¹ Pada waktu hant, Herodes, haja wilayah, ngopink berita-berita tentang Yesus. ² Ngant, diapm nyonok nganu hamba-hambanya, ''Telah Yohanes pembaptis. Diapm jeh bangkit sok antara nyo kobek ngant karna itulah mukjizat-mukjizat te bukihija nok wah-Nya.'' ³ Sebab, Herodes jeh dekiap Yohanes, ngisiatnya, ngant jeblosnya koni penjara karna Herodes, sau Filipus, posik Herodes. ⁴ Karna Yohanes suah nyonok nganunya, ''Kai nibonar bagimuk ngadok puk Herodes.'' ⁵ Ngant, meskipun Herodes ingin komek Yohanes,diapm golak nganu nyo obeh karna datn nganggap Yohanes subagai nabi. ⁶ Dok tapi, tika onu ulang tahun Herodes tiba, nak dayua Herodes nari nok jowi datn, ngant hant nyenangkan Herodes, ⁷ hingga diapm busupah ngadok minyuk oniah saja dik mito gadis hant. ⁸ Maka, jeh nidesak oleh noknya, gadis hant nyonok, ''Pinyuklah nganukuk nok te, kupala Yohanes pembabtis nok somu nampan.'' ⁹ Meskipun haja sedih, tapi karna supahnya ngant karna nyo-nyo dik duak busamanya, diapm pun mihitah agar hal hant niminyuk. ¹⁰ Diapm nyuruh ngadok menggal bak Yohanes nok penjara. ¹¹ Ngant, kupala Yohanes nimatn nok somu nampan, nganu noknya. ¹² Kumudian, nabuah-nabuah Yohanes monik, monu opunya, ngant nguburnya.Lalu, datn obu ngant nyonok Yesus. ¹³ Tika Yesus ngopink hal te, Diapm nohiak diapm sok nyih samah ohud, koni ahok dik sunyi tediapm. Ngant, tika nyo-nyo ngopink te, datn ngajah-Nya samah bujalan kojok sok kota-kota. ¹⁴ Tika Yesus kuluar, Diapm honong kurumunan doeh nyo, ngant bubolas kasihan nganu datn, ngant nyembuh monap datn. ¹⁵ Tika onu hok ngehip, para nabuah monik nganu Yesus ngant nyonok, ''Ahok te sunyi ngant onu jeh mulai ngehip. Sanoklah nyo obeh hant obu koni desa-desa ngant mihih koyuhnas bagi datn maih.'' ¹⁶ Dok tapi, Yesus nyonok nganu datn, ''Maka kai perlu obu. Muk, pinyuk datn koyuhnas.'' ¹⁷ Maka nyonok nganu-Nya, ''Nok te yah kai puk oniah-oniah, kucuali 5 roti ngant 2 katn.'' ¹⁸ Ngant, Diapm, ''Matnlah hant kotu, nganu-kuk.'' ¹⁹ Kumudian, Diapm nyuruh nyo obeh hant guhuk nok iduh, ngant Diapm monu 5 roti ngant 2 katn hant, lalu samial honong koni honyiat, Diapm ngucap syukur ngant hocak-hocah roti hant. Jeh hant, Diapm minyuknya nganu nabuah-nabuah-Nya, ngant nabuah-nabuah-Nya nganu nyo obeh. ²⁰ Ngant, datn sumua duak ngant nibusuah. Lalu, datn monu potongan-potongan dik sisa, biat du bolas keranjang punuk. ²¹ Ngant, datn dik duak kira-kira biat 5.000 dahi-dahi, guat tumasuk dayua ngant nak-nak. ²² Yesus segera desak nabuah-nabuah-Nya namok koni ohud ngant obu tiat-Nya koni suborang, sementara Diapm nyuruh nyo obeh hant mohik. ²³ Ngant, jeh Yesus nyuruh nyo obeh hant mohik, Diapm simak koni somu dehik nyo tediap ngant budoa. Tika hok ngehip, Diapm maih nok nyih. ²⁴ Dok tapi, ohud hant jeh ojuk sok daratan, niombang-ambingkan golomank karna bulawat samah bahat. ²⁵ Ngant, pada jam kupatn ngehip hant, Diapm monik nganu datn, bujalatn nok somu pink. ²⁶ Tika para nabuah honong-Nya bujalatn nok somu pink, datn mangah golak ngant buseru, ''Hant muatn!'' Lalu, datn bumakas-makas karna kugolak. ²⁷ Dok tapi, Yesus lansung ngomong nganu datn, kata-Nya, ''Kuatlah otimuk! Te Kuk, yiak golak.'' ²⁸ Ngant, Petrus nyonok nganu-Nya ''Tuhan, jika hant Muk, suruhlah kuk monik nganu-Muk nok somu pink.'' ²⁹ Yeaus nyonok, ''Moniklah!'' Maka, Petrus kuluar sok ohud, ngant bujalatn nok somu pink, ngant monik nganu Yesus. ³⁰ Namun, tika honong bahat, diapm golak ngant mulai kahapm. Diapm makas, ''Tuhan, selamatkan kuk!'' ³¹ Yesus lansung nyiluar tongant-Nya megit Petrus, ngant nyonok, ''Muk dik kurang iman, ngoniah muk ragu-ragu?'' ³² Tika datn namok koni wah ohud, bahat pun togak. ³³ Kumudian, datn dik biatn nok ohud nyembah Yesus ngant nyonok, Sungguhnya, Muk adalah Nak Punopok!'' ³⁴ Jeh nyeberang, datn sapai nok poyok Genesaret. ³⁵ Tika nyo-nyo nok ahok hant nginali-Nya, datn nyonok-Nya koni suluruh daerah hant ngant matn sumua nyo dik monap nganu Yesus. ³⁶ Datn mohon koni Yesus supaya lua nyentuh tojuak jubah-Nya, ngant sumua nyo dik nyentuhnya jodi sembuh.