¹ Yesus kuluar sok Bait Punopo lalu obu kutika para nabuah-Nya monik ngadok ninyuk bangunan-bangunan Bait Punopo nganu-Nya. ² Ngant, Diapm misiak nganu datn, ''Kaikoh muk honong sumua hal te? Kuk nyonok dik subonarnya nganumuk bahwa kai biatn nyik pun botuh nok te dok nibiarkan biatn nok somu botuh dik laink, dikkai dok niruntuh.'' ³ Ngant, kutika Yesus guhuk nok somu dohik Zaitun, nabuah-nabuah monik nganu-Nya secara diapm maih ngant nyonok, ''Katakanlah nganu mik, nant hal-hal hant dok jodi ngant oniahkoh dik dok jodi tana kumonik-Muk ngant akhir zaman te?'' ⁴ Yesus jawab datn, ''Puhatikanlah supaya yiak biatn nyo dik tosat muk. ⁵ Sebab, obeh dik dok monik wah odatn-Kuk ngant nyonok, 'Kuk adalah Kristus,' ngantdatn dok tosat obeh nyo. ⁶ Muk dok ngopink buporang ngant kabar-kabar tentang perang. Puhatikanlah supaya muk kai golak karna hal-hal te harus jodi, tapi te guatn kusudahannya. ⁷ Sebab,bangsa dok bangkit lawatn bangsa, ngant kuhajaan, ngant nok bubagai ahok dok biatn kubihiak ngant gempa bumi. ⁸ Sumua hal te adalah awal sok menderita monapm kediah. ⁹ Kumudian, datn dok nyerah muk nganu punganiayaan, ngant dok komekmuk, ngant muk dok nibenci oleh suluruh bangsa karna odatn-Kuk. ¹⁰ pada waktu hant, obeh dik dok tusandung, ngant dok saling nyerah ngant benci nyik sama laink. ¹¹ obeh nabi palsu dok timual ngant tosat obeh nyo. ¹² Sebab, langgar sumakin butamah, kasih kubanyakan nyo dok jodi niingin. ¹³ Dok tapi, nyo dik butahatn sapai akhir dok niselamatkan. ¹⁴ Ngant, Injil Kuhajaan te dok niberitakan koni suluruh dunia subagai ksaksian bagi sumua bangsa, ngant kumudian kusudahannya dok monik. ¹⁵ ''Jodi, kutika muk honong binasa keji, mah dik ninyonok Nabi Daniel, tekit nok ahok suci, hendaklah para pumaca mahaminya, ¹⁶ maka datn dik biatn nok Yudea harus obu diapm koni dohik. ¹⁷ Osiah dik biatn nok atap homing, yiaklah diapm monok ngadok monu oniah pun sok wah homingnya. ¹⁸ Osiah dik biatn nok mih, yiak mohik ngadok monu jubahnya. ¹⁹ Namun, culaklah datn dik gik bitik ngant datn dik gik nyusui bayinya pada onu-onu hant. ²⁰ Budoalah supaya kuobumuk yiak musim colap atau onu sabat. ²¹ Karna kumudian dok jodi masa penderitaan doeh, mah dik guatn suah jodi sejak pumulaan dunia sapai te, ngant kai dok suah jodi gik. ²² Ngant, jika onu-onu hant kai niperpendek, kai biatn midiap dik dok niselamat. Namun, demi datn dik yupilih, onu-onu hant dok perpendek. ²³ Kumudian, jika nyo nyonok nganumuk, 'Honong, Kristus biatn nok te,' atau 'Diapm biatn nok nyih,' atau, Kristus biatn nok te, ' yiaklah pucaya nganunya. ²⁴ Sebab, Kristus-kristus palsu ngant nabi-nabi palsu dok timual ngant dok ngada tana-tana dik doeh ngant mukjizat-mukjizat suhingga tosat, jika mungkin, bahkan datn dik tupilih. ²⁵ Puhatikanlah, Kuk jeh nyonoknya nganumuk sebelumnya. ²⁶ Jodi, jika datn nyonok nganumu, 'Honong, Diapm biatn nok layatn belantara,' yiak obu koni nyih, atau 'Honong, Diapm biatn nok wah kamar hant,' yiak pucayanya. ²⁷ Sebab, sama mah kilat dik mancar sok timur ngant businar sapai koni berat, bugitu pula kumon ik Nak Nasio dok tujodi. ²⁸ Nok ahok dik biatn bakai, nok hantlah monuak nasar dok bupulua.'' ²⁹ ''Segera, jeh masa menderita hant, Metihonu dok nijojodi pitik, ngant buhat kai dok minyuk cahayanya, Bintang-bintang dok bujatuhan sok honyiatn, ngant kuasa-kuasa nok honyiatn dok ningcah.' ³⁰ Lalu, tana Nak Nasio dok timual nok honyiatn ngnt suku-suku nok bumi dok ngadap. Datn dok honong Nak Nasio monik wah awan-awan nok honyiatn, samah kuasa ngant kumulian dik doeh. ³¹ Ngant, Diapm dok ngutus malaikat-malaikat-Nya samah caho trompet dik nyahik, ngant datn dok mulua umat plihan-Nya sok kupatn pejuru bumi, sok tojuak honyiatn dik nyik koni tojuaknya dik laink. ³² Tu, pulajarilah perumpamaan sok koyuh ara kutika dahatnya jodi hangiatn ngant doutn-doutnnya butunas, muk tauk bahwa musim panas jeh soma. ³³ Bugitu gik kutika muk honong sumua hal te, muk tauk bahwa Diapm jeh soma, nok jowi mit. ³⁴ Sesungguhnya, Kuk nyonok nganumuk bahwa generasi te kai dok bulalu sapai sumua hal te tujodi. ³⁵ Honyiatn ngant bumi dok moyapm, tapi firman-firman-Kuk kai dok moyapm.'' ³⁷ Sama mah dik tujodi pada zaman Nuh, bugitu pula kumonik Nak Nasio dok tujodi. ³⁸ Sebab, mah pada onu-onu sebelum pink bah, datn duak ngant nyiniapm, nikah ngant ninikah, sapai pada onu Nuh namok koni wah bahtera. ³⁹ Ngant, datn kai mahaminya sapai pink bah monik gant moyapm datnsumua; bugitu giklah kumonik Nak Nasio dok jodi. ⁴⁰ Kumudian, dok biatn du nyo nok mih; dik nyik dok nimonu ngant dik nyik nitogatn. ⁴¹ Du dayua dok gulink botuh kilang, dik nyik dok nimonu ngant dik nyik nitogatn. ⁴² Karna hant, bujaga-jagalah muk kai tauk pada onu oniah Tuhanmuk dok monik. ⁴³ Namun, kutauklah te bahwa jika tuan rumah jeh kutauk nant, pada waktu ngehipm, si punoku dok monik, diapm dok bujaga-jaga ngant kai dok biarkan hominknya nibongkar. ⁴⁴ Oleh karna hant, muk juga harus siap sudia karna Nak Nasio monik pada waktu dik muk kai duganya. ⁴⁵ ''Lalu, osiahkoh hamba dik sutia ngant bijaksana, dik tuannya ngokatn somu suluruh hominknya ngadok minyuk datn koyuhnas pada waktu dik tepat? ⁴⁶ Niberkatilah hamba hant dik kutika tuannya monik, tuannya hant depit diapm gik bukihija demikian rupa. ⁴⁷ Sesungguhnya, Kuk nyonok nganumuk bahwa tuan hant dok ngokatn hambanya tusanok somu sumua puknya. ⁴⁸ Namun, jika hamba dik bek hant nyonok wah otinya, 'Tuankuk nunda monik,' ⁴⁹ lalu diapm mulai mokua hamba-hamba dik laink, lalu duak serta nyiniap busama samah di obuak; ⁵⁰ tuan sok hamba hant dok monik pada onu kutika diapm kai ngahapnya ngant pada waktu dik kai diapm kutauk, ⁵¹ ngant dok megalnya, ngant nempatkan diapm busama-sama nyo-nyo munafik. Nok ahok hant, dok biatn nongis ngant kertak jipit.