¹ Oleh karana koa aku, Paulus , urakng nang diminjara sabab Karistus Yesus salaku urakng - urakng buke' Yahudi. ² Kade' kao udah nangar masalah pangalolaan kasih karunia dari Jubata Panampa' nang udah dimareatn ka aku karana kao. ³ badasaratn Wahyu nang udah dineeatn ka aku, kabanaratn nang dinaporatn nang udah dinulisatn sacara singkat daapm surat nang lain. ⁴ Pada waktu kao maca hal nyian, kao pasti bisa ngarati pandanganku daapm hal nyian masalah kabanaratn nang batapor tantang Karistus. ⁵ Ka ganarasi - ganarasi umat nang lain ina' dikanal , tapi nang angkitn udah dimebasatn Roh ka para Rasul ba para Nabi-E nang kudus. ⁶ Kabanaratn nang batapor nyian bahwa urakng - urakng buke' Yahudi adalah ayukng pawaris ba anggota dari tubuh ba namu bagiatn parjanjian daapm KaristusYesus malalui' pambaritaan Injil. ⁷ Oleh sabab koa aku udah jaji palayan sabagai anugerah pamareatn Jubata Panampa' ka aku malalui' kuasa-E. ⁸ Jubata Panampa' mare' anugerah nyian ka aku,biarpun akulah nang paling hina daripada kabatne nang udah namu bagiatn dari Jubata Panampa' untuk ngabaratn Injil ka urakng - urakng buke' Yahudi dari kakayaatn Karistus nang ina' taetong, ⁹ lalu ngicakng satiap urakng ka daapm nang tarakng ba ngabaratn ka kabatne tantang rahasia rancana Jubata Panampa'. nyianlah rancana bahwa Jubata Panampa' nang udah batapor koa dari sanape'e , nang ngiptaatn sagala - galae. ¹⁰ Tujuan mabai' satiap urakng ka daapm tarakng adalah malaui' paraturan - paraturan ba kakuasaan ka daapm subayatn bisa di tahui' manyak carae sacara alami badasaratn hikmat Jubata Panampa'. ¹¹ Badasaratn rancana kakal nang udah dinyampuranaatn ka daapm Yesus Karistus Jubata diri' . ¹² Sabab ka daapm karistus diri' udah bisa jajai barani ada maraga ba kayakinan panuh oleh iman diri' ka daapm Ia. ¹³ Oleh sabab koa aku minta ka kao ame marasa enek ati sabab pandaritaanku untuk kao .nang mae adalah untuk kamuliaannyu. ¹⁴ Sabab hal nyian aku basujud ka apa', ¹⁵ nang dama-E ka adapatn katurunan daapm subayatn ba ka atas bumi aku sabutatn. ¹⁶ Aku badoa kirae Ia mare karunia ka kao atas dasar kakayaatn kamuliaan-Ne , untuk nguatatn kuasa malalui' Roh-E nang ada kadaapmnyu. ¹⁷ Aku badoa agar Karistus idup kadaapm atinyu malalui' iman , biar kao jaji ba akar ba tumuh basama kasih-E. ¹⁸ samoga kao ada kakuatan biar kao bisa ngarati , basamua urakng nang picaya' sidi luas, panyakng,tingi ba daapm. ¹⁹ biar kao bisa nahui' kasih Karistus koa , nang malalui' pangatahuan , biar kao bisa di panuhi' kamuliaan Jubata Panampa'. ²⁰ Bagi Ialah nang sanggup majaanan samuee jauh malampaui' nang diri' mnta' atau pikiratn nang badasaratn kuasa-E nang bakaraja kadaapm diri'. ²¹ Bagi Ialah kamuliaan daapm jemaat kadaapm Karistus Yesus dari sagala ganarasi sampe ba salama- lamae.Amin.