¹ ''kumudan, kuhajaan Surga dok niumpama samah simia gadis dik matn pulita-pulitanya ngant obu ngadok budepit mempelai dahi-dahi. ² himih nok antara datn adalah bodoh, ngant himih dik laink adalah bijaksana. ³ Kutika dik bodoh hant matn pulita-pulitanya, datn kai matn minyak busamanya. ⁴ Namun, dik bijaksana matn minyak wah guci cink busama samah pulita-pulita datn. ⁵ Tu, Kutika mempelai dahi-dahi hant nunda kumoniknya, datn sumua ngatuak ngant bis. ⁶ Namun, pada tudok ngehipm biatn nyo makas, 'Mempelai dahi-dahi monik! Kuluarlah ngadok nyambutnya!' ⁷ Kumudian, sumua gadis hant mokat ngant rapikan pulita-pulita datn. Ngant, ⁸ dik bodoh nyonok nganu dik bijaksana, 'Pinyuklah nganu mik cink minyakmuk karna pulita-pulita mik hampir pojap.' ⁹ Dok tapi, dik bijaksana jawab, 'Kai, kai dok cukup ngadok mik ngant muk. Lobiah baik, obulah nganu dik jual minyak ngant bihihlah ngadok muk maih,' ¹⁰ Sementara datn obu ngadok mihih, mempelai dahi-dahi hant monik, ngant datn dik siap, namok busama-sama samah diapm koni perjamuan kawin, ngant mitn ninitiap. ¹¹ Setelah hant, monik pula gadis-gadis dik lainknya ngant nyonok, 'Tuan, tuan! Bukalah bagi mik.' ¹² Dok tapi, diapm jawab, 'Sesungguhnya, kuk nyonok nganumuk, kuk kai nginalmuk.' ¹³ OLeh karna hant, bujaga-jagalah karna muk kai tau obu atau waktunya.'' ¹⁴ Sebab, Kuhajaan Surga sama mah nyo dik dok obu koni luar negeri, dik pau hamba-hambanya ngant nyerah puknya nganu datn. ¹⁵ nganu dik nyo, diapm minyuk 5 talenta. Nganu dik lainknya, 2 talenta, ngant nganu dik lainknya gik, 1 talenta, masing-masing susuai kumampunya. Kumudian, diapm obu. ¹⁶ Nyo dik himo 5 talenta hant lansung obu, ngant jalankan talenta hant, ngant diapm ngasilkan 5 talenta gik. ¹⁹ Oti jeh hant, tuan sok hamba-hamba hant monik ngant ngadakan puhitongk samah datn. ²⁰ Nyo dik jeh himo 5 talenta hant ngadap ngant matn 5 talenta gik, katanya, 'Tuan, muk nyerahkan 5 talenta nganukuk. Hononglah, kuk jeh ngasilkan 5 talenta gik.' ²¹ Tuannya nyonok nganunya, 'Bagus kali, hamba dik baik ngant sutia. Muk sutia samah hal-hal cink, kuk dok ngokat muk somu obeh hal, namoklah koni wah sukacita tuanmuk.' ²² Ngant, nyo dik himo 2 talenta gik ngadap ngant nyonok, 'Tuan, muk nyerahkan 2 talenta nganukuk. Honong, kuk jeh ngasilkan du talenta gik.' ²³ Tuannya jawab, 'Bagus kali, hamba dik baik ngant sutia. Muk sutia samah hal-hal cink, kuk dok ngokat muk somu obeh hal, namoklah koni wah sukacita tuanmuk.' ²⁴ Kumudian, nyo dik himo 1 talenta juga ngadap ngant nyonok, 'Tuan, kuk tauk muk nyo dik kejam, nuai nok ahok dik muk kai nabur, ngant mulua nok ahok dik muk kai nyebarkan binik. ²⁵ Karna hant, kuk golak, ngant obu ngant nyukatn talentamuk nok wah poyok. Honong, muk puk oniah dik jodi pukmuk.' ²⁶ Namun, tuannya jawab ngant nyonok nganunya, 'Muk hamba dik bek ngant malas! Muk tauk bahwa kuk nuai nok ahok dik ngan t mulua nok ahok dik kuk kai nyebarkan binik. ²⁷ Karna hant, seharusnya muk ngonok duetkuk nok bank ngant kutika kuk boliak, kuk dok himo pukkuk mohik samah bunganya. ²⁸ Tonulah 1 talenta hant soknya ngant pinyuk nganu diapm, dik puk 10 talenta hant. ²⁹ Sebab, sutiap nyo dik puk dok niminyuk gik, ngant diapm dok tapi, sok nyo dik kai puk, bahkan osiah dik diapm puk dok nimonu. ³⁰ Batatlah hamba dik kai buguno hant koni wah kegelapan dik palink pekat. Nok ahok hant dok biatn nngis ngant kertak jipit.''' ³¹ ''Kutika Nak Nasio monik wah kumulian-Nya ngant para malaikat busama-Nya, lalu Diapm dok guhuk nok takhta kumuliaan-Nya. ³² Sumua bangsa dok nimulua nok jowi-Nya, ngant Diapm dok misahkan datn nyik sok dik laink, mah gembala dik misah domba sok kamink-kamink. ³³ Ngant, Diapm dok depit domba-domba nok subolah touh-Nya, ngant kamink-kamink nok subolah moyiat. ³⁴ Kumudian Haja dok nyonok nganu datn dik subolah touh-Nya, 'Kotuhlah, muk dik niberkati oleh MA-kuk, warisilah Kuhajaan dik nisudia ngadokmuk sok permulaan dunia. ³⁵ Karna kutika Kuk bihiak, muk minyuk Kuk duak. Kuk haus ngant muk minyuk Kuk nyiniap. Kuk nyo asing, ngant muk ngundang Kuk namok. ³⁶ Kuk lanyau ngant muk nginyak Kuk aduak. Kuk monap ngant muk ngolo Kuk. Kuk nok penjara ngant muk monik nganu-Kuk.' ³⁷ Lalu, nyo-nyo benar hant dok jawab-Nya, 'Tuhan, nan mik honong Muk bihiak ngant minyu-Muk duak, atau haus ngant minyuk-Muk nyiniap? ³⁸ Nan mik honong Muk nyo asing ngant ngundang Muk namok, atau lanyau ngant nginyak Muk aduah? ³⁹ Nan mik honong Muk monap atau nok penjara ngant mik monik nganu-Muk?' ⁴⁰ Haja hant dok jawab, 'Kuk nyonok dik bagaimana muk lakukannya tuhadap nyik sok posik-posik-Kuk dik palink cink te, muk lakukannya ngadok-Kuk.' ⁴¹ Kumudian, Diapm dok nyonok gik nganu datn dik nok subolah moyiat-Nya, 'obulah sok jowi-Kuk, muk dik tukutuk, koni wah opi abadi dik jeh nisiap ngadok Iblis ngant malaikat-malaikatnya. ⁴² Sebab, Kuk bihiak ngant muk kai minyuk-Kuk duak. Kuk haus ngant muk kai minyuk-Kuk nyiniap. ⁴³ Kuk nyo asing ngant muk kai nginyak Kuk aduah; monap ngant nok penjara, ngant muk kai ngolo Kuk.' ⁴⁴ Kumudian, datn gik dok jawab, 'Tuhan, nan mik honong Muk bihiak atau haus, atau nyo asing, atau monap, atau lanyau, atau nok penjara, ngant kai layani-Muk?' ⁴⁵ Kumudian, Diapm dok jawab datn, ''Kuk nyonok dik subonarnya nganumuk, makiah muk kai lakukannya tuhadap nyik sok datn dik palink cink te, muk kai lakukannya nganu-Kuk.' ⁴⁶ Ngant, datn te dok obu koni wah hukuman kekal, tapi nyo-nyio bonar koni wah kumidiapm kekal.''