¹ Pada waktu hant, nabuah-nabuah monik nganu Yesus ngant misiak, ''Osiahkoh dik tudoeh wah Kuhajaan Surga?'' ² Lalu, Yesus pau nyo nak cink nganu-Nya, ngant depit nak cink hant nok tudok-tudok datn, ³ ngant nyonok, '' Kuk nyonok dik subonarnya nganumuk, kucuali muk butobat ngant jodi mah nak-nak, muk kai dok namok koni wah Kuhajaan Surga. ⁴ Osiah dik rendahkan dirinya mah nak te adalah dik budoeh wah Kuhajaan Surga. ⁵ Ngant, osiah dik himo nak cink mah dik nyik te wah odatn-Kuk, diapm himo Kuk.'' ⁶ ''Dok tapi, osiah dik nyesatkan salah satu sok nak-nak cink dik pucaya nganu-Kuk te, lobiah baik baginya jika subuah botuh kilangan ningatua nganu hinantnya ngant nicilip koni lawuatdik paling dalapm. ⁷ Culakalah dunia karna punyosat-punyosat dik biatn nok wahnya! Sebab, punyosatan memang harus jodi, tapi culakalah nyo dik moniknya. ⁸ Jika tongant atau kojokmuk ngadokmuk budosa, kapik ngant batatnlah hant. lobiah baik bagimuk namok koni wah midiapsamah tongant dik buntung atau pincang daripada pik du tongant ngant du kojok, tapi nimotatn koni wah opi kekal. ⁹ Jika metihmuk buatnuk budosa, cunkil ngant motatnlah hant. Lobiah baik muk namok koni wah midiapm samah nyik metih, daripada puk du metih tapi nimotatn koni wah neraka opi.'' ¹⁰ ''Puhatikanlah, yiak muk remeh nyik sok nak-nak cink te. Sebab, Kuk nyonok nganumuk bahwa malaikat-malaikat datn nok surga sulalu mandang jowi Ma-Kuk dik nok surga. ¹¹ [Sebab, Nak Nasio jeh monik ngadok nyelamatkan nyo dik moyapm.] ¹² Makiah menurutmuk? Jika nyo puk 100 ekor domba, tapi dik nyik sok datn tumoyapm, kaikoh nyo hant tongatn dik 99 ekor nok dohik ngant obu ngadok ngogau nyik dik moyapm hant? ¹³ Ngant, jika diapm depitnya, sungguhnya Kuk nyonok nganumuk, diapmlobiah busukacita atas nyik dik moyapm hant daripada 99 dik kai moyapm. ¹⁴ Demikian juga, bukankoh kuhendak Mamuk dik nok surga jika nyo sok nak-nak cink te binasa.'' ¹⁵ ''Jika posikmuk budosa, obu ngant nijuk kusalahannya, antara muk ngant diapm maih saja. Jika diapm ngopinkmuk, muk jeh depit posikmuk. ¹⁶ Dok tpi, jika diam kai ngopinkmuk, ajaklah nyik atau nyo gik busamamuk supaya samah tukuak ¹⁸ Kuk nyonok dik subonarnya nganumuk bahwa oniah dik muk ikat nok bumi makas nok surga. Ngant, oniah dik muk lopas nok bumi dok lopas nok surga.'' ¹⁹ Sukali gik, KUk nyonok nganumuk bahwa jika du nyo nok antaramuk supakat nok bumi tentang susuatu dik datn mito, hal hant dok tujodi lagi dat oleh Ma-Kuk dik biatn nok surga. ²⁰ Sebab, nok ahok du atau tohuah nyo pupulua busama wah odatn-Kuk, Kuk biatn nok tudok-tudok datn. ²¹ Kumudian, Petrus monik nganu Yesus ngant misiak, ''Tuhan, kudu anal seharusnya kuk ngampuni posikkuk dik budosa tuhadapkuk? sapai 7 kali?'' ²² Yesus nyonok nganunya, ''Kuk kai nyonok nganumuk sapai 7 kali tapi sapai 70 kali 7 kali. ²³ Karna hantlah, Kuhajaan Surga niumpamakan mah nyo haja dik ngadakan puhitonk samahpara hambanya. ²⁴ Tika diapm mulai ngadakan puhitonk, nyo dik buuta doeh 10.000 talenta nimatn nganunya. ²⁵ Karna diapm hant kai mampu mayar, supaya diapm nijual, buhoto sau ngant naknya juga sumua dik diapm puk, ngant samah hant mayar nilakukan. ²⁶ Maka, hamba hant tusungkur ngant nyembah tuannya, katanya, 'Busabarlah nganukuk ngant kuk dok mayar sumuanya nganumuk.' ²⁷ Kumudian, tuan sok hamba hant bubolas kasihan, ngant minyuk ampunan atas utanya hant. ²⁸ Dok tapi, tika hamba hant kuluar ngant budepit samah hamba laink dik buuta 100 dinar nganunya, diapm dekiap serta nyekek hamba hant, ngant nyonok, 'Bayar boliak duet dik muk pinyapm sokkuk!' ²⁹ Maka, hamba dik buuta hant busujud ngant mohon nganunya, 'Busabarlah nganukuk ngant kuk dok mayar sumua nganukuk.' ³⁰ Dok tapi, diapm nolak ngant jebloskan kayaunya hant koni penjara sapai diapm hant bisa lunasi sumua utanya. ³¹ Tika hamba-hamba dik laink honong kujadian hant, datn jodi mangah sedih lalu monikngant lapor nganu tuannya tentang sugala susuatu dik jeh tujodi. ³² Kumudian, tuannya pau hamba dik putama hant ngant nyonok nganunya, 'Kuk hamba dik bek. Kuk nganpuni sumua utamuk karna muk mohon nganukuk. ³³ Bukankoh muk seharusnya puk bolas kasihan nganu sesamamuk hamba,mah kuk juga jeh nunjukan bolas kasihannganumuk?' ³⁴ Ngant, tuannya, samah pununk kunohuh, minyuknya nganu para nyiksa sapai diapm depit mayar boliak sumua dik niminyapm nganunya. ³⁵ Ma-Kuk nok surga juga dok lakukan hal dik sama nganumuk, jika muk kai ngampuni posikmuk sok wah otimuk.''