¹ nang kumaksut, salamo ahli wares koo masih anak-anak, io anok ado bedoe nang pabantu walopon io adalah pamilik samuae nang ado. ² Io ado dibaboh kuaso pangawas lantas pangoros rumoh tango' sampe waktu nang dah dinatapot oleh bapae. ³ jakoo ugo diri', waktu masih kamudo, dipabudak oleh oleh roh-roh dunio nyian. ⁴ tapi, waktu ari panganapot dah waktue, Allah ngutus AnakKe, nang lahir ampat ka ambini lantas laher ka baboh ukum taurat, ⁵ onto' nabus ne' udo nang ado ka baboh ukum taurat supayo diri' biso narimo pangangkatot angayo anak-anakKe. ⁶ karamo kao anak-anakKe, Allah dah ngutus Roh anakKe ka doop ati diri', nang nyaru, "Abba Bapa." ⁷ jadi buke agi budak, tapi anak. kade kao adalah anak, Allah nyadiot kao ahli wares melalui Kristus. Ame Mao Dipabudak Agi Oleh Roh-Roh Dunio ⁸ dee, waktu kao anok kanal Allah, kao adalah budak ampat ka hal-hal nang pado dasare buke Allah. ⁹ namun, kanio, waktu kao dah nganal Allah ato labih tepate dikanal oleh Allah, ayamae mungkin kao babalik agi ka roh-roh dunio nang lamoh lantas anok baguno? mao ge kao dipabudak agi? ¹⁰ kao majaanan parayaan at as ari-ari, buot-buot, mosem-misem, lantas tahut-tahut! ¹¹ aku gai jangan-jangan jerih payahku nang dah kungarajaan onto'ngu jadi sia-sia. ¹² aku mohon ka kao, kamaru-kamaru, jadilah angayo aku karamo aku ugo dah jadi angayo kao. kao anok basaloh ka aku. ¹³ kao nahui, pado mulae aku matakot injil ka kao karamo sakit tubuh nang kungalami. ¹⁴ walopon kodisi tubuhku koo bagian dari cobaan onto' ngu, kao anok ngina ato nolak aku. sabalike, kao nyambut aku saolah-olah aku nyian malaekat Allah, angayo seakan-akan aku nyian Yesus Kristus koo sandiri! ¹⁵ jamae dengan barakat nang kao ngaraso kanio? sebab, aku biso basaksi tentang kao dee, kalo mungkin, nyungkit matongu lantas mareot io ka aku pon kao rela. ¹⁶ ameo kanio aku jadi musuhngu karamo nunjukkot kabanarot ka kao? ¹⁷ urok-urok koo barusoho namui kao, tapi buke dengan maksot nang baek. ne' udo maok ngasingkan kao dengan arapan kao akan ngago ne' udo. ¹⁸ memang baek kade salalu basamangat ngalakukan hal-hal nang batujuan baek, lantas buke hanya waktu aku ado ba kao. ¹⁹ anak-anakku, demi kao, aku rela sakai agi nanggung sakit ngalahirot sampe Kristus dimatakot doop kao. ²⁰ aku baarap, aku biso ado ba kao kanio lantas nguboh nada suaraku karamo aku abis akal ngadapi kao. Hagar nang Sara onto' Contoh ²¹ batakot ka aku, hai kao nang mao idup ka baboh ukum taurat, anok ge kao nangarot ukum taurat? ²² karamo ado tatoles, Abraham ado anak angaki dua urok; seko lahir ampat ka budak ambini, lantas nang seko agi ampat ka ambini merdeka. ²³ tapi, anak ampat ka budak ambini koo dimaranakot manorot nafsu, sadangkan anak nang ampat ka ambini merdeka dimaranakot ngalalui pajanjiot. ²⁴ tanangg kish nyian sebagai lambang karamo duo eko ambini nyian ngalambangkan duo pajanjiot. seko adalah pajanjiot ampat ka Gunung Sinai lantas maranakot anak-anak pabudakot. Dia adalah Hagar. ²⁵ kanio, Hagar ngalambangkan Gunung Sinai ka Tanoh Arab, sabayo angayo Yerusalem saat nyian karamo io idup doop pabudakot ba anak-anakke. ²⁶ tapi, Yerusalem nang ka atas adalah ambini nang merdeka, lantas io adalah uma' diri'. ²⁷ karamo ado tatulis, "basukacitalah, hai ambini nang mandul, nang anok maranakot. baserulah lantas basoraklah, hai kao nang anok ngaraso sakit baranak. sebab, labih manyak anak ampat ka ambini nang sandiri daripado ambini nang ado ba akie."Yesaya 54:1 ²⁸ kamaru-kamaru, kao adalah anak-anak pajanjiot angayo Ishak. ²⁹ pado saat koo, anak nang laher manorot daging menganiayo anak nang laher manorot Roh, angayo nang terjadi kanio nyian. ³⁰ tapi, ameo nang kitab suci ngatoot? "userlah budak ambini koo baserta anakke karamo anak budak ambini koo anok akan jadi ahli wares sabayo nang anak ambini merdeka." ³¹ karamo koo, kamaru-kamaru, kito bukelah anak-anak ampat ka budak ambini, tapi ampat ka ambini merdeka.