¹ Tika Yesus jeh nyelesai kusanok-kusanok te, Diapm berangkat sok Galilea ngant tiba nok wilayah Yudea, nok suborank sungi Yordan. ² Ngant, kuruman doeh obeh nyo ngajah-Nya, ngant Diapm nyembuhkan datn nok nyih. ³ Kudu nyo Farisi monik nganu Yesus ngadok coba Diapm ngant nyonok, ''Oniahkoh nibonar bagi dahi-dahi ngadok nyahak saunya samah bubagai alasan?'' ⁴ Lalu, Yesusjawab ngant nyonok, ''Kaikoh muk maca bahwa Diapm, dik ciptakan datn sejak semula, jodi datn dahi-dahi ngant dayua, ⁵ ngant Diapm bufirman, 'Karna hant, dahi-dahi harus togatn manya ngant noknya, ngant jodi nyik samah saunya, ngant kudu hant dok jodi nyik opuk'? ⁶ jodi, datn bukan lagi du, lainkan nyik opuk. Karna hant, oniah dik jeh nipersatukan Punopo, nasio kai boleh misahkannya.'' ⁷ datn nyonok nganu Yesus, ''Lalu, ngoniah Musa mihitah ngadok minyuk surat cahak?'' ⁸ Yesus nyonok nganu datn, ''Karna kukohas otimuk, Musa ngizinkan muk nyahak saumuk. Dok tapi, pada awalnya kai lah demikian. ⁹ Ngant, Kuk nyonok nganumuk bahwa osiahdik nyahak saunya, kucuali karna zina, lalu ngosau samah dayua laink diapm buzina.'' ¹⁰ Nabuah-nabuah nyonok nganu-Nya, ''Jika mah te halnya benih samah saunya, lobiah baik kai ngosau.'' ¹¹ Namun, Yesus nyonok nganu datn, ''Kai sumua nyo depit himo pukataan te, KUcuali datn dik nikaruniai. ¹² Sebab, biatn nyo dik kai ngosau demi Kuhajaan Surga. barangosiah depit himo hal te, adunglah diapm himonya.'' ¹³ Kumudian, kudu nak cink nimatn nganu-Nya supaya Diapm depit letak tongan-Nya atas nak-nak hant ngant doakan datn. Dok tapi, nabuah-nabuah negur nyo-nyo hant. ¹⁴ Namun, Yesus nyonok, ''Adunglah nak-nak cink hant. Yiak halangi datn monik nganu-Kuk sebab Kuhajaan Surga adalah puk nyo-nyodik mah nak-nak cink te.'' ¹⁵ Setelah Yesus ngonok tongan-Nya somu nak-nak hant, Diapm obu sok hant. ¹⁶ Kumudian, moniklah nyo nganu Yesus ngant misiak, ''Guru, hal baik oniah dik harus kuk lakukan supaya depit midiapm dik kekal?'' ¹⁷ Ngant, Yesus nyonok nganu nyo hant, ''Ngoniah muk misiak nganu-Kuk tentang oniah dik baik? Hanya biatn nyik dik baik. Namun, jika muk lua namok koni wah midiap, taatlah pihitah-pihitah hant.'' ¹⁸ Nyo hant misiak nganu Yesus, ''Pihitah dik kiah?'' 'Jawab Yesus, ''Yiak buzina, yiak noku, yiak minyuk kusaksian palsu, ¹⁹ hormatilah mamuk ngant nokmuk, ngant kasihlah sesamamuk ²⁰ Nyo muda hant nyonok nganu-Nya, ''Sumua hal hant jeh kuk taati, oniah gik dik masih kuha?'' ²¹ Yesus nyonok nganunya, ''Jika muk ingin sempurna, obu ngant juallah sumua dik muk puk. Lalu, pinyuklah nganu nyo musiketn, ngant muk dok puk harta nok surga, ngant kotuh ngajah Kuk.'' ²² Namun, tika nyo muda hant ngopink punyataan te, diapm obu samah sedih sebab diapm sangat kaya. ²³ Lalu, Yesus nyonok nganu nabuah-nabuah-Nya, ''Kuk nyonok dik subonarnya nganumuk, susah bagi nyo kaya ngadok namok koni wah Kuhajaan Surga. ²⁴ Sukali gik, Kuk nyonok nganumuk bahwa lobiah mudah bagi seekor unta ngadok lalu huba jahip daripada nyo kaya namok koni wah Kuhajaan Punopo.'' ²⁵ Tika para nabuah ngopink pukataan hant, datn jodi mangah tuheran-heran, ngant nyonok, ''Kalau bugitu, osiah dik lua niselamat?'' ²⁶ Samial ngolo datn, Yesus nyonok, ''Busama nasio, hal te mustahil, tapi busama Punopo, sumua hal hant mungkin,'' ²⁷ Kumudian, Petrus nyonok nganu-Nya, ''Hononglah, mik jeh togatn sumuanya ngant ngajah Muk. jodi. oniah dik dok mik himo?'' ²⁸ Ngant, Yesus nyonok nganu datn, ''Kuk nyonok dik subonarnya nganumuk bahwa muk, dik ngajah Kuk wah dunia dik bauh, tika Nak Nasio guhuk nok takhta kubosaran-Nya, muk gik dok guhuk nok somu du bolas takhta ngadok hakimi kudu bolas suku Israel. ²⁹ Ngant, sutiap nyo dik jeh togatn homing, posik dahi-dahi, posik dayua, ma, nok, nak-nak, atau mihnya karna odatn-Kuk dok himo sahatus kali lipat ngant dok warisi midiap dik kekal. ³⁰ Dok tapi, obeh nyo dik putama dok jodi dik kumisink, ngant dik kumisink dok jodi dik putama.''