¹ Yesus ngomong lagi nganu datn wah perumpamaan-perumpamaan, kata-Nya, ² ''Kuhajaan Surga depit niumpamakan mah nyo haja dik ngadakan pesta pungatetn ngadok nak dahi-dahinya. ³ Ngant, diapm nyuruh para hambanya ngadok pau nyo-nyo dik jeh niundang koni pesta hant, tapi datn ngok monik. ⁴ Lalu, haja nyuruh lagi hamba-hamba dik laink, katanya, 'Katakanlah nganu nyo-nyo dik niundang, Honong, kuk jeh busiap hidangankuk. Lembu-lembu jantan ngant ternak-ternak lomuk sumuanya jeh nikomek, ngant sumuanya jeh siap. Moniklah koni perjamuan kawin te.' ⁵ Dok tapi, nyo ngabaikan ngant obu, dik nyik koni mihnya, dik nyik koni usahanya, ⁶ ngant dik laink dekiapm hamba-hamba haja hant, nyoksa, ngant komek nyo. ⁷ Maka, sang haja nohuh, tentaranya, binasakan komek hant, ngant nicual kota nyo. ⁸ Kumudian, diapm nganu hamba-hambanya, 'Pesta pungatetn jeh siap, tapi nyo-nyo dik niundang hant kai layak. ⁹ Oleh karna hant, obulah koni johatn-johatn raya ngant undanglah kubobia obeh nyo dik depit muk jumpai koni pesta pungatetn te.' ¹⁰ Maka, hamba-hamba hant obu koni johatn-johatn ngant mulua sumua nyo dik nyo depit, Ngant, ahok pungatetn hant nipunuk samah para tamu. ¹¹ Dok tapi, kutika haja namok ngadok budepit samah par tamunya, diapm honong nyo nok nyih, dik kai nginyak aduah ngadok pesta pungatetn. ¹² Diapm nyonok nganunya, 'Posik, makiah muk bisa namok koni te tanpa kai nginyak aduah ngadok pesta pungatetn?' Ngant, nyo hant motik. ¹³ Kumudian haja hant nyonok nganu hamba-hambanya, Kisiatlah tongant ngant kojoknya, ngant batatnlah diapm koni wah kupitik dik palikg luar. Nok nyih, dok biatn tongis ngant kertak jipit.' ¹⁴ Sebab, obeh dik nipau,tapi cikg dik nipiliah.'' ¹⁵ Kumudian, nyo-nyo Farisi obu ngant bukompot supaya datn jerat Yesus samah ucapan-Nya. ¹⁶ Ngant, datn ngutus nabuah-nabuah datn nganu Yesus, busama samah nyo-nyo Herodian. Datn nyonok, ''Guru, mik tau bahwa Muk jujur ngant ngajar jalatn Punopo wah kubonaran. Muk kai golak nganu osiah pun karna Muk kai honong rupa. ¹⁷ Kalau yuhatn, sanoklah pudepit-Muk nganu mik. Oniahkoh dikadunk ngadok mayar pajak nganu kaisar atau kai?'' ¹⁸ Dok tapi, Yesus kutau kubek datn ngant nyonok, ''Ngoniah muk nyobai Kuk, hai munafik? ¹⁹ Tijuklah nganu-Kuk duet ngadok pajak hant.'' Lalu, datn nyerah sekping dinar nganu-Nya. ²⁰ Ngant, Diapm nyonok nganu datn, Gamar ngant tulisan osiah te?'' ²¹ Datn jawab, ''Kaisar.'' Kumudian, Yesus nyonok nganu datn, Oleh karna hant, bayarlah nganu kaisar hal-hal pik kaisar, ngant nganu Punopo hal-hal dik hatnlah puk Punopo.'' ²² Kutika ngopinknya, datn togatn-Nya datn tuheran-heran, ngant togatn-Nya ngant obu. ²³ Pada onu dik sama, nyo-nyo Saduki, dik nyonok bahwa kai biatn kubangkitan, monik nganau Yesus ngant misiak nganu-Nya. ²⁴ Datn nyonok, Guru, Musa nyonok bahwa jika nyo dahi-dahi kobek ngant kai puk nak, posik dahi-dahi-Nya harus monu saunya ngant neruskan kutuhutn bagi posiknya dik kobek hant. ²⁵ Tuk, biatn juk buposik nok antara mik .Dik putama nikah, ngant kobek tanpa puk nak, ngant togatn saunya. ²⁶ Demikian gik samah dik kudua, dik kutohuah,sama sapai dik kujuk. ²⁷ Akhir sok sumuanya, dayua hant gik kobek. ²⁸ pada onu kubangkitan, sau osiah sok kujuk buposik hant? Sebab, datn sumua jeh ngawininya.'' ²⁹ Dok tapi, Yesus jawab ngant nyonok nganu datn, ''Muk jumoyapm, kai ngerti Kitab Suci ataupun kuasa Punopo. ³⁰ Sebab, pada onu kubangkitan, datn kai kawin ataupun nikawini, tapi mah malikat-malaikat nok surga. ³¹ Namun, mengenai bubangkitan nyo-nyo kobek, guatn muk maca oniah dik ninyonok nganumuk oleh Punopo, ³² 'Kuklah, Punopo Abraham, Punopo Ishak, ngant Punopo Yakub'? Diapm kai Punopo nyo dik midiap.'' ³³ Kutika nyo obeh ngopink hal te, datn tuheran-heran tuhadap pungajaran-Nya. ³⁴ Namun, kutika nyo-nyo Farisi ngopnk bahwa Yesus jeh moki nyo-nyo Saduki motonk, bupulualah datn. ³⁵ Kumudian, nyik sok datn, nyo ahli Hukum Taurat, misiak nganu Yesus ngadok nguji-Nya, ³⁶ ''Guru, pihitah kiah dik pentink wah Hukum Taurat?'' ³⁷ Ngant, Yesus nyonok nganunya, ''Muk harus ngasihi Tuhan Punopomuk samah sugenap jiwamuk, ngant samah sugenap pikiranmuk. ³⁸ Te adalah pihitah dik doeh ngant dik putama. ³⁹ Dik kudu adalah mah te, 'Muk harus ngasihi dirimuk maih.' ⁴⁰ Wah kudu pihitah te, tergantung sumua Hukum Taurat ngant kitab para nabi.'' ⁴¹ Tu, sementara nyo-nyo Farisi bupulua busama, Yesus misiak nganu datn, ⁴² ''Makiah pendapatmuk tentang Kristus? Nak osiahkoh Diapm?'' Datn nyonok nganu-Nya, ''Nak Daud.'' ⁴³ Diapm nyonok nganu datn, ''Kalau bugitu, makiah Daud, wah minu, pau-Nya 'Tuhan', katanya, ⁴⁴ 'Tuhan bufirman nganu Tuhankuk, ''Guhuklah nok subolah tauh-Kuk, sapai Kuk depit musuh-musuh-Muk nok sigatn kojok-Muk.'? ⁴⁵ Jika daud pau kristus subagai 'Tuhan', makiah mukngkinkah Diapm biatnlah nak Daud?'' ⁴⁶ Kai nyo pun dik depit jawab nyik kata pun nganu-Nya. Ngantn, sejak onu te, kai biatn nyo dik berani misiak peetanyaan-pertanyaan gik nganu-Nya.