¹ Keo apa na wiya ku Jerusalema, a lipepi ku lilundu za Besipange na Betisida na minzi za Olive, Jesu mwa natuma a lutiwa ae a hili. ² Naku ambela ngao, ''muthe mo u munzi ou uli kutho thetu. Mushiks inge na mo , mo muwana mwana Mbongolo ona shimwa kale kuthiniwa. Mumu mangune mumu nu letele. ³ Endi mo kuwaniwa waku mipula,'' Ike apa mutenda ngeyo? Mwambe ngao, '' Mulena amusaela apo bene mwa mwitanisa kuletiwa kuno.'' ⁴ Ke a tha na kuwana mwana Mbongolo anamumangele panze ku nyonga no nzila,keo amumanguna. ⁵ Nekuikala anu ne amana apo na ipila, ''Mwatenda ike, apo mu manguna oyo mwana mbongolo.? ⁶ Na ambela kuza omo na tononwele Jesu,keo aitanisa kuza. ⁷ Mwa na leta wo Mwana Mbongolo kwa Jesu na kupakapo oitayo,ke otomana pa mongo. ⁸ Anu angi na yala ikumango mu nzila,a mweya na yala minango no itondo na mbatula muilwa. ⁹ Anu na enda kuso na kunyima oshe mwana kuwanga ngao, ''Hosana! Fuyawezi zoyo owiya muli thina la molyetu. ¹⁰ Fuyawezi za kuwiya kwa mububso wa Iwetu Davida! Hosana mwi Wilu!'' ¹¹ Keo Jesu o ingena mu Jerusalema na kuza mukuleke na kutopela Inu yoshe. Neli singolangola,keo oza ku Betisida na anu ae no likumi na ili. ¹² Eliywa neli a tako,yo tunda Betisida,keo ofa Nzala. ¹³ Yo shili kule keo omona sitondo sa Feiga si kwite mashako,no zako ngao amone endi sinemi muselo,koño pa kumako,,ko kulwa kendi mashako, kauli neli ka mwaka kao na kwinva Feiga. ¹⁴ Keo osiambela, ''Kutunda lyapelo kokuna waniwa otamba kulya muselo kame o koye.'' Na lutiwa ae na kuyubela . ¹⁵ Keo aza ku Jerusalema naku ingena mukeleke naku ciza ako kuitha na Kuhula inu mu kachi ka keleke. No ngwitha oma tafule no mali ako kucinca na Ipula ya ko Kulitha Mayembe. ¹⁶ No shimwa kuitanitha munu opi no leta muhulo mukeleke wa kwamba ngao a hulithe. ¹⁷ No wa nanga ngao, ''Kuna shiwa ku ñoliwa, ''O nzhiwo Zhange mozyi thaniwa ngao Nzhiwo no makombelo a anu oshe? Koño omwe munazi pilula likuolekelo lya mbuyi.'' ¹⁸ Hakulu no Mapulisita na ñoli na kuyubela eyi namba,keo mwana saela nthila omu mwa tamba kumu ipayela. Kahuli mwana iyapa o sicaba ethi thina komoka o milutelo zaye. ¹⁹ Nako tha singolangola,keo o tunda mu tolopo. ²⁰ Apa nenguka oma sikusiku,na mona thiya sitondo no Feiga thina kukuta ku ka kuma kumithithi. ²¹ Pitrosi o anuka na kuka amba ngao, ''Muluti,otopele! Esitondo no Feiga kutu thina kukuta.'' ²² Jesu no atambula,''Mwikale na tumelo kwa Mulimu. ²³ Ya sikuma na mi ambela ngao,''O tute nakuyumbela omute mu liwate,''endi njena kuonona mu muchima wahe koño aitana iya anamba oye mute kutenda hala, etho bene tho nyiko atamba kutenda Mulimu. ²⁴ Keo na amba akwenu ngao, Yoshe ye mutamba kulapela na kunyepa, muitane ngao muna piwa, moitamba ku ikala yenu. ²⁵ Apa mu imana naku lapela,mutange weli ku utha muchima ku swalela oshe a nami foseze, ili ngao Iwenu uli ku wilu ngami swalele namwe unyangunyu wenu.'' ²⁶ Koño mona munakana ku swalela,naye Iwenu uli kuwilu oshimwa kumi swalela o nyangunyu wenu. ²⁷ Mwa na wiya ku Jerusalema kame.Apa Jesu na enda mu keleke, Mukulu no ama pulisita, na Ñoli na akulu no sicaba keo a wiya o kwaye. ²⁸ Keo a mba o kwaye, '' Kanti a maata otenda eyi inu wa panisa kupi,Kame oyu na kupu o maata no kutenda ngeo?'' ²⁹ Jesu keo wamba o kowo,'' Mo ni miipula puzo zi mweya. Mu ni tonwele,name moni mi ambela ao maata ni tendisa yoshe ehi inu. ³⁰ E kolobezo za Joani,neli za panena ku wilu endi kwa anu? Mu ni alabe.'' ³¹ Na kwa mba u lisa mukaci ko ngao, ''Apa kwamba ngao, ''atonda ku Wilu,' mwa amba ngao,' Ike apa no mukana kuitana? ³² Koño apa tutambula ngao,za tunda kwa anu,' Mwanaiyapa anu, Kakuli oshe mwana shimba Joani kupiluka Mupolofita. ³³ Keo amutambula ngao,'' Katu limuka kao.'' Keo Jesu wa amba no,''name ni shimwa kumi tonwela a maata ni tenda ehi inu.''