¹ Num onu kumudian, Yesus matn Petrus, Yakobus, serta Yohanes posik Yakobus, ngant matn datn sima koni dohik dik omuh secara tusendiri. ² Lalu, Yesus burubah rupa nok jowi datn. Jowi-Nya businar mah metihonu ngant aduah-Nya jodi mopuk cahaya. ³ Ngant, honong, napaklah nganu datn Musa ngant Elia, gik ngomong samah Yesus. ⁴ Petrus nyonok nganu Yesus, ''Tuhan, adalah baik bagi yah ngadok biatn nok te, kuk dok tekit tohuah kemah nok te, nyik ngadok-Muk, nyik ngadok Musa, ngant nyik ngadok Elia.'' ⁵ Tika Petrus masih ngomong, subuah awan dik terang menaungi datn, ngant honong biatn caho sok wah awan hant dik nyonok, ''Telah Nak-Kuk dik Kukasihi, nganu-Nya Kuk bekenan. Kapinklah Diapm.'' ⁶ Tika nabuah-nabuah ngopink te, datn tusungkur samah Jowi sapai koni poyok ngant mangah golak. ⁷ Namun,Yesus monik ngant nyentuh datn, kata-Nya, ''Mokatlah ngant yiak golak.'' ⁸ Tika datn ngokat metih datn, datn kai honong osiah pun, kucuali Yesus maih. ⁹ Saat datn monok sok dohik, Yesus mihitah datn, kata-Nya, ''Yiak cihito kuhanong hant nganu osiah pun sapai Nak Nasio nibangkitan sok antaranyo kobek.'' ¹⁰ Ngant, nabuah-nabuah misiak nganu-Nya, ''Lalu, ngoniah ahli-ahli Taurat nyonok bahwa Elia harus monik tulobiah dahulu?'' ¹¹ Yesus jawab, ''Elia memang monik tulobiah dahulu ngant dok mulih segala suatu. ¹² Namun, Kuk nyonok nganumuk bahwa Elia jeh monik, tapi datn kai nginalinya ngant pulakukannya menurut kumauan datn. Demikian juga Nak Nasio dok menderita nok tongant datn.'' ¹³ Kumudian, para nabuah tuhiti bahwa Diapm ngomong nganu datn tentang Yohanes Pembaptis. ¹⁴ Tika Yesus ngant nabuah-nabuah boliak nganu nyo obeh, nyo dahi-dahi monik nganu Yesus samah bulutut nok jowi-Nya samial nyonok, ¹⁵ ''Tuhan, kasihanilah nakkuk sebsb diapm monap ayan ngant mangah menderita. Diapm sering hobuk koni wah opi ngant koni wah pink. ¹⁶ Kuk jeh matnnya nganu nabuah-nabuah-Muk tapi datn kai depit nyembuh diapm.'' ¹⁷ Yesus jawab, ''Hai, muk generasi dik kai pucaya ngant sesat! Kudu oteh gik Kuk dok togatn busamamuk? Kudu oteh bagi Kuk harus busabar tuhadap muk? Matlah nak hant nganu-Kuk.'' ¹⁸ Maka Yesus bentak minu bek hant hingga kuluar sok nak dahi-dahi hant, ngant nak hant sembuh saat hant juga. ¹⁹ Kumudian para nabuah monik nganu Yesus, tika datn maih samah-Nya ngant misiak, ''Ngoniah mik kai depit ngosar minu bek hant?'' ²⁰ Kta-Nya nganu datn, ''Karna imanmuk dik cink. Kuk nyonok dik subonarnya nganumuk, kalau muk puk iman doeh biji sawi saja, maka muk depit nyonok nganu dohik te, 'pinahlah sok ahok te koni nyih! ngant dohik te dok pinah. Kai biatn dik mustahil bagimuk. ²¹ [Dok tapi, minu bek jenis te hanya depit ningosar samah doa ngant puasa.''] ²² Tika Yesus ngant nabuah-nabuah-Nya samah bupulua nok wilayah Galilea, Diapm nyonok nganu datn, ''Nak Nasio dok niserah koni wah tongan nasio, ²³ ngant datn dok komek-Nya ngant Diapm dok nibangkitan pada onu dik kutohuah.'' Ngant, para nabuah-Nya jodi mangah sedih. ²⁴ Tika datn tiba nok Kapernaum, para pumulua pajak 2 dirham'' ²⁵ Petrus jawab, ''Ya.'' Tika diapm namok koni wah homing, Yesus tulobiah tiatn ngomong nganunya, ''Bagaimana pedapatmuk, Simon? Sok osiahkoh haja-haja dunia te nagiah bea ngant pajak? Sok nak-naknya atau sok nyo laink?'' ²⁶ Tika Petrus jawab, ''Sok nyo laink,'' Yesus nyonok nganunya, ''Kalau bugitu, nak-naknya bebas. ²⁷ Dok tapi, supaya yah kai nyigung datn, obulah koni sunggi ngant motatn kail. Tonulah katn dik putama timual ngant tika muk muka tukuaknya, muk dok depit sekiping stater. Tonulah duet hant ngant pinyuk nganu datn, bagi-Kuk ngant bagimuk.''