¹ nyian dah ampat balas tahut, aku atok agi ka kota Yerusalem nang Barnabas lantas nabanan titus ba aku. ² aku ampus karamo suatu penyatan lantas onto' nyelasot ka ne' udo tentang injil nang kumadohot ka antaro urok-urok buke Yahudi. namun, aku ngalakukan io doop patamuan pribadi, yaitu kahe nang ne' udo nang bapangaruh onto' mastiot kade ameo nang kungarajaan lantas nang dah kungarajaan anok sia-sia. ³ Bahkan, Titus, nang ado ba aku, anok harus disunat walaupun io koolah urok Yunani. ⁴ hal nyian terjadi karamo ado kamaru-kamaru palsu nang diam-diam masok lantas taamo onto' mata-matai ka bebasot nang diri' miliki doop Yesus Kristus supayo diri' ditabanan kembali ka pabudakot. ⁵ tapi, kami bai tunduko ka ne' udo sesaatpun supayo kabanarot injil tatap diop doop kao. ⁶ namun, ampat ka urok-urok nang bapangaruh koo, nang kedudukane anoklah penting bagiku karamo Allah anok medo-medoot, ne' udo anok nambahi dameo-dameo bagiku. ⁷ sebalike, ne' udo nanang kade ka aku dah dimicayoot injil onto' urok-urok nang anok basunat, sabayo nang Petrus nang dimicayai injil onto' urok-urok nang basunat. ⁸ sebab, Io nang dah bakarajo melalui Petrus onto' jadi rasul bagi urok-urok basunat, Io ugo nang bakarajo malalui aku onto' jadi rasul bagi urok-urok buke Yahudi. ⁹ Ako' Yakobus, Petrus, nang Yohanes, nang ditanang sebagai kapalo guru bagi jemaat menyadari anugrah nang dimareoot ka aku, ne' udo mareot kokot kanan persekutuan ka Barnabas lantas ka aku supayo kami ampus ka urok-urok buke Yahudi, sadangkan ne' udo ampus ka urok-urok basunat. ¹⁰ ne' udo kahe minto kami onto' ingat ka urok-urok sontok, sete hal nang aku sandiri sangat basamangat onto' ngalakukannya. Paulus Nunjukot Kasalohot Petrus ¹¹ tapi, waktu Kefas atok ka kota Antiokhia, aku tarang-tarangan nantok io karamo jelas sidi io basaloh. ¹² karamo sanape urok-urok tertentu ampat ka kalangan Yakobus atok, Kefas dah biaso makot sabayo ba urok-urok buke Yahudi. namun, waktu ne udo atok, io mulai mundur lantas misohot diri'e karamo gai ka kalompok urok nang basunat. ¹³ urok-urok Yahudi nang laen ikut-ikutan batindak munafik baiyo, bahkan Barnabas pun taseret oleh kamunafikot ne' udo. ¹⁴ waktu aku nanang kade ne' udo batindak anok sajalan nang kabanarot Injil, makae aku bakato ka Kefas ka depan samuae urok, "kalo kao urok Yahudi idup angayo urok buke Yahudi, ayamae mungkin kao maksoo urok buke Yahudi onto' idup angayo urok Yahudi?" ¹⁵ diri' adalah urok-urok nang dimaranakot macam bangsa Yahudi lantas buke urok-urok badoso ampat ka bangsa buke Yahudi. ¹⁶ namun, diri' nahui kade anok seko urok pun dibanarot karamo ngarajaan ukum taurat, melaenkan melalui iman doop Yesus Kristus. bahkan, diri' ugo dah picayo ka Yesus Kristus supayo diri' dibanarot oleh iman doop Kristus, buke karamo ngarajaan ukum taurat. sebab, anok seko urok pun dibanarot karamo ngarajaan ukum taurat! ¹⁷ tapi, samantaro diri' barusoho onto' dibanarot doop Kristus, diri' napati diri' sandiri ugo badoso, ameo ge bararti Kristus akalah palayan doso? ¹⁸ tantulah anok! kade aku mangun ulang agi ameo nang dah aku ngaroroot, aku muktiot kade aku adalah urok malawan ukum. ¹⁹ sebab, melalui ukum taurat, aku dah mati onto' ukum taurat supayo aku biso idup onto' Allah. ²⁰ aku dah dinyalibpot dengan Kristus. buke agi aku nang idup, melaenkan Kristus nang idup doop aku. idup nang kanio nyian kuidupi doop daging adalah idup oleh iman doop anak Allah, nang ngasihi aku lantas dah mareoot diri-E onto' aku. ²¹ aku anok matalot anugrah Allah karamo kade kabanarot atok melalui ukum Taurat, sia-sialah Kristus mati!