¹ Aku sabab koa ,salaku urakng nang dipinjaraatn bagi Jubata, aku nyorong kao biar idup ka daapm idup nang ba kenan badasaratn panggilan nang ayamae Jubata Panampa' nyaru' kao. ² Iduplah ba karandahan ati ba kalamah lambutan , ba kasabaratn , tarimalah sote ba nang lain daapm kasih. ³ Barusahahalah sakuat tanaga nyaga parsatuan daapm Roh daapm ikatan daapm kasih . ⁴ Adalah sote' tubuh ba sote Roh, ayamae kao udah disaru' daapm sote' kayakinan , pangarapatn ba panggilan nyu . ⁵ Ba kadaapm sote' Jubata , sote iman , sote' baptisan . ⁶ Kahe sote' Jubata Panampa' ba Apa' dari samua nang ka atas ba samua ka daapm samua. ⁷ Ka satiap diri' udah dimare' sasuatu karunia badasaratn ukuran dari pamareatn Karistus. ⁸ Aya firman Jubata bakata " pada waktu Ia naik ka tampat tingi , Ia ngicakng para tawanan ka daapm panawanan lalu Ia mareatn pamareatn - pamareatn ka manusia. ⁹ Ahe arti " Ia naik " kacuali uga' Ia turutn ka daapm bagian bumi nang paling babah. ¹⁰ Ia nang udah turutn adalah paribadi nang sama uga' udah jauh naik ka atas subayatn ,Ia pasti mamanuhi' sagala - galae. ¹¹ Karistus udah mare sangahe untuk jaji Rasul, sangahe nang jaji Nabi, sangahe sabagai panginjil , ba sangahe jaji gambala ba pangajar. ¹² Ia udah mareatn tanggung jawape nyian untuk ngalengkapi urakng - urakng kudus-E untuk pakarajaan palayanan untuk mamabangun tubuh Karistus. ¹³ Ia tarus mangun tubuh-E , biar diri' jaji satu kasatuan iman ba pangatahuan tantang Anak Jubata sampe diri' jaji dewasa lalu uga' sampe ka ukuran kapanuhan Karistus. ¹⁴ Karistus mambangun diri' biar diri ina aya kamuda' nang tarombang - ambing di galombang, lalu kana icakng rupa - rupa angin pangajaratn ba pamainan palsu urakng - urakng licik ba tipu muslihat kabatne. ¹⁵ Sabalike kuat mampaut ka kabanaratn daapm kasih diri'e batumuh ka sagala cara ka daapm Ia nang adalah kapala iyakoa Karistus. ¹⁶ Karistus mambangun saluruh tubuh lalu di jajiatn utuh ba dinyatuatn dari satiap dukungan , pangikat ,pada waktu satiap dukungan bakaraja sama, maka minjawat tubuh batumuh aka' koa tabantuk babaro kadaapm kasih. ¹⁷ Sabab koa , aku bakata koa ina' agi' sarupa idup urakng - urakng buke' Yahudi daapm kasia - siatn pikiran kabatne. ¹⁸ Kabatne jaji galap kadaapm pangartian tarasing dari idup parsekutuan ba Jubata sabab kabodohan nang ada kadaapm kabatne ba kataguhatn ati kabatne. ¹⁹ Parasaan kabatne jaji tumpu lalu kabatne nyarahatn diri'e ka hawa napsu , lalu kabatne ada nang sataruse maratekatn satiap janis kanajisan . ²⁰ Namun nyian buke'lah ayamae nang kao palajari' tentang Karistus. ²¹ Aku mao'e kao nangar tentang Karistus lalu udah di ngajaratn kadaapm Ia sabagai sasuatu kabanaratn kadaapm Yesus. ²² Kao di ajar biar mukai' ahe nang jaji milik cara idup nang dee, untuk mukai' manusia lama . Koalah manusia lama nang dingarusakatn ,sabab kainginan nang nipua'. ²³ Kao dingajar untuk dimarahui' kadaapm Roh ba pikiran - pikirannyu. ²⁴ Untuk makeatn manusia barahu nang di ngiptaatn sasuai gambar Jubata Panampa' kadaapm kabanaratn ba nang kudus. ²⁵ Sabab koa buaknglah dusta , bakatalah nang batol ka seko' ba nang laine , soale diri' sote' anggota ba nang laine. ²⁶ Muih bera tapi sampe minjawat badosa , ame miaratn mata ari tingaapm lalu kao masih uga' bera. ²⁷ Ame minjawat tampat ka si jahat. ²⁸ Kabatne nang pamancuri ame agi' jaji pancuri , ia arus bakaraja sapanuh atie ba kokote , biar ia bisa ba bagi ba nang paralu. ²⁹ Ame ada pakataatn nang ngarugiatn nang muok umpat ka mootnyu , aruslah pakataatn nang baguna untuk saling mambangun aya nang di paraluatn kabatne, untuk mareatn anugerah ka kabatne nang nangaratn. ³⁰ Lalu amelah ngaduaatn Roh kudus Jubata Panampa' , nang udah mameteraiatn kao untuk jaji panabusatn. ³¹ Buaknglah sagala nang pahit , kagusaratn , pamera , patangkaratn, lalu panghinaan soale koa samua umpat ka si jahat. ³² Jajilah baik ka samua urakng , lamah lambut, suka ngamponi' dari seko' ba ka nang laine , ayamae Jubata Panampa' kadaapm Karistus udah ngamponi kao.