¹ Karano kowo harus labih taliti diri' nanang amio nang dah diri nangar, supayo diri' ame anyut ditabanan aros. V 2Sabab kalo firman nang dingato'ot ba parantaro malaekat-malaekat tatap balaku, ba satiap palangaran ba kaanotaatot namu baasot' nang sasuai. ³ jamaege diri biso' lapas, kalo' diri nyia-nyiaot kasalamatan nang ayo kowo, nang mulo-mulo dibarito'ot oleh Tuhan ba ne'ido' nang dah nangar iyo, ka diri ba caro nang biso dipicayoi, sadangkan ⁴ Allah naguhot kasaksian ne'ido' oleh tando-tando ba mujizat-mujizat ba oleh babagai-bagai panyatoot kakuasaan ba karunio Roh Kudus, nang Iyo magi-magiot manorot kahendak-Ke. Yesus Jadi Samo angayo Manusio onto Nyalamatot Manusio ⁵ Sabab buke ka malekat-malaekat dah Iyo naklokot dunio nang mao atok, nang diri ngatoot nyian. ⁶ Ado urok' nang suoh mare kasaksiot di doop suatu nas, katoe: "Apege manusio, sahingo Kau ngingat iyo, atau anak manusio, sahingo Kau ngagasot iyo? ⁷ Namun Kau dah ngamut iyo onto waktu nang singkat sadeket labih baboh dari pado malaekat-malaekat, ba dah mamahkotai nyo'o ba kamuliaan dan hormat. ⁸ Kau naklokot sagalo sasuatu di baboh poho-E. Sabab doop naklokot sagalo sasuatu ka-Iyo, ano ado suatu pon nang iyo kacualiot , nang no takluk ka-Iyo, Tatapi kanio nyian nape diri tanang, bahwo sagalo sasuatu dah dinaklokot ka-Iyo. ⁹ Tatapi Iyo, nang onto waktu nang singkat dingamuast sadeket labih baboh dari pado malaekat-malaekat, kowolah Yesus, diri nanang, nang oleh karano pandaritaan maut, dimahkotai ba kamuliaan ba hormat, supayo oleh kasih karunio Allah Iyo ngalami maut bagi samuo manusio. ¹⁰ Sabab memang sasuai ba ka adaan Allah nang bagi-E ba oleh-E sagalo sasuatu dijadiot, kowolah Allah nang nabanan manyak urok' ka kamuliaan, ugo manyampurnaan Yesus, nang mimpin ne'ido' ka kasalamtan ba penderitaan. ¹¹ Sabab Iyo nang ngudusot ba ne'ido' nang dingodosot, ne'ido' samuo barasal dari satu, kowolah sababpe Iyo ano supot nyabot ne'ido' kamaru. ¹² Katoe Aku mao marito'ot namo-Ngu ka kamaru'-kamaru'-Ku, ba muji-muji Kau di tangoh-tangoh jemaat-Ngu. ¹³ Dan agi : Aku mao muangan kapicayoan ka-Iyo, Dan ago, Sasunguhe, nyianlah Aku ba kamudo-kamudo nang dah dimareot Allah ka-Aku. ¹⁴ Karano kamudo-kamudo kowo adalah kamudo-kamudo Dari daroh ba dagin, maka Iyo ugo jadi sabayo ba ne'ido' namu bagiot doop kaado'an ne'ido', supayo oleh kamatian-Ne Iyo musnahot iyo, kowolah Iblis, nang ba kuaso atas maot; ¹⁵ supayo ba marago jakowo Iyo nga'apasot ne'ido' nang sa omor idupe barado doop perhamboan oleh karano gaie ka maot. ¹⁶ Sabab sasungguhe, buke malaekat-malaekat nang Iyo ngasihi, tatapi katurunan Abraham nang Iyo ngasihi. ¹⁷ Kowolah sababpe, maka doop sagalo hal Iyo haros disabayo'ot ba kamaru-kamaru-E, supayo Iyo jadi Imam Ayo nang muangan balas kasihot nang satio ka Allah onto damaiyot doso saluruh bangso. ¹⁸ Sabab oleh karano Iyo sandiri dah mandarito karano pancobaan, maka Iyo biso nolong ne'ido' nang dicoboi.