¹ Sabab kowo jeklah diri tingoot dasar-dasar partamo dari ajaran nganai Kristus ba baalih ka parkembangan-Ne nang panuh. Amelah diri ngakoot agi dasar patobatan dari pabuatan-pabuatan nang sio-sio, ba dasar kapicayoan ka Allah. ² Nyianlah ajaran nganai babage pambaptesot, panumpangan kokot , kabangketot urok-urok mati ba hokoman kekal. ³ Kowolah nang mao diri pabuat, kalo Allah ngejenan iyo. ⁴ Sabab ne'ido' nang suoh ditaroki atie, nang suoh nyacapi karunia sorgawi, ba nang suoh namu bagiot doop Roh Kodos. ⁵ ba nang nyacapi firman nang baek dari Allah ba karunio-karunio dunio nang mao atok. ⁶ kade nang murtad agi, ano mongken dibarahui sakai agi sajakowo, hingo ne'ido' batobat, sabab ne'ido' nyalipot agi Anak Allah bagi diri ne'ido' ba ngina Iyo di muho umum. ⁷ Sabab tanoh nang nginsap ai ujot nang sering turut ka atase, ba nang ngasilot tumbuh-tumbuhan nang baguno bagi ne'ido' nang ngarajaan iyo, narimo barakat dari Allah. ⁸ tapi kalo tanoh kowo ngasilot tompoot duri ba ropot duri, anolah iyo baguno ba dah samak pado kotok, nang ba ahir ba panunuan. ⁹ Tapi, hai kamaruk-kamaruk ku nang kakasih, sakaipon kami bakato jakowo nganai kau, kami yaken bahwo kau ado sasuatu nang labih abik, nang ngandong kasalamatan. ¹⁰ Sabab Allah buke no adel, sahingo iyo kaupoot ka pakarajaanngu ba kasih ngu nang kau tujuot ka damo-E oleh palayan kau ka urok-urok kodos nang masih kau ngarajaan sampe kanio. ¹¹ Tapi kami mao, supayo kau maseng-maseng magariot kasunguhan nang samo onto nyadiot pengharapanngu jadi melek nang pasti, sampe pado ahire, ¹² biar aku ame jadi lambat, tapi jadi panorot-panorot ne'ido' nang oleh iman ba kasabaran namu bagiot doop amio nang dinyanjiot Allah. Janji Allah No Suoh Baruboh ¹³ Sabab pas Allah mareot janji-E ka Abraham, Iyo basumpoh demi diri-E sandiri, karano no ado urok nang labih tingi dari pado Iyo. ¹⁴ kato-E sasunguhe aku mao marakati kau ba limpah-limpah ba mao ngamuat kau sangat manyak. ¹⁵ Abraham ngantiot dengan sabar ako kowo iyo namu amio nang di janjiot ka iyo. ¹⁶ Sabab manusio basumpoh demi urok nang labih tinggi, ba sumpoh kowo jadi suatu pangoatan bagi iyo, nang ngaheri sagalo bantohan. ¹⁷ Karano kowo, onto labih ngayakenan ne'ido' nang bahak narimo janji kowo mao kapatiot potosan-Ne, Allah dah ngikat diri-E basumpoh, ¹⁸ Supayo oleh dua kanyataan nang no bauboh-uboh, nganai mae Allah no mongken badusto, diri nang ngago palindongan, namu sorongan nang koat onto maraih pangharapan nang ada ka depan mato diri. ¹⁹ Pangharapan kowo adalah tampat nang koat ba aman bagi jiwo diri, nang dah dinglabuhot sampe balakang taber. di mae Yesus dah taamo sabagai parentes bagi diri, pas iyo, manorot paratoran Melkisedek, jadi Imam Ayosampe salamo-lamoe.