¹ Tika datn jeh somak samah Yerulasem ngant jeh tiba nok Betfage, nok dohik Zaitun, Yesus ngutus du nyo nabuah-Nya; ² Kata-Nya nganu datn, ''Obulah koni desa dik biatn nok jowimuk, ngant muk dok lansung depit seekor keledai dik tukisiat ngant seekor nak keledai busamanya. Lopas pungisiat datn ngant matlah kudunya nganukuk. ³ Jika biatn nyo dik nyonok susuatu nganumuk, muk harus nyonok, 'Tuhan merlunya,' ngant Diapm dok segera nyihiapmnya.'' ⁴ Hal te jodi supaya tugenapilah oniah dik ninyonok olh nabi: ⁵ ''Sanok nganu putri Sion, 'Hanonglah, Hajamuk monik nganumuk, rendah oti, ngant ngesiak seekor keledai, samah seekor keledai muda, nak sok keledai beban. ⁶ Nabuah-nabuah obu ngant lakukan mah dik jeh Yesus mihitah nganu datn. ⁷ Datn matn keledai serta nak keledai hant, ngant letak jubah-jubah datn nok somu keledai-keledai hant, ngant Yesus guhuk nok somunya. ⁸ Subagian doeh sok nyo obeh hant bentangkan jubah-jubah datn nok jalatn, ngant dik lainknya ngepik dahatn-dahatn koyuh, lalu nyebarnya nok johatn. ⁹ Obeh nyo bujalatn nok jowi-Nya ngant datn dik ngajah-Nya buseru, ''Hosana bagi Nak Daud! 'Niberkatilah Diapm dik monik wah odatn Tuhan.' Hosana nok ahok dik omuh!'' ¹⁰ Tika Yesus namok Yerusalem, suluruh kota nigemparkan. Dtan misiak, ''Osiahkoh Diapm te?'' ¹¹ Ngant, nyo obeh hant jawab, ''Diapm adalah Nabi Yesus, sok Nazaret nok Galilea.'' ¹² Lalu, Yesus namok koni Bait Punopo ngant ngosar nyo-nyo dik gik bujual ngant bangku-bangku datn dik bangku monuak-monuak merpati. ¹³ Diapm nyonok nganu datn, ''Jeh tutulis, 'Homing-Kuk dok nisebut homing doa,' tapi muk jodinya subagai cohi para perampok,''' ¹⁴ Ngant, nyo dik bokap serta dik makua monik nganu-Nya nok Bait Punopo, lalu Diapm nyembuh datn. ¹⁵ Namun, tika para iman kupala ngant ahli-ahli Taurat honong mukjizat-mukjizat dik jeh nilakukan Yesus ngant honong nak-nak dik busey wah Bait Punopo, ''Hosana bagi Nak Daud,'' datn jodi nohuk. ¹⁶ Lalu, datn misiak nganu Yesus, ''Oniahkoh Muk ngopink dik ninyonok nak-nak te?'' Ngant, Yesus jawab datn, ''Ya guat suah muk maca, 'Sok tukuak bayi-bayi'?'' ¹⁷ Kumudian, Yesus togatn datn ngant kuluar sok kota hant Betania ngant bungehipm nok nyih. ¹⁸ Tu, pada maji onu, tika Yesus biliak koni kota, Diapm jodi bihiak. ¹⁹ Ngant, tika honong koyuh ara nok sonik johatn, Diapm moniknya ngant kai depit oniah-oniah, kucuali doutn-doutn saja. Ngant, Diapm nyonok nganu koyuh hant, ''Kai dok suah biatn buok gik sok padamuk sapai selama-lamanya!'' Saat hant juga , koyuh ara hant nijodi hakai. ²⁰ Tika nabuah-nabuah honong hal te, para nabuah tuheran-heran ngant misiak, ''Bagaimana koyuh ara hant hakai tika hant juga?'' ²¹ Ngant, Yesus jawab datn, ''sungguhnya kuk nyonok nganumuk, jika muk puk iman ngant kai bimbang, muk bukan hanya dok lakukan oniah dik nilakukan tuhadap koyuh ara te, bahkan jika muk nyonok nganu dohik te, 'Tukokatlah ngant tucampaklah koni wah lawuat,' hal hant dok jodi. ²² Ngant, sugala susuatu dik muk mito wah doa, pucayalah, muk dok himonya.'' ²³ Tika Yesus namok Bait Punopo, para iman kupala ngant para pumutuh-pumutuh bangsa Yahudi monik nganu-Nya sementara Diapm gik ngajar ngant misiak, ''Samah kuasa oniahkoh Muk lakukan hal-hal te? Ngant, osiahkoh dik minyuk-Muk kuasa te?'' ²⁴ Yesus jawab datn, ''Kuk juga dok misiak nyik hal nganumuk, dik jika muk bisa jawabnya, Kuk juga dok ngasitaumuk samah kuasa oniah Kuk lakukan sumua hal te. ²⁵ Sok kiahkoh baptisan Yohanes? Sok surga atau sok nasio?'' Ngant, datn mulai nyonoknya nok antara datn maih, katanya, ''Jik yah nyonok, 'Sok Surga,' Diapm dok nyonok, Kalau bugitu, ngoniah muk kai pucaya nganu Yohanes?' ²⁶ Dok tapi, jika yah jawab, Buasal sok nasio.' Yah golak nganu nyo obeh karna datn sumua nganggap bahwa Yohanes adalah nabi.'' ²⁷ Maka datn jawab Yesus, ''Mik kai tauk.'' Ngant, Yesus nyonok, '' Kalau bugitu, Kuk juga kai dok nyonokmuk samah kuasa oniahkoh Kuk lakukan hal-hal te.'' ²⁸ ''Namun, oniah pendapatmuk? Biatn ny dik puk du nak dahi-dahi, ngant diapm manik nganu dik putama ngant nyonok, 'NakKuk, obu ngant bukihijalah onu te nok kubotn anggur.' ²⁹ Ngant, diapm jawab, 'Ya, Ma,' tpi setelah hant diapm kai obu. ³⁰ Kumudian ma hant obu nganu dik kudu ngant nyonok hal dik sama. Nak hant jawab, 'Kai ngok,' tapi diapm nyosal ngant obu. ³¹ Osiahkoh sok kudu nak hant dik matuhi manya?'' Datn nyonok, ''Dik kumisik.'' Yesus nyonok nganu datn, ''Sungguhnya, kuk nyonok nganumuk bahwa para mulua pajak ngant pulacur-pulacur dok namok koni wah Kuhajaan Punopo tiyatn muk. ³² Sebab, Yohanes monik nganumuk wah johatn kubonaran ngant muk kai pucayainya, tapi, para mulua pajak ngant pulacur-pulacur pucayainya. Ngant, muk, tika honong hal te bahkan kai nyosal jehnya hingga muk depit pucayainya.'' ³³ ''Kapinklah perumpamaan dik laink. Biatn puk kubot dik kayau subuah kubot anggur, ngant masangk pagar nok sukilink ahok pumasaran anggur, ngant dirikan menara. Kumudian, diapm nyewakan kubot anggurnya nganu kudu putani, ngant diapm berangkat koni luar negeri. ³⁴ Tika musim buok hok tiba, diapm ngutus hamba-hambanya nganu putani-putani hant ngadok himo buoknya. ³⁵ Ngant, para putani dekiap para nelayan hant ngant mikul dik nyo, ngant komek dik nyik, ngant dik lainknya nimotatn botuh. ³⁶ Sukali gik, puk kubotn hant nyuruh hamba-hambanya dik laink, dik lobiah obeh daripada sebelumnya. Ngant, para putani hant lakukan hal dik sama tuhadap datn. ³⁷ Akhirnya, puk kubotn hant ngutus naknya nganu datn, katanya, 'Datn dok hormati nakkuk.' ³⁸ Dok tapi, tika para putani hant honong naknya, datn maih, 'Diapm hantlah ahli waris, boh yah komek diapm ngant rampas warisannya.' ³⁹ Lalu, datn dekiap nak puk kubotn hant, motatnnya koni luar kubotn anggur, ngant komeknya. ⁴⁰ Karna hant, tika puk kubotn anggur hant monik, oniah dik dok diapm lakukan nganu putani-putani hant?'' ⁴¹ Datn nyonok nganu-Nya, ''Diapm dok binasakan nyo-nyo bek, samah mangah bek, ngant dok nyewakan kubotn anggurnya nganu putani-putani dik laink,dik dok nyerahkan nganunya buok-buok pada musimnya.'' ⁴² Yesus nyonok nganu datn, ''Oniahkoh muk kai suah maca wah kitab Suci: 'Botuh dik nitolak oleh tukang-tukang bangunan jeh jodi botuh penjuru. Hal te tujodi sok pihak Tuhan, ngant hal te ajaib nok metih yah'? ⁴³ Karna hant, Kuk nyonok nganumuk, Kuhajaan Punopo dok nimonu sokmuk ngant dok niminyuk nganu nyo-nyo dik ngasilkan buok sonya. ⁴⁴ Ngant, osiah dik hobuk koni botuh hant dok nimohuak bukepink-kepink; ngant osiah pun dik nitmpa botuh te dok remuk.'' ⁴⁵ Libo imam-imam kupala ngant nyo-nyo Farisi ngopink perumpamaan-perumpamaan-Nya datn tuhiti bahwa Yesus gik ngomong tentang datn. ⁴⁶ Dok tapi, libo datn buusaha ngadok dekiap Yesus, datn golak nganu nyo obeh karna nyo obeh hant dekiap bahwa Yesus hantlah nabi.