¹ ''Sebab, Kuhajaan Surga adalah mah puk kubotn dik maji-maji kali obu ngadok ngogau kuhija-kuhija bagi kubotn anggurnya. ² Tika diapm jeh sepakat samah para kuhija hant ngadok sudinar nyik onu, diapm nyuruh datn koni kubotn anggurnya. ³ Ngant, kira-kira pada jam tiga ⁴ Lalu, diapm nyonok nganu datn, 'Muk, obulah juga koni kubotn anggur ngant oniah dik pantas dok kuk minyuk nganumuk.' Ngant, datn pun obu. ⁵ Sukali lagi, sukitar jam keenam diapm obu ngant lakukan hal dik sama. ⁶ Ngant, kira-kira pada jam kesebelas, diapm obu ngant nemukan dik lainknya gik tekit ngant diapm nyonok nganu datn, 'Ngoniah muk tekit nok te nganggur supanjang onu?' ⁷ Datn nyonok nganunya, Karna guatn biatn dik hija mik.' puk kubotn hant nyonok nganu datn, 'Kuk, obulah juga koni kubotn anggurkuk.' ⁸ Tika onu jeh mulai ngehipm, puk kubotn hant nyonok nganu mandornya, 'Paulah para nihija ngant bayar nganu datn upahnya, nimulai samah dik kumisik sapai dik putama.' ⁹ Tika datn dik nikihija pada jam kesebelas, monik, masing-masing nyo himo 1 dinar. ¹⁰ Tika datn dik nihija putama kali, monik, datn ngira dok himo lobiah obeh. Namun, datn masing-masing juga himo 1 dinar. ¹¹ Tika himonya, datn protes nganu puk kubotn. ¹² Datn nyonok, 'Nyo-nyo dik namok kumisik hanya pukihija selama 1 jam, ngant muk buat datn sama samah mik, dik jeh nangok beban ngant letiap terik nyikonu.' ¹³ Dok tapi, puk kubotn hant jawab ngant nyonok nganu nyik sok datn, 'Posik, kuk kai busalah nganumuk. Bukankoh muk jeh supakat samahkuk ngadok nyik dinar? ¹⁴ Tonulah pukmuk ngant obulah, tapi kuk ingin minyuk nganu nyo dik kumisik te, sama mah nganumuk. ¹⁵ Oniahkoh kuk kai nibenar ngadok lakukan oniah pun dik kuingin tuhadap pukkuk maih? Atau, oniah metihmuk bek karna kuk baik?' ¹⁶ jodi,dik kumisik dok jodi dik putama, ngant dik putama dok jodi dik kumisik.'' ¹⁷ Tika Yesus dok obu koni Yerusalem, Diapm matn du bolas nabuah-Nya secara tupisah. Wah bujalatn, Diapmnyonok nganu datn, ¹⁸ ''Hononglah, yah gik nuju Yerusalem ngant Nak Nasio dok niserahkan nganu iman-iman kupala ngant ahli-ahli Taurat. Datn dok ngukupm-Nya samah kukomeh. ¹⁹ Lalu, datn dok nyerah Diapmnganu bangsa-bangsa lain ngadok ngejek, cambuki, ngant nyalib-Nya. Ngant, pada onu kuk tohuak, Diapm doknibangkit.'' ²⁰ Kumudian, nok sok nak-nak Zebedeus busama nak-naknya monik nganu Yesus ngant busujud ngadok himo susuatu nganu Yesus. ²¹ Ngant, Yesus nyonok nganunya, ''oniah dik muk ingin?'' Nok hant jawab, ''Pihitahlah supaya kudu nakkuk boleh guhuk wah Kuhajaan-Muk, nyik nok sebelah moyiat-Muk.'' ²² Dok tapi, Yesus jawab, ''Muk kai ngerti oniah dik muk mito. Oniahkoh muk sanggup nyiniap sok cawatn dik harus kuknyiniap?'' Datn nyonok nganu Yesus, ''Ya, mik sanggup.'' ²³ Yesus nyonok nganu datn, ''Muk memang dok nyiniap sok cawatn-Kuk, tapi ngadok guhuk touh-Kuk atau moyiat-Kuk, bukankoh hak-Kuk minyuknya, laink bagi datn dik jeh nisiapkan oleh Ma-Kuk.'' ²⁴ Tika simia nabuah dik laink ngopinknya, datn nohuh nganu kudu posik hant. ²⁵ Namun, Yesus pau datn ngant nyonok, ''Muk tau bahwa para punguasa bangsa-bangsa laink mihitah somu datn, ngant nyo-nyo doeh datn jalatnkan wewenang somu datn. ²⁶ Seharusnya kai demikian nok antara muk, tapi osiah dik ingin jodi doeh nok antara muk, tapi osiah dik ingin jodi doeh nok antara muk, diapm harus jodi pulayatnmuk. ²⁷ Ngant, osiah saja dik ingin jodi dik putama nok antara muk, diapm harus jodi hambamuk, ²⁸ sama mah Nak Nasio dik monik bukan ngadok nilayani, tapi ngadok layani ngant minyuk nyawa-Nya subagai tebusan bagi obeh nyo.'' ²⁹ Ngant, tika datn togatn Yerikho, kurumunan doeh nyo ngajah-Nya. ³⁰ Ngant, du nyo bokap dik gik guhuk nok sonik johatn, tika ngopink bahwa Yesus lalu, datn buseru, ''Tuhan, Nak Daud, kasihanilah mik!'' ³¹ Nyo obeh negur datn supaya datn motink. Dok tapi, datn makin keras makas, ''Tuhan, Nak Daud, kasihanilah mik!'' ³² Lalu, Yesus togak ngant pau datn. Diapm nyonok, ''Oniah dik muk ingin Kuk lakukan ngadokmuk?'' ³³ Datn nyonok nganu-Nya, ''Tuhan, mik ingin metih mik nimuka.'' ³⁴ Yesus tugerak oleh bolas kasihan nganu datn, ngant jamah metih datn, ngant saat hant juga datn himo punghianatnya boliak, ngant ngajah Yesus.