¹ A Mapharise nama Scribe a ma pana ku Jerusalema mo namu thinguluka. ² A mona ngao amweya a muluti aye alye e thingwa tho n makaa no mathilo, ano mbula ku kushiwa.'' ³ Ama Pharis nama Juda ngena kulya kendi kutanga ku ku kusha ku makaa, kakuli ao a koñela e milao tho akulu o. ⁴ A ma Pharis apana ku muthika, njena ku tateka kulya kendi ku ku kusha weli,ma ku koñela einu ingi eya na ka luta, wendi ku kusha ma komoki, amaputo no tutuwo, na ipula yoshe. ⁵ Ama Pharisis na ma scribes mone pula Jesu ngao,''Ike ama luti oye apa kana ku koñela emilao no akulu a lyambu e thingwa tho njena kuku kusha ku makaa?'' ⁶ Keo oamblela ngao, '' Isaya no polofita thiwana oku kana ku sepaala kwenu. Shina omu kuna ñoleliwa ambu lyapa milomo, kono emi cima tho thekala kule nange. ⁷ Ami monitha ma tapelo aku kuonga. aluta milao tha anu! tho nyitho a mamela. ⁸ Mu na teneke e milao tha mulimu naku pindamena milao tho anu. '' ⁹ kame keo oambela ngao,'' Mwa kana ngepi milao tha Mulimu naku mamela e milao thenu!. ¹⁰ Mushe mona amba ngao; Mu kuteke ayiwenu na nyina wenu; kame; wa kwamba inyangunyu kwa yaye kapa nyina aswanela kufa.'' ¹¹ Kono mwa amba, '' ku mona munu ana amba kwa yaye kapa nyina,'' ngao yo she ei muna swanele ku tisiwa ku tunda o kwange ya swanela ku tha kwa Corban''( Kupa kwa Mulimu). ¹² Apo keo mwa kanisa oyo munu ku tendela yaye kapa nyina eii yoshe. ¹³ Muna cinjanisa a amai a Mulimu na mai enu no sitho amuna tithethe. Na inu ikwayo no kufeka ei mutenda.'' ¹⁴ Keo aithana kame anu angi angi na ku ambela ngao, '' Mutethethe ku ino niamba, moshe, kame muiyubisise. ¹⁵ Njeko tha kutunda panthe tha munu kumu sinya apa thingena mulutu lwae,'' Eiya pana mulutu lwaye yo nyiyo ya thinya munu.'' ¹⁶ Yoshe oyu kwite a matwi no kuyuba,ayube. ¹⁷ Keo Jesu o thiya anu angi angi na kwingena mu nthuwo, alutiwa aye amusipula e taluso tho nguli. ¹⁸ Keo Jesu oamba,'' Namwe kame mushili muka kana ku yubela? Komu mona ngao yoshe eyi ngena mumwili wa munu ku tunda panthe njena kumu thinya, ¹⁹ Kakuli ishemwa kwingena mu mu libumo lyae naku pitela ku mupowa?'' Pa mai a keo Jesu o amba ngao ilya yoshe ikenu. ²⁰ Keo amba, ngao ,'' Ei ya pana mukaci ko munu yonyiyo ya muthinya. ²¹ Kakuli eya pana kukaci ko munu kutunda ku mucima ko nyiyo Kakuli panena e minaano thi nyangunyu, wendi uule, umbui,kwipaa, ²² linyawe,muna,ufokoli, kuonga, kulyangana, muna kuku kaca. ²³ Woshe unyangunyu o wa pana mu kaci,wo nyiyo wa thinya anu.'' ²⁴ Ku tundapo keo tha ku muikulo tha Tyre na Sidon. Okokengena mu nthuwo,kame mona thaela ku ku oleka ngao anu kana limuka okwali, kono no kwanga ku ku oleka. ²⁵ Apo vene wangu wangu no kwikala mukathi no kwata mwanaye no mukathana no kola matuku no mepo e thinyangunyu apa na muyuba keo o wiya ku mu ngwela ku maulu aye. ²⁶ Noyu mukathi neli mu Gerike, mu Syrophoenician mu thizo. Keo omu lomba ngao amu tunditheze e mepo thi nyangunyu kutunda ku mwanae. ²⁷ Keo mwambela ngao, ''Muteneke anikana alye weli. kakuli njena kuwapa ku shimba ilya no anikana ku yumbela ambwa. ²⁸ Keo mukathi omwa laba ngao, ''Ee Mulena shuwango ambwa awaniwa pashi no tafule mwa lyanga ku ilya iya ngisa ngisa anikana.'' ²⁹ Keo mwa mbela ngao, ''Bakeñisa eyo naamba olukuluwe o ku thele. E mepo thi nyangunyu thina tundu ku mwanoye mukathana. ³⁰ Keo ouka ku uthuwo thae na moya ou nyangunyu una mutundu. ³¹ Keo kame otunda ku thibaka tha Tyre, na kupitela Sidon ku tha ku liwate lya Galilee ka kuma na muthibaka tha Decapolis. ³² Oko na mutatela o munu no ku thika matwi kame shiamba,keo amu nyepa ngao a pake amaka ae pe ulu thae. ³³ Keo oshimba oyu munu ku mu tundisa ku anu angi na ku mutwala ku mukunda ana ku kengenisa a minwe thae mu matwi kame keo omu thipwela mate na kumukwata e lilimi lyae. ³⁴ Keo topela kuwilu,okengela, na ku amba kwae, ''Ephphatha.'' ei talusa ngao, ''Okwaluluwe, '' ³⁵ Munako bene tho keo a matwi ae a kwaluluka, nei noi kwata elilimi lyaye ina tundu,keo kwabwawela thiwana. ³⁶ Jesu keo oaindeka ngao kana tonola eyina tendaal. Kono omuna kanithetha okuitonola,monyimo kame na kuwela enene. ³⁷ Kakuli mona ku komokela,kweyi natenda, na kwamba ngao, ''Ona tende thiwana. Ona thwethe kupanga wanambula kuyuba, ma no mbula kwa amba.''