nok homing Simon si Kusta, ⁷ nyo dayua monik nganu-Nya samah botol guci pualam cink buisi minyak wangi dik mangah mahal, ngant dayua hant nopusnya koni somu ba Yesus kutika Diapm gik guhuk duak. ⁸ Kutika nabuah-nabuah honongnya, datn nohuh ngant nyonok, ''Ngoniah pemborosan te? ⁹ Sebab, minyak wangi hant depit nijual ngadok hogo dik mahal ngant niminyuk nganu dik miskin.'' ¹⁰ Namun, Yesus, tauk hal te, nyonok nganu datn, ''Ngoniah muk nyusah dayua te? Sebab, diapm lakukan pbuatan baik somu-Kuk. ¹¹ Sebab, muk selalu puk nyo-nyo miskin busamamuk, tapi muk kai dok selalu puk Kuk. ¹² Kutika dayua te nopus minyak wangi koni opuk-Kuk, diapm lakukannya ngadok busiap punguburan-Kuk. ¹³ Kuk nyonok dik subonarnya nganumuk bahwa nok nyih saja Injil te niberitakan koni seluruh dunia, oniah dik jeh nilakukan dayua te dok ningomong pula subagai peringatan dok diapm.'' ¹⁴ Kumudian, nyik sok kudu bolas nabuah, dik odatn Yudas Iskariot, obu nganu imam-imam kupala, ¹⁵ ngant nyonok, ''Kuk dok minyuk oniah jika kuk nyerah Diapm nganumuk?'' Ngant, darn netapkan 30 keping perak ngadoknya. ¹⁶ Ngant, sejak hant, diapm ngogau kesempatanbaik ngadok nyerah Yesus. ¹⁷ Tu, pada onu putama Roti kai Buhagi, para nabuah monik nganu Yesus ngant misiak, ''Nok kiah Muk ingin mik busiap duak Paskah bagi-Muk?'' ¹⁸ Yesus jawab, ''Namoklah koni kota, nganu nyo, ngant nyonok nganu-Nya, 'Guru nyonok, ''Waktu-Kukjeh soma. Kuk dok rayakan Paskahnok homingmuk busamanabuah-nabuah-Kuk.'''' ¹⁹ Para nabuah lakukan mah Yesus jeh buposatn nganu datn, ngant busiap Paskah hant. ²⁰ Tu, kutika mulai ngehipm, Yesus guhuk duak busama samah kudu bolas nabuah. ²¹ Ngant, saat datn gik duak, Diapm nyonok, ''Kuk nyonok dik subonarnya nganumuk bahwa salah nyik sok muk dok hianati Kuk.'' ²² Datn mangah sedih ngant masing-masing nyo mulai ngomong nganu-Nya, ''Pastinya, kai kuk, Tuhan?'' ²³ Ngant, Diapm jawab, ''Diapm, dik ciliap tongantnya koni wah makok busama-sama Kuk, diapmlah dik dok hianati Kuk. ²⁴ Nak Nasio dok obu mah dik tutulis tentang Diapm. Namun, celakalah nyo hant, dik olehnya Nak Nasio nihianati! Dok lobiah baik suah nilahir.'' ²⁵ Kumudian Yudas, dik dok nyerah Yesus, nyonok nganu -Nya, ''Pasti kai kuk, Rabi?'' Yesus nyonok nganunya, ''Muk jeh nyonoknya.'' ²⁶ Kutika datn jeh duak, Yesus monu roti. Ngant jeh niberkainya, Yesus hocak-hocak ngant minyuknya nganu para nabuah serta nyonok, ''Tonulah ngant duaklah, te ada opuh-Kuk.'' ²⁷ Kumudian, Diapm monu cawatn, ngucap syukur, ngant pinyuknya nganu datn, kata-Nya, ''Kuk sumua, nyiniaplah sok nganunya. ²⁸ Sebab, te adalah doyok-Kuk, doyok perjanjian, dik nilolok ngadok obeh nyo ngadok pungampunan dosa-dosa. ²⁹ Kuk nyonok nganumuk bahwa Kuk kai dok nyiniap hasil koyuh anggur te, sok tu sapai onu hant, kutika Kuk nyiniap anggur dik bauh busama muk wah kuhajaan Ma-Kuk.'' ³⁰ Jeh nyanyikn subuah pujian, datn obu koni dohik Zaitun. ³¹ Kumudian Yesus nyonok nganu nabuah-nabuah-Nya, ''Muk sumua dok tusandung karna Kuk ngehipm te. Karna biatn tutulis, 'Kuk dok mokua gembala, ngant domba-domba sok kayau hant dok tupocai-bobai'. ³² Dok tapi, jeh Kuk bangkit, Kuk dok tiyatn muk koni Galiea.'' ³³ Petrus nyonok, ''Sukalipun sumua tusandung karna-Muk, kuk kai dok suah tusandung.'' ³⁴ Kata Yesus nganunya, ''Kuk nyonok dik subonarnya nganumuk bahwa pada ngehipm te, sebelum yap bukokok, muk jeh nyangkal Kuk tohuak kali.'' ³⁵ Petrus nyonok nganu-Nya, ''Sukalipun kuk harus kobek busama-Muk, kuk kai dok nyangkal-Muk!'' Sumua nabuah dik laink gik nyonok hal dik sama. ³⁶ Kumudian Yesus tiba busama nabuah-nabuah-Nya nok ahok dik bunama Getsenani ngant Dipm nyonok nganu nabuah-nabuah-Nya, ''Guhuklah nok te ngadok budoa.'' ³⁷ Ngant, Diapm, matn Petrus ngant kudu nak Zebedus busma-Nya, ngant Diapm mulai buduka ngant bususah oti. ³⁸ Kumudian, Diapm nyonok nganu datn, ''Oti-Kuk mangah buduka, bahkan mah lua kobek rasanya, Togatnlah nok te ngant totaplah bujaga-jaga busama-Kuk.'' ³⁹ Ngant, Diapm cink ojuh, lalu sujud samah jowi-nya nyentuh poyok ngant budoa, kata-Nya, ''Ma-Kuk, kalau mungkin, adunglah cawatn te bulalu sok-Kuk. Dok tapi, yiak mah dik Kuk kuhendaki, lainkkan mah kuhendak-Muk.'' ⁴⁰ Kumudian, Diapm monik nganu nabuah-nabuah-Nya ngant depit datn gik bis. Lalu, Dipm nyonok nganu Petrus, ''Jodi, muk kai sanggup bujaga-jaga busama Kuk selama 1 jam? ⁴¹ Bujaga-jaga ngant budoalah supaya muk yiak hobuk koni wah pencoban. Minu memang punurut tapi daging lomah.'' ⁴² Yesus obu gik ngadok kudu kalinya ngant budoa, kata-Nya, ''Ma-Kuk, jika te kai depit bulalu kucuali Kuk nyiniapnya, kuhendak-Muklah dik dok tujodi.'' ⁴³ Sukali gik, Diapm monik ngant depit datn bis karna metih datn terasa berat. ⁴⁴ Maka, Diapm togatn datn, ngnt Dipm obu gik,lalu budoa ngadok kutohuah kalinya, ngucap kata-kata dik sama. ⁴⁵ Kumudian Yesus bolik nganu nabuah-nabuah ngant nyonok, ''Bislah tu ngant buistirahatlah. Hanong, waktunya makin soma ngant Nak Nasio ninyerahkan koni tongan nyo-nyo budosa. ⁴⁶ Mokatlah, boh yah obu. Hanong, nyo dik nyerahkan Kuk jeh soma.'' ⁴⁷ Sementara Yesus masih ngomong, Yudas, nyik sok kudu bolas nabuah hant monik. Busama-sama samah diapm, kurumunan doeh nyo obeh samah podang ngant pentung, sok imam-imam kupala ngant mutuh-mutuh bangsa hant. ⁴⁸ Tu, diapm dik nyerah Yesus minyuk datn tana, ktanya, ''Osiah dik kuk cium, hantlah Diapm, tangkaplah Diapm.'' ⁴⁹ Yudas segera nyoma nganu Yesus ngant nyonok, Salam, Rabi!'' Ngant, Yudas cium-Nya. ⁵⁰ Yesus nyonok nganuny, ''Kayau, lakukanlah maksud kumonikmuk.'' Kumudian nyo obeh hant nyoma, letak tongan nganu Yesus, ngant dekiapm-Nya. ⁵¹ Ngant, honong nyik sok datn dik busama Yesus nyiluar tongannya, nohiak podangnya, ngant nyerang hamba imam doeh hant, ngant ngepik kopinknya. ⁵² Kumudian, Yesus nyonok nganunya, ''Boliak podangmuk koni ahoknya, karna sumua dik nguno podang dok binasa oleh podng. ⁵³ Atau, muk piker kuk kai mampu mohon nganu Ma-Kuk, ngant Diapm, tu gik, dok minyuk lobiah du bolas pasukan malaikat ngadok-Kuk? ⁵⁴ Namun, makiah kumudian kitab Suci dok nigenapi dik nyonok bahwa harus tujodi demikian? ⁵⁵ Pda waktu hant, Yesus nyonok nganu nyo obeh hant, ''Oniahkoh mah lawatn perampok muk kuluar samah ngant pentung ngadok dekiapn Kuk? Sutiap onu, Kuk guhuk ngajar nok Bait Punopo ngant muk muk kai dekiap Kuk. ⁵⁶ Dok tapi, sumua te tujodi supaya kitb-kitab para nabi nigenpi.'' kumudian, sumua nabuah togatn-Nya ngant obu tediap. ⁵⁷ Datn dik dekiap Yesus matn-Nya nganu Kayafas, sang Imam Doeh, ahok para hli-ahli Taurat ngant para mutuh-mutuh bupulua busama. ⁵⁸ Lalu Petrus ngajah Yesus sok kuohuk sapai koni halaman homing imam doeh. Ngant, Petrus namok, guhuk busama para pungawal ngadok honong kusudahannya. ⁵⁹ Tu, para imam kupala ngant suluruh Sanhendrin ngogau kusaksian palsu tuhadap Yesus supaya depit ngukupm kobek Diapm. ⁶⁰ Dok tapi, datn kai depit nenukannya meskipun obeh saksi dusta dik monik. Kumudian, biatn du nyo dik timual, ngant nyonok, ⁶¹ ''Nyo te nyonok, 'Kuk mampu robohkan Bait Punopo ngant bangunnya boliak wah tohuah onu.''' ⁶² Kumudian, Imam Doeh tekit ngant nyonok nganu Yesus, ''Oniahkoh Muk kai pu jawab? Oniah dik nyo-nyo te saksikan tuhadap-Muk?'' ⁶³ Namun, Yesus totap hitiak. Ngant, Imam Doeh hant nyonok nganu Yesus, ''Kuk nyupahi-Muk demi Punopo dik midiapm agar Muk nyonok nganu mik, Oniah Muk adalah Mesias, Nk Punopo?'' ⁶⁴ Yesus nyonok nganu-Nya, ''Muk jeh nyonoknya maih. Dok tapi, Kuk nyonok nganu muk bahwa mulai sok tu muk dok honong Nak Nasio guhuk nok subolah touh dik Mahakuasa, ngant monik nok somu awan-awan nok honyiatn.'' ⁶⁵ Kumudin, Imam Doeh ngujatn aduahnya ngant nyonok, ''Diapm jeh hujat! Onihkoh gik perlunya para saksi? Honong, tu muk jeh ngopink hujatan-Nya. ⁶⁶ Makiah pendapatmuk?'' Para pumimpinYahudi hant jawab, ''Diapm pantas nihukum mati.'' ⁶⁷ Kumudian, datn ludahi jowi-Nya ngant ninju-Nya. Ngant, dik laink napar-Nya. ⁶⁸ Datn nyonok, ''Bunubuatlah tuhadap mik, hai Mesias; osiahkoh dik mokua Muk?'' ⁶⁹ Tu, Petrus guhuk nok luar halaman ngant nyon pulayan dayua monik nganunya ngant nyonok, ''Muk gik busama samah Yesus, nyo Galilea hant.'' ⁷⁰ Namun, Petrus ngangkalnya nok jowi datn sumua, katanya, ''Kuk kai tauk oniah dik muk ngomong.'' ⁷¹ Kutika Petrus kuluar koni mit gerbang, pulayatn dayua dik lainknya honong diapm ngant nyonok nganu nyo-nyo dik biatn nok nyih, ''Nyo te busama-sama samah Yesus sok Nazaret hant.'' ⁷² Ngant, sukali gik Petrus nyangkalnya samah supah, ''Kuk kai nginal Nyo hant.'' ⁷³ Ki oti kumudian, nyo-nyo dik tekit nok hnt nyoma Petrusngant nyonok, ''Pasti muk gik adalah salh nyik sok datn karna logatmuk buatmuk jelas.'' ⁷⁴ Kumudian, Petrus mulai ngutukl ngant busupah, kkatanya, ''Kuk kai nginal Nyo hant.'' Ngant, tiba-tiba,yap jantan bukokok. ⁷⁵ Ngant, Petrus nyiatn dok kusanok Yesus, ''Guatn yap jantan bukokok, muk dok nyanhkali Kuk tohuak kali.'' Kumudian, Petrus kuluar ngant nongis samah mangah sedih.