¹ Kame otateka oku tunditha kunyonga na liwate,keo limbuta liya mupaka mukachi.Oingena musisepe no thikala pa liwate,nokutomanamo. Elimbuta Lyoshe mone kala pa munanga no liwate. ² Keo oaluta inu ingi mu, manguli,kame mu kutundisa kwaye, yonyio naambela ei. ³ Mutethethe! Njimi mona tha ku kuna e mbuto thae, ⁴ Apa na kuna embuto thi mweya nothi ngwela mu likulu keo eiyunyi iwiya ku thilya. ⁵ Thi mweya mbuto no thingwela pa munvu wa mawe, apo nothi kana kuwana munvu ungi. wangu wangu keo thi mena,bakeñitha kuulwa munvu ungi. ⁶ Kono e liwa apa litutumuka,eiealo keo olaola,bakeñisa kuulwa mithi thi no ikukuta. ⁷ Thi mweya mbuto thi ngwela mu icalo no mingunguya. Eichalo no mingunguya no ikula naku ipa a mbuto,ni no thi shemwa ku shema. ⁸ Mbuto thimweya no thingwela mu munvu uwa na ku leta sicalo sa ku kula thiwana , na ku eketheha u ku shema makumi maatu,makumi mutaanu na likumi limweya ku ka kuma na mu mianda.'' ⁹ Keo o amba ,'' Oyu kwite matwi aku yuba,a yube!'' ¹⁰ Jesu yoli yo fochi, naya no ku mushenyena na ya likumi na ili a mwipula yo mguli ao. ¹¹ Oambela ngao, ''Okwenu mu ma piwa w kunutu tho mubuso wa mulimu. Kono kwaya ali panthe yoshe mu manguli, ¹² Kono patopeela,eni a topeela,kono nje kumona , kono apa atethetha,eni a yuba,kono nje ku yubisisa ngaa piluka nga mulimu mwa swalela. ¹³ Naambela ngao, ''Ko muyubisisa,thi nguli kau? Keo momu yubisisa ngepi a manguli oshe?'' ¹⁴ Njimi a kune lii. ¹⁵ Aa onyio ali munthila,o muna kuniwa e lii.Apa ayuba,Satani wangu wangu wiya kwa yangela e liii lina kuniwa oko. ¹⁶ Ethi tha mbuto thi na kuniwa mu munvu no mawe; ao wangu wangu a amuela,elii na ku wapela. ¹⁷ Kono ka kwite mithithi kau,kono mwa ku ongotha kanako an. Muku eketheha nako apa kunyandisiwa kapa o ukaluu wiya bakeñitha lii,wangu wangu angwa. ¹⁸ Kame okoo onyio ana kuniwa mu mungunguya. Ao onyio a yuba lii, ¹⁹ Kono a ma nongauthi no litunga na ku ongaongiwa ko ufumu na matakatho no inu yayo iwiya ku kwangisae lii, Keo lina kana ku yanduluka. ²⁰ Aya na kuniwa pa munvu o uwa,onyio a yuba elii, kuliamuhela naku paka imizizi, makumi maatu,makumi mutaanu na likumi limweya, kapa ku piteela muanda. ²¹ Jesu wa mbela, ''Kana mwa lte lambi munthuwo na ku thi paka mushi no tubana kapa mushi no mumbeta? Wa thi leta na ku olekiwa ethi mbothi kana ku limukiwa, ²² njeko kuñutu imbo thi kana ku wiya mu patelo. ²³ Endi kwali a kwite a matwi no ku yuba, a yuba!'' ²⁴ Oambele ngao, ''Mutwale o munahana kweyi muyuba,kakuli ethipimo oku tuthithe tho nyio mbo pimi thiwa nawe, mi mo kambekelwa ingi. ²⁵ Kakuli yoshe o kwite yo mbo piwa eingi,kono oyu no mbula ethi kwite,nesi akwite imwa yangeliwa.'' ²⁶ Kame keo oa mba ngao, ''O mubuso wa Mulimu wa kufeka endi munu no kuna embuto thae mu mmunvu. ²⁷ A lala o uthiku na ku inguka o mushinonga niii embuto tha mena na ku kula kwa mbula kulimuka oye. ²⁸ O mumnu owo wa buluka e nona;A matatekelo elishako, keo a mwana keo e nona tha waniwa mu mwana apakula. ²⁹ Iya ilya yo yi ne mvu wangu wangu aipanitha mo chekesi kakuli e kutulo thi na kumu.'' ³⁰ Kame o amba ngao, ''O mubuso wa mulimu motu uyelela na thike,kapa nguli mwike tho ku utolokitha? ³¹ Wa kuniwa ku feka na nona tha Masitete, etho,apa thi yenda upao etho tho thi nyonyo kupitela pei yoshe ya kuniwa pano pashi. ³² Kono apa thi kula,tha piteela ei kunawiwa yoshe muthilwa, na ku mena mitai thi kulu,ngao e uyinyi yoshe yo muwilu ya umbela a mashwa ayo mu lifuke lipa tho.'' ³³ Mu manguli mangi shina a no ambaula lii okoo, kutha mu ku yubithitha koo, ³⁴ Kame no shemwa kuambaula noo kwa mbula nguli. Kono apa na ikalanga yo foti chi no tolokanga a lutiwa ae yoshee. ³⁵ Muliwa lyo,mu nako tho singolangola, wambela ngao,''Tu upukele mushambwaliya. ³⁶ Keo a thiya limbuta kushimba Jesu ku tha naye yolibene nfoyo,mu sisepe. Na ikwayo isepe naye. ³⁷ Apo bene keo kuwiya mepo thi,kulu keo a mañasha aingena mu sisepe pa kanyonyo anibuupao e sisepe thi umbe tha meyu. ³⁸ Kono Jesu aye ona lala mulitusi lyo poso na ku thana pa muthamo. A mu thuthumuna, ngao toshe tweyunda?'' ³⁹ Oinguka kuindeka ñuli,naku ambela eliwate,'' Kotho! Keo e ñuli thimwena,keo kuwiya kuombwela ku kulu. ⁴⁰ Kame keo wa mbela ngao, '' Ike apamwi yapa? Na ngeno mu shiulwa tumelo?'' ⁴¹ mona umba na umowa ukulu na kuku ambela mu kachi koo,'' Kanoli oyu ani, ngao na ñuli na liwate ya mu yuba?''