¹ Aya kao dee, udah mati malanggar ba badosa. ² Sabab koalah kao paranah idup manurut aturan duniawi.Kao idup manurut panguasa otoritas dari angin. Koalah roh nang bakuasa ka anak-anak doraka. ³ Diri paranah ada uga' ka urakng - urakng nang ina' picaya' koa. diri' batindak sasuai kamaoan ibalis nang ada ka dagen diri'. diri' batindak atas kamaoan dagen ba pikiran jahat. diri' anak katurunan pamera aya nang lain. ⁴ Tapi Jubata Panampa' kaya ba bapangasihatn-Ne sabab kasih-E nang aya' udah ngasishi diri'. ⁵ Waktu diri' mati sabab palanggaran-palanggaran, Ia udah maba diri' ka kaidupatn nang barahu basama Karistus , sabab anugerah kao di slamatatn. ⁶ Jubata Pananmpa' mangkitatn diri' barage - rage, ba nudukatn diri' barage - rage ka subayatn ba Yesus Karistus. ⁷ Biar waktu nang ana Ia mao' neeatn kakayaatn barakat-Te nang ina' taetong , nang Ia neeatn kabaikatn-Ne ka diri' basama Yesus Karistus. ⁸ Kahe anugerah kao udah dislamatatn malalui iman . Dan nyian buke' atakng umpat ka diri' .Nyian adalah hadiah umpat ka Jubata Panampa'. ⁹ buke umpat ka pakarajaatn - pakarajaatn biar ina' saurakngpun nang jaji sombong. ¹⁰ Soale diri' Jubata Panampa' nang minjawat diri', dinyiptaatn basama Yesus Karistus untuk majaanan pakarajaan - pakarajaan baik, dari dee Jubata panampa' udah barencana ka diri' bajaatn ba barage ia. ¹¹ Sabab koa ingatlah kade kao dee buke'lah urakng Yahudi sacara dagen.Kao disabut " ina' babaak " ja kabatne nang " babaak " sacara dagen buatan kokot manusia. ¹² Soale waktu koa udah tapisah dari Karistus . Kao urakng - urakng asing ka bangsa Israel. Kao urakng - urakng asing sasuai janji daapm parsatujuan. Kao ina ba kapastian masa depan . Kao tanpa Jubata Panampa' ka dunia. ¹³ Tapi angkitn basama Yesus Karistus, kao nang dee jauh dari Jubata Panampa' udah dinyamakatn ka Jubata Panampa' sabab darah Yesus Karistus. ¹⁴ Sabab Ia adalah damai diri'. Ia nyajiatn nang dua jaji sote'. sabab dagen-Ne ia udah ngancuratn tembok pamisah nang misahatn diri' yaitu pamusuhatn. ¹⁵ Soale ia udah musnahahtn ukum Taurat ba paraturan - paraturan biar Ia bisa nyiptaatn manusia barahu ka daapm diri'E. Ia minjawat damai. ¹⁶ Karistus damaiatn kadua bangsa jaji sote' tubuh ka Jubata Panampa' malalui' salib , matiatn pamusuhatn. ¹⁷ Yesus atakng memproklamasiatn damai bagi kao nang jauh lalu damai bagi kabatne nang samak. ¹⁸ Sabab malalui Yesus diri' samua ada maraga taama' daapm sote' Roh ka Apa' ¹⁹ Jaji kao urakng - urakng buke' Yahudi buke' agi salaku urakng - urang nang ina' kanal urakng -urakng asing. malainkan sasama warga ba kabatne nang udah dimisahatn untuk Jubata Pananmpa' lalu jaji kaluarga Jubata Panampa'. ²⁰ Kao udah dimangun ka atas dasar rasul - rasul ba para nabi - nabi. Karistus Yesus sandiri' salaku batu panjuru. ²¹ Kadaap Ia saluruh bangunan cocok ba nang lainne lalu ba tumbuh salaku Bait Jubata Panampa' ka daapm Jubata.. ²² Ka Ialah kao uga' udah dimangun basama salaku tampat kadiaman Jubata ka daapm Roh.