¹ Jesu osiya eso sibaka nakutha ku silalo sa Judea na kumukulo ouli muhambwaliya no liambai lya Jordan,keo esicaba siwiya okwae kame.Keo oaluta kame,kutha omuna twaelela kutendelanga. ² Aa Pharisee keo akeya okwae kuwiya kumuetheka na kumuipula, ''Kana mumulao waitanisa mulume kulukula mbiama waye?'' ³ Keo oalaba, ''Mushe mwana milaela ngepi?'' . ⁴ Keo amba, ''Mushe mwana etanisa omulume kuñola liñolo lya tukuluho nakuteneka ombiamawaye otha.'' ⁵ ''Mwana namiñolela owu mulao bakeñisa omuñañatoho wenu,'' mwa naalabela ⁶ ''Kono kutatekela enako nopupo, 'Mulimu mwa naumba mulume na mukathi.' ⁷ 'Sonyiyo thileta ngeyo ngao mulume momba siya iwaye na nyinawaye naku tamahana na mbiama waye, ⁸ Keo muwili wo momba piluka lutu lumweya.'' Komba piluka kame aili kao,kono lutu lumweya. ⁹ Cwale,esi ana luaneka mulimu,munu ka nalika kusitapa.'' ¹⁰ Apa nekala muntio,aalutiwa aye kame namuipula esi sambo. ¹¹ No alaba ngeya, Yoshe oyulukulula mbiama waye naku lama mukathi wawo keo ona buku naye. ¹² Kumona omukathi okana mukwamunthi waye naku lamiwa kumulume wawo, a buka.'' ¹³ Keo a leta okwaye anoo anyonyo okwaye ngao nga akwate,kono alutiwa na akanitha. ¹⁴ Kono Jesu apa na lemuha,no shimwa kuwapela keo oambela ngao, ''Muteneke aikana atomo akeye okwange, komu na kanitha,kakuli omubuso wa Mulimu waa nokufeka aikana. ¹⁵ Yathikuma namiambela ngao, oyu kana ku amuhela omubuso wa Mulimu weti eni aikana atomo kufa ngeyo okuingena mu mubuso.'' ¹⁶ Keo oshimba aikana kw akwateela mumakaha aye na kuafuyawetha kuno yo apaka amakaha. ¹⁷ Jesu na tateka omwendo waye,mulume omweya mwa namuitukelakeo otongwama poso thae na kuipula, ''Owe omuluti omuwa,inu mwike eyi ni swanela kutenda ngao nika yole omoyo nokuafa?'' ¹⁸ Jesu keo oamba ngao, ''Ike aponithana ngao no muwa? Njeko muwa konji Mulimu yo foci. ¹⁹ Wa limuka emilao; Kone paa,Kona buka ,Konaeza,Konapa upaki wa wuhata, Kona onga okuteke iwoye na nyinawoye.'' ²⁰ Oyo mulume keo oalaba , ''Muluti, yoshei naimamela kutunda ku waikana wange.'' ²¹ Jesu apa namutopeela keo no muwapela.Keo omuambela ngao, ''Waswanela kutenda thinu thimwea.Oka ulithe oufumu woye woshe nakukatapela ahutwi,keo mowana sifumu muwilu. Kutundapo owiye oni koñeele.'' ²² Bakeñisa oumuambelono monahala kuipela keo otha yona filikana,kakuli mwa nakwata ufumu ungi shemwa. ²³ Jesu keo osiulukela a lutiwa aye na kuambela ngao, ''Kukalu ngepi kuwa nokufuma ngao aingene mu mubuso wa Mulimu!'' ²⁴ A alutiwa aye mwa nakukomokela kwaa mayi naamba.Jesu keo wa mbela kame ngao, ''Aikana,kukalu ngepi kuingena mu mubuso wa Mulimu! ²⁵ Kuoto yonene ngao Kamele thiingeni mulithio no nguya kupita kwamba ngao munu wa kufuma aingene mu mubuso wa mulimu.'' ²⁶ Oshe mwana kukomokela nakuku ambaulisa ngao, ''Kanti oyu mbo yoyisiwa eni ani?'' ²⁷ Jesu keo wa topeela naku ambela ngao, ''Kwaanu nje kukonahala kono kwa Mulimu kwa konahala. Kakuli einu yoshe ya konahala ku Mulimu.'' ²⁸ Pitolosi keo otateka kuamba naye, ''Omone ,otwe tuna siyi einu yoshe nakuku koñeela.'' ²⁹ Jesu keo oalaba , kamaniti namiambela,njeko oya nasiyi nsiwo kapa mukulwaye kapa minaye wa mulume kapa mukulwaye kapa minaye wa mulume kapa wa mukathi kapa nyinawaye kapa ihwae kapa aanaye bakeñisa ome na ebangeli. ³⁰ Njeko shiwango omweya oyu mbokana ku amuhela muanda muno mulitunga kusinu simweya kweyi anasiyi eyi no kufeka ndi; mayuwo ,a kulwaye na minaye na nyinawae na ana mubu,na manyando,kona kuli mulitunga liwiya,omoyo no kuhapwa. ³¹ Kono owungi mwaliposo momba piluka akunyima ano kunyima poso.'' ³² Mwanekala munthila nokutha ku Jerualema cwale Jesu mwa nakutangetha okoo. Alutiwa mwana kukomokela,,kame anakeya mumanyima mwa neyapa.Keo Jesu oshimba a likumi na ili na ku atolokela eyi tamba kamu wiyela. ³³ ''Mumone, twatha ku Jerusalema,omwana munu mwa piwa ku ma prista akulu na añoli. Mwa muatulela lifu na ku mupa lii lya Mulimu. ³⁴ Mwa munyanditha kumu sipwanena,kumushapa, nakumwipaa.Kono muma nyima no mayiwa mahatu momba yoya.'' ³⁵ Jokobo na Joani,ana Zebedea, keo awiya okwaye nakuipula ngao, ''Muluti, twasaa ngao otutendele eyi pelo tukulomba.'' ³⁶ Keo oaipula,''Mwa saa ngao nimitendele ike?'' ³⁷ Keo a alaba, ''otwi tanithe kutomana noye mukanya thoe,omweya kusimuwo soe omweya ku silyo soe.'' ³⁸ Kono Jesu keo oalaba, ''Komulimuka eyi mulomba kao.Momu twesa kunwena mu komoki ethi nitamba kunwena kamba kunyanda mu kolobetho ethi nitamba kukolobethiwa?'' ³⁹ Keo amualaba, ''Twa twetha,'' Jesu keo oambela, ''Ekomoki nitamba kunwena,momu thinwena e kolobetho ethi nitamba kukolobethiwa,mpmu thikolobethiwa. ⁴⁰ Kono oyu no kutomana kusilyo sange kamba simohwe sange kamaata ange kao,kono kwa analukisiwele ngeyo.'' ⁴¹ Elikumi no alutiwa apana yuba ngeyo, keo na lwaena Jakobo na Joani enene ⁴² Jesu keo waisana nakuambela ngao, ''Mwa limuka aisaniwa ngao aeteleli no malichaba a lyateela nga akoo,akulu kwa pita amonisanga maata manene peutu tho. ⁴³ Kono koinatendahala ngeyo okwenu. Oyu saela ngao apiluke mukulu mukaci kenu akipule mupika wenu, ⁴⁴ Kame oyu saela kuikala kuposo mukaci kenu a piluke mutanga wenu moshe. ⁴⁵ Kakuli omwana munu kawiyile kuku musebeletha kao, kono kwa sebeletha, na kuwiya kufela anu.'' ⁴⁶ Keo awiya ku Jeriko. Apa nasiyo Jeriko na lutiwa aye na sicaba soshe,omwana Timaeus,Bartumaeus,esibofu no silombanga,mono si tomana ku thila. ⁴⁷ Apa nayuba ngea ngao Jesu noku Nazareta,keo okalisa ku kuwa ngao, ''Jesu omwana Davida,oni fele ñeke!'' ⁴⁸ Owungi no anu keo akanisa esibofu,naku siambela ngao thimwene.Kono keo okuwa kupita pa matangetha, ''Owe omwana Davida,onifele ñeke!'' ⁴⁹ Jesu keo oimana nakulaela ngao ai thanikwe.Keo aithana esibofu no mulume,ngao, ''Okwate undume! Oimane! Akuithana,'' ⁵⁰ Keo oyumba esiapalo sae,oimana naku wiya kwa Jesu. ⁵¹ Jesu keo omualaba na kuamba ngeya, ''Wa saela ngao nikutendele ike?'' Esibofu keo siamba ngao, ''Muluti,na saa kumona,'' ⁵² Jesu keo omuambela, ''Othe, Etumelo thoe thina kuyoyisa.'' Popo bene keo omona kame,naku mukoñela mu nthila.