¹ Mona ambela, ''Yathikuma na miambela ngao, openu yonakana kale kumona omubuso wa mulimu uwiya na machi.'' ² Mumanyima no mayuwa mutanu na meli; Jesu ko shimba Pitolosi, Jemusi na Johani kutha ku lilundu lile, muwatu woo.Keo Jesu oku pilula osibupeo kwa Joani na Pitolosi. ³ Oikumango yae ko ipiluka yakuesa,naku kena onene, keeketha kupita mane omu iswanela kukenisitwa muli tunga. ^{4 6} Ku kumbuluka Eliya na Mushe ko awiya ku monahala oko,Kuno ambaula na Jesu. ⁵ Pitolosi ko oalaba Jesu ngao, ''Muluti, kulisiwana otwe kuikala kuno,tu tende minganda thiatu, Owoye, wa Mushe,nou wa Eliya. ⁷ Libui ko liwiya ku a feka. Ko ,akuwana ofochi,KondiJlii lipanena mu libui, ''Oyu yo Mwanange Uyu Niwapela Onene Mumuyube. ⁸ Munako thinyinyo ambu, alutiwa kutopela oku noku, akuwana ofochi kondi Jesu yo fochi. ⁹ Muthila zo kutunda ku lilundu,Jesu ko wa laela ngao,koku nekala shuwa muno omweya uyu kamba ei anamono kuno omwana Mulimu one nguka kwa ofu. ¹⁰ Ko thikala kunutu tho mukachi koo; ko akwa ambaulisa mukachi ngao, ''Kuinguka kwa afu,'' Kanti yatalusa ike. ¹¹ Ko Amwipula ngao,Kanti ike muluti apa amba ngao Eliya yonyiko swanela ku wiya poso? ¹² Ko oambela ngao, ''Eliya mwa ku tangetha ku wiya ku wapisa oinu Yoshe. Kanti ike kuna ñoliwa ngao omwana mulimu aswanela kunyandisiwa ingi na kunyefuliwa? ¹³ Kono namiambela ngao ona wiyi mi , mi ana mutende yoshe ei na singa ku mutenda yoshe,umu noku ñolelwa oyaye.'' ¹⁴ Apa na wiya kwa lutiwa ae,ko amona anu angi ana thinguluka,mane a ñoli kuno akukanisa no. ¹⁵ Kukumbuluka a mona Jesu,Oungi no anu mona komoka naku muikela kuka mu lumelisa. ¹⁶ Ko oipula a lutiwa ae, ''mwa ku kananisa ike na añoli?'' ¹⁷ Omweya musicaba ko omwa alabangao,''Muluti,moni na lete mwanange okoe. Okwite,Mepo thinyangunyu ezi thimukwangisa kuamba. ¹⁸ Tha mukwangitha na ku mungwesethanga pashi, nalufuthi ku milomo, kukwecha ona yeo, naku kukutela olutu.Nina lombo alutiwa oye ngao, a hendise omepo thokuipa ko ana kwanga.'' ¹⁹ Ko oalaba ngao, ''Umwe olusika lo mbula kuitana monikala nenu nako tha kukuma kupi? monishimba nako thakukuma kupi kuno nimimonisa? mumu lete okwange.'' ²⁰ Ko amuletela oyo ndumbana. Omepo thinyangunyu apa nothimona Jesu,keo wangu wangu thi yumbela pashi nakutateka kutonga. O ndumbana keo ongwela pashi nalufuthi kumilomo. ²¹ Jesu keo oepula akwae ngao, ''kunapiti nako tha kukuma kupi yoli ngeya?'' Aka iwae keo amba ngao, ''Kutundundisa kuwanikana wae. ²² Mane pamweya ya muyombelanga mumulilo, pa mweya mumeyu mane kusinga kumuipaha. Ndi kokuli esi twesa kutenda otuyubele ñeke,otutuse.'' ²³ Jesu keo mwambela ngao, ''Ndi wa twesa'' kuyoitana oanu yoshe ya twesahala.'' ²⁴ Apo bene akaiwae ko alila na kuamba ngao,''Naitana! onituse mukukana kuitana kwange!'' ²⁵ Jesu apo namona osichaba siwiya okho, keo olaela omepo thinyangunyu ngao, ''omwe omepo thinyangunyu na milaela mutunde koyu Ndumbana, kame komu naukela okwae.'' ²⁶ Omepo thinyangunyu keo thililisa onene ondumbana naku mutongisa onene naku mutunda. Kutunda apo ondumbana ko omonalala mwendi situpu,mane angi ko amba ngao, ''onafu.'' ²⁷ Kono jesu keo omushimba,kumukwateela kulikaha naku muimanisa,ondumbana keo oimana. ²⁸ Jesu apa naingena munthuo, Alutiwa ae keo amuipula ku mukunda ngao, ''Kanti ike otwe apa tuna kwanga kutundisa thia mepo thinyangunyu?'' ²⁹ Jesu keo wombela ngao,'' Owu mushobo nje kutwesa kutundisiwa kondi litapelo. ³⁰ Keo atunda apo naakupita mu Ngalileya. Jesu noshemw ku wapela ngao anu alimuke uku nekala. ³¹ Kakuli apa naluta alutiwa ae mona ambela ngao, ''Omwa muno mbo piwa mu makaha anu, mi mbamuipaha.Apa amana kumwipaha,mokupita mayuwa maatu keo mwainguka kame.'' ³² Kono alutiwa ae na shemwa kuyubisisa otaluso,kame monekala na lyowa kumuipula. ³³ Keo awiya mu Kapenauma. Apa nengena muthuwo ko woipula ngao, '' Momuna ambaula ike munthila?'' ³⁴ Kono oshe mona mwena kulu, kakuli munthila mona kukananitha ngao omukulu onene ani. ³⁵ Jesu keo otongomana, ko oisana Likumi naili na kuambela ngao, Ndi openu kwali uyu saela kuikala mutangi, aswanela kuikala noma feleletho na kuikala mupika wa anu oshe.'' ³⁶ Keo oshimba mwanikana munyonyo nakumupaka mukaci koo. keo omupaka amakaha ae, ³⁷ Oyu amuhela mwanikana munyonyo etini uyu mulithina lwange onani amuele ome. ³⁸ Johani keo omwambela ngao, ''Muluti,mono tumona munu yo tundisa amandimona mulithina lyoe keo tumukanisa, kakuli ka tuñolela kao,'' ³⁹ Kono Jesu keo wambela ngao, ''komuna mukanisa, kakuli njeko munu mbotenda musebethi ukulu mulithina lyange mane mafeleletho akambe inu yokuipa mulithina lyange. ⁴⁰ Munu yoshe oyu kana kwamba yokuipa okwetu munu wetu. ⁴¹ Munu yoshe okupa komoki tha meyu tha kunwa mulithina lyange kakuli wa ngwela kwa Kelesite, Yasikakuma na miambela ngao, mbo shemwa kusinyehelwa o fuyawethi thae. ⁴² Omunu yoshe mboletela aa anu anyonyo a netana okwange kutanuka,kuwapa mane ngao oyo munu amangeliwe mawe makula muthingo naka muyumbela mu liwate. ⁴³ Olikaha lyoye apa likungwisetha mu sibi, Oli mbatule. Kukuli kuwapa apoingena mupilo na likaha limweya kupita kuingena na makaha meli na kukengena muliyangalilo. ⁴⁴ Omo osibuku so njetha kufa,na mulilo nje ku uma. ⁴⁵ Kame oliulu lyoye ndi lyaku ngwisetha musibi,Oli mbatule. kuwapa kukengena mupilo osilema kipita na maulu meli nakutha mulihele. ⁴⁶ Omo sibuku njekufa na mulilo nje kuthina. ⁴⁷ Oliyo lyoye apa likungwisesa musibi,olitongolemo. Kuli siwana kukengela mumubuso wa mulimu na liyo limweya kupita ku ikala na meo meli na kuku kengena muliyele, ⁴⁸ Omo osibuku nje kufa, na mulilo njena kuthima. ⁴⁹ Kakuli omukele mboulungiwa muzu na muzu na mulilo. ⁵⁰ Mukele u wa kono haiba mele una shamuka,momulungamo ike kame? muikalenna mukele, mane muikale mukotho munu na munu.