¹ Sabab kowo, kamaru-kamaru nang kodos, nang namu bagiot doop panyaruot sarugo tananglah ka rasul ba Imam Ayo nang diri akoi, iyolah Yesus, ² Nang satio ka Iyo nang dah Iyo natapot, sajamae Musa pon satio doop saganap rumoh-He. ³ Sabah Iyo ditanang biso namu kamuliaan labih ayo dari pado Musa, samo angayo ahli bagunan labih dihormati dari pado rumoh nang iyo ngamuat. ⁴ Sabab satiap rumoh di amuat oleh urok ahli bangunan, tatapi ahli bangunan sagalo sasuatu iyolah Allah. ⁵ Dan Musa memang satio doop saganap rumoh Allah sabagai palayan onto mare kisoh tentang amio nang mao dibarito'ot kamudian ari. ⁶ Tatapi Kristus satio sabagai anak nang ngapalai rumoh-He; ba rumoh-He iyolah diri', kade' diri sampe ka ahire taguh mampaot ka kayakinan ba pengharapan nang diri megahot. Taruslah Nuno'ot Tuhan ⁹ dimae nenek moyangngu nyoboi Aku ba marago nguji Aku, sakalipon nek'ido' nanang pabuatan-pabuatan-Ku ampat puluh tahut lamoe. ¹⁰ Kowolah sababpe Aku bero ka angkatan nyian, dan bakato, salalu nek'ido' sasat ati, dan nek'ido ano nganal marago-marago-Ku, ¹¹ Sahinggo Aku ba sumpoh doop bero-Ku: Nek'ido' no akan taamo ka tampat pamarantiot-Ku ¹² Ati-atilah kamaru-kamaru, supayo di antaro kau ame ado urok nang atie jahat nang ano picayo' oleh karano io bapaleng dari Allah nang idop. ¹³ Sabaike nasehati saurok ba nang lain satiap ari, salamo masih biso dikato'ot "ari nyian" supayo ame ado diantaro kau nang jadi tegar atie karano tipu dayo doso. ¹⁴ Karano diri dah namu bagiot di doop Kristus, asal sajo diri koat mampaot sampe ka ahire pado kayakenan iman diri nang samulo. ¹⁵ Tatapi kalo suoh dingato'ot, pado ari nyian kade kau nangar Suaroe, amelah karasot atingu angayo doop garagetot. ¹⁶ Siapelah nek'ido' nang mangketot bero Allah, sakalipon nek'ido' nangar suaro-E ? Buke ge nek'ido samuo nang kaluar dari Mesir di baboh pempenan Musa? ¹⁷ Siapelah nang Iyo beroi ampat puluh tahut lamoe? Buke ge nek'ido' nang babuat doso ba nang bangke'e batape' di padang gurun ¹⁸ Siapelah nang dah Iyo nyumpohi, bahwo nek'ido' no akan taamo ka tampat Pamaram tiot-Ne, buke ge nek'ido' no taat ? ¹⁹ Jakowolah diri nanang, bahwo nek'ido' no biso taamo oleh karano ka ano pocayo'ot nek'ido'