V 1Sabab satiap Imam ayo nang di milih dari antaro manusio, ditatapot bagi manusio doop hobongan ne'ido' ba Allah, supayo iyo mempersembohot persembahan ba korban karano doso. ² Iyo harus biso ngarati urok-urok nang bodo ba urok-urok nang sasat, karano iyo sandiri panuh ba kalamohan. ³ nang ngarosot iyo onto mempersambohot korban karano doso, buke sajo bagi umat, tapi ugo bagi dirie sandiri. ⁴ No ado seko urok pon nang nicok kahormatan kowo bagi dirie sandiri, tapi dinyaru' onto kowo oleh Allah, angayo nang dah tajadi ka Harun. ⁵ Jakowo ugo Kristus ano mamuliakan diri-E sandiri jadi Imam Ayo, tapi dimulio'ot oleh Iyo nang bafirman ka-Iyo, Kau Anak-Ku! Kau dah Kumaranakot pado ari ngian". ⁶ Jamae firman-E doop suatu nas laen, Kaulah Imam onto salamo-lamoe, manorot paratoran Melkisedek." ⁷ Doop idup-Pe jadi manusio, Iyo dah mempersambohot doa ba pamohonan ba ratap tanges ba kaluhan ka Iyo, nang sangop nyalamatot-Nyo'o dari maot, karano kasalehat-Ne Iyo dah di dangarot. ⁸ Sakaipon Iyo adalah Anak, Iyo dah balajar jadi taat dari amio nang dah Iyo darito. ⁹ dah ako' Iyo nyampe kasempurnaan-Ne, Iyo jadi tampat kasalamatan nang abadi bagi samuo urok nang taat ka-Iyo, ¹⁰ Iyo dinyaru jadi Imam Ayo oleh Allah, manorot paratoran Melkisedek. ¹¹ Nganai hal kowo manyak nang haros kami kato'ot, tapi nang susoh onto dijalasot, karano kau dah lambat doop hal nangarot. ¹² Sabab sakaipon kau, ditanang dari sodot waktu, dah saharose jadi pangajar , kau masih parlu agi di ajari dasar-dasar pokok dari panyataan Allah, ba kau masih marluot susu, buke makanan karas. ¹³ Sabab barang siape masih marluot susu iyo ano ngarati ajaran nganai kabanaran, sabab iyo adalah kamudo enek. ¹⁴ Tapi makanan karas adalah onto urok-urok dewaso, nang karano ado pancidera nang talatih onto medo'ot nang baek dari pado nang jahat.