¹ Omo mumaiwa,mo no kwi kala anu angi,na emwa ku kwata ya kulya.Jesu keo isana a lutiwa aye na ku ambela, ² Nayubela ñeke anu kakuli ana kwanisa maiwa maatu ai ni koñela kono ka kwite ya kulya kao. ³ Ku mona ni usa anu ku minthi thoo nje kulya,mwa pwelela pa nthila. A mweya mwana pana kelu,'' ⁴ A lutiwa aye keo amu alaba '' Mo tu wana kupi eilya muno mu luhalaupa no ku kwana anu no kukuma apa? ⁵ Keo oepula, ''Ingachi yo mukwite?'' Keo ambela, ''mutanu na iili.'' ⁶ Keo ambela anu ngao toomane pashi. Keo na himba ingwa mutanu na iili na ku ku tumela keo, ocholaula eingwa Keo opa alutiwa aye na ku tapela anu. ⁷ Na kwata tu thiana,Keo no kutumela,ombela a lutiwa aye ngao atapele anu. ⁸ Nalya na ku ikuta,aninanona ou ngululwa. na ku umbisa yondo mutanu na iili ikulu. ⁹ Mono ku ikala anu na singa kukuma 4000 keo wa utha ku minthi thoo. ¹⁰ Apo bene keo o ingena muwato na lutiwa aye,na kutha mu silalo sa Dalamuna. ¹¹ A mafalisi na wiya keo a tateka ku kanana naye. Mwana wa mbela ngao a monise sisupo sa ku pana ku wilu,ku mu ezeka. ¹² Jesu keo otula moyo wae naku amba, ''Libaka mwike luno lusika apa lu saela a sisupo? ya sikuma na mi ambela ngao,njeko,e sisupo mbo sipiwa kwa lusikan,'' ¹³ Jesu keo wa thia, oingena muwato kame na ku hupukela mushambwaliya. ¹⁴ Alutiwa aye na bulama ku ku shimba ya kulya.Mwana kwata sinkwa si mweya mu wato. ¹⁵ Jesu keo wa ambela ngao, ''Mu mamele o umela wa mafalisi na Heroda.'' ¹⁶ Alutiwa na kwi paula, ''Kakuli ke tu kwite sinkwa kao,'' ¹⁷ Jesu no limuka,ei no ikalo mumi chima thoo,''Inu mwike ei mu bilaela oku kana ku kwata sinkwa? Komu mona kao? Ko mu yuba kao? Emi chima thenu thina fokola? ¹⁸ Mu kwite meo, kono ko mu mona kao? Mukwite matwi,kono komu yuba kao? ko mu anuka kao? ¹⁹ Apa no ni cholaula inkwa mutanu kupa anu 5000, yonda ingachi ei no iumba ya ungululwa? Amu ambela, ''likumi na iili.'' ²⁰ Apa no ni cholaula mutanu na iili kwa nu 4000,mono ku umba yondo ingachi ya ungululwa? Keo anuambela ngao, ''Mutanu na iili.'' ²¹ Keo wambela ''Njeku yubiswa?'' ²² Keo a wiya ku Besasaida.Anu keo amu letela mulume wa kufa meo na ku mulomba ngao amu pake makaa. ²³ Jesu keo okwata esi bofu ku likaha na kumutwala kumbali no munzi.Apa na mana mu sipwela mate pameo aye naku mukwata na makaa aye,Keo amu ipula, ''Ko ili a muna?'' ²⁴ Keo otopela muwilu na kwamba, ''N mona anu a monahala kuku feka na itondo ya kweenda.'' ²⁵ Keo o mukeela kame kumupaka makaa pa meo aye a mulume keo otonisa omeo aye,keo omona anu yoshe siwana wana. ²⁶ Jesu keo omu usela ku mwanda waye na ku mu ambela ngao , ''Kana pita mu tolopa.'' ²⁷ Jesu na lutiwa aye keo otha ku munthi wa Kaesarea wa Filipi. mu nthila no ipula a lutiw aaye, ''Anu amba ngao ome no ani?'' ²⁸ Keo a mu alaba na ku amba ngao,Joani mukolobezi,Amweya ngao omweya wa mapolofita. ²⁹ Keo oepula, ''Omwe mwamba ngao ome no ani?'' Pitolosi keo omu alaba ngao, ''Owe o kelesite.'' ³⁰ Jesu keo ombela ngao kamu na tonwela anu. ³¹ Keo Otateka kwa luta ngao mwana munu mwa nyandisa muinu ingi na ku kaniwa kwa kulu na mukulu no purisita. na ñoli,mbo ipaiwa,kono mwe nguka ko ku na piti maiwa maatu. ³² O ulumiwa no wa mbaila siwana na ku yubahala. Keo Pitolosi omu himba na ku mu kalimela. ³³ Kono Jesu keo a kutemuna ma ku topeela a lutiwa aye na ku kalimela Pitolosi na ku amba ngao, ''O pitele ku mwongo,Satani! Ko tokomela ya Mulimu,kao kono wa tokomela anu na anu.'' ³⁴ Keo O waneka anu na lutiwa pa mweya aye na ku ambela, ''Endi munu a thaela kuni koñela a ku tobohe, a himbe a sifapano thae, na ku ni koñeela.'' ³⁵ Oyu thaela ku yoyithia moyo waye mba yawa, Kono uyu yawa o moyo wae bakeñisa evangeli mwa u bukeletha. ³⁶ Moku tutha inu mwike ngao munu a wane lino litunga lyoshe naku yawa omoyo waye? ³⁷ Munu mwa chinjanisa na ike o moyo waye? ³⁸ Oyu yoshe uni yubela lishamwa na lii lya nge muno mu litunga no sibi na uhule,mwana munu maye mbo muyubela lishamwa apa mba wiyu na ukena na mañeloi aye no ku kena.''