¹ hei kao, urok-urok Galatia nang bodoh! sape nang dah nyeher kayo?buke ge kaden mata ngu Yesus Kristus dinanang dinyalibpot ka depan umum? ² satu hal nang mao kutanyoo ka kao, ameo ge kao narimo Roh karamo nuruti ukum taurat, ato ge karamo nangar dengan iman? ³ bago banar bo kao? kao dah mulai dengan Roh, ameo ge kao kanio mao ngakiri dengan daging? ⁴ sia-sia ge kao mandarito pandaritoot nang ayakoo manyak koo -- kade memang koo sia-sia? ⁵ jadi, ameo ge Io ngaruniakan Roh ka kao lantas ngarajaan mujizat ka antaro kao karamo kao majaanan ukum taurat, ato karaoke kao nangar dengan iman? ⁶ sabayo nang Abraham nang picayo ka Allah sehingga hal koo diparitungan kaiyo onto' kabanarot. ⁷ karamo koo, perlu kao nahui kade urok-urok nang baimanlah nang dinyabut anak-anak Abraham. ⁸ kitab suci, nang dash nahui danapee kade Allah akan manarot urok-urok buke Yahudi karamo iman, dah labih doho nyampeot injil ka Abraham dengan bakato, "samuae bangsa akan dibarakati melalui kao." ⁹ jadi, ne' udo nang baiman akan dibarakati sabayo-bayo Abraham, urok nang picayo koo. ¹⁰ samuae urok nang bagantung ka pakarajaan ukum taurat ado ka baboh kotok, sebab ado tatoles, "takotoklah satiap urok nang anok tondok ka segala sesuatu nang tatoles doop kitab ukum taurat lantas ngalakukan io." ¹¹ jadi, jelaslah kanio kade anok ado seko urok pun nang dibanarot ka adapot Allah oleh ukum taurat, sebab, "urok banar akan idup oleh iman". ¹² tapi, ukum taurat anok didasarot pake iman. sebalike, urok nang ngalakukan ukum taurat akan idup oleh iman. ¹³ Kristus nabus diri' dari kotok ukum taurat nang jadi koto onto' diri', sebab ado tatoles, "takotoklah urok nang digantong ka kayu salib!" ¹⁴ nang ado doop nama Yesus Kristus, berkat Abraham biso sampe ka urok-urok buke Yahudi sehingga dengan iman diri' biso narimo nang dah dinyanjiot koo. Janji Allah nang Ukum Taurat ¹⁵ kamaru-kamaru, aku akan mare contoh dari kaidupot saari-ari: kalo panjanjiot dah disahot, walopun kahe kontrak an taro manusio, anok ado urok nang biso matalot ato nambohot ameo pun doop pajanjiot koo. ¹⁶ kanio, tentang pajanjiot nang dinyampeot ka Allah Abraham lantas ka katurunane. Allah anok bakato, "...ka katurunan-katurunane," nang nunjuk ka manyak katurunan."... lantas ka katurunanngu," baarti nunjuk ka seko urok, yaitu Kristus. ¹⁷ maksudku, ukum taurat nang moncol 430 tahut sanapee anok biso matalot pajanjian nang dah disahot oleh Allah. jadi, pajanjiot koo anok biso ditiadakan. ¹⁸ sebab, kade warisan udah atok melalui ukum taurat, makae warusan koo anok agi didasarot ka pajanjiot. tapi, Allah nganugrahot ka Abraham melalui sebuah pajanjiot. ¹⁹ jadi, ngameo ado ukum taurat? ukum taurat dimare karamo palanggaran-palanggaran, sampe ka katurunan koo atok sajamae maksut pajanjiot koo dimajawat. ukum taurat mulai balaku melalui para malaekat dengan parantaro. ²⁰ namun, parantaro anok onto' mewakili seko urok, padajal Allah adalah seko. Tujuan Ukum Taurat ²¹ kalo macam nyian, ameo ge ukum taurat balawanan nang pajanjiot Allah? tantu ajo' anok! sebab, kade ukum taurat dimaret onto' biso mare id up, kabanarot pasti baasal ampat ka ukum taurat. ²² tapi, kitab suci nang dah minjaro samuae nang ado lantas samuae urok ka baboh doso supayo pajanjiot oleh iman doop Kristus Yesus muih dibareot ka ne' udo nang picayo. ²³ sanape iman atok, diri' dingikat ka baboh ukum taurat, diminjaro sampe atok panyataan iman. ²⁴ makae, ukum taurat adalah pangawas onto' diri' sampe Kristus atok supayo diri' biso dibanarot oleh iman. ²⁵ kanio, iman koo dah atok. diri' anok agi palalu ukum taurat sebagai pangawas diri'. ²⁶ doop Yesus Kristus, kao samuae adalah anak-anak Allah ngalalui iman. ²⁷ kao samuae nang dah dimaptis doop Kristus dah idup sabayo ba Kristus. ²⁸ anok ado agi urok Yahudi ato urok Yunani, palayan ato urok mardeka, aki-aki ato ambini karamo kao samuae seko doop Yesus Kristus. ²⁹ kade kao adalah milik Kristus, kao adalah katurunan-katurunan Abraham lantas ahli-ahli wares sasuai nang pajanjiot.