¹ Sabab koa jajilah nang panurut ka Jubata Panampa', jaji anak-Ke nang Ia kasihi'. ² Lalu iduplah ka daapm kasih, ayamae Karistus ngasihi' diri' nang udah ngorbanan Diri'e untu' diri', sasuatu parsambahan nang babau mangat lalu untu' korban bagi Jubata Panampa'. ³ Tapi parbuatan nang cabul ba sarakah ina' disaranan ada ka antara kita' ayamae nang saharuse bagi urakng picaya'. ⁴ Ayakoa uga' pakataatn nang kotor, nang kosong ba nang sambarono-- samua koa ina' pantas. Sabalike aruslah ada ucapan syukur. ⁵ Katahui'lah ina' ada urakng sundal, urakng pangalok, atao urakng sarakah,--- artie panyambah bahala---- nang namu warisan ka daapm karajaan Karistus ba Jubata Panampa. ⁶ Ame ada nang seko'pun nang nipu kao ba kata- katae nang kosong. Sabab hal - hal nyian ngatangan minjawat Jubata bera ka anak - anake nang ina' taat. ⁷ Sabab koa, amelah jaji bagian dari kabatne. ⁸ Sabab kao dee barada ka dunia nang galap, tapi kao angkitn barada ka daapm nang tarakng Jubata. Jaji bajaatnlah salaku anak - anak nang tarakng, ⁹ ( sabab buah dari nang tarakng adalah samua kabaikatn, kaadilan ba kabanaratn ) ¹⁰ lalu tojokatnlah ahe nang nyanangan ati Jubata. ¹¹ Amelah ikut - ikutan ka nang parbuatan nang itapm. Tapi sabalike bukalah parbuatan - parbuatan koa. ¹² Sabab nyupei' ahe agi mao' disabutatn hal - hal nang kabatne karajaan sacara rahasia. ¹³ Samua nang tarakng mukaatn, jaji nyata. Sabab tarakng narakngi' samuae koa. ¹⁴ Sabab ada tatulis" Umpatlah kao nang masih tidur, lalu bangkitlah dari kamatian, lalu Karistus basinar ka atas nyu." ¹⁵ Maka koa ati -atilah daapm idup amelah aya urakng -urakng nang bodoh tapi jadilah urakng nang bijaksana. ¹⁶ Pagunaanlah waktu nang ada sabab ari-ari nyian adalah jahat. ¹⁷ Maka koa, amelah bodo, tapi barusahahalah mahami' kainginan Jubata. ¹⁸ Lalu amelah kamabuk gara-gara anggor, sabab koa ngancuratn idup diri'. Sabaike insi'lah ba Roh Kudus, ¹⁹ bakatalah ba nang lainne ba Mazmur, puji - pujian ba lagu - lagu rohani, badendanglah lalu pujilah ba saluruh daapm atinyu ka Jubata. ²⁰ Salalulah ba syukur daapm samua hal ka daapm dama Jubata Yesus Karistus ba ka Jubata Panampa' diri'. ²¹ ngogo'lah diri'nyu ka nang lainne lalu batabe' nampa ka Jubata Yesus. ²² Nang bini tunduklah ka akinyu, aya diri' ka Jubata. ²³ Sabab akinyu adalah kapala dari bini, aya Karistus uga' adahlah kapala ka jamaat, lalu Karistus sandiri' adalah panyalamat dari tubuh. ²⁴ Tapi aya jamaat tunduk ka Karistus, yakoa uga' bini arus tunduk ka lakie daapm sagala ahepun. ²⁵ Para nang laki nang udah ba kaluarga, kasihi'lah bininyu, aya Karistus nang udah ngasihi' jamaat nang udah mareatn diri'E untuk jamaat. ²⁶ Karistus udah mareatn diri'E untuk jamaat biar Ia nyajiatn jamaat Kudus, aka' nyasah jamaat ba ai' ba firman uga'. ²⁷ Biar ayanyian Ia nampatatn jamaat nang mulia, tanpa cacat atau karepot atau hal - hal lain samacam koa, tapi nyajiatn diri' suci tanpa kasalahan. ²⁸ Ba cara nang sabaya, laki sahahruse nyayakngi' binie aya ia nyayakngi' diri'e. Ia nang nyayankngi' binie, sabaya aya ia nyayakngi' diri'e sandiri'. ²⁹ Sabab ina' ada urakng seko'pun nang banci ka diri'e sandiri', malahan ia sayakngi' ba ia rawat, sama aya Karistus uga' nyayakngi' jamaat. ³⁰ sabab diri' adalalah anggota tubuhE. ³¹ Maka koa nang laki pasti ningaatn apa' ba uwe'e lalu basatu ba binie, sabab dua pasti jaji sete' dagen. ³² Nyianlah kabanaran sidi aya' nang batapor-- tapi aku bakata masalah Karistus ba jamaate. ³³ Walaupun, kao arus nyayangi' bininyu aya kao nyayangi' dirinyu, lalu bini arus manghormati' akie.