¹ Keo awiya kuneku thimweya no liwate musikulo sa Gerasenes, ² Apo Jesu na tunda mu wato. apobene ku tunda mumambumbo mulume wa mepo thinyangunyu. ³ Oyu mulume mwana yoya mumambumbo. Njeko oyu no twetha ku mutomeka kame,njeko hiwango na mawenge. ⁴ Na mangiwa tungi tungi na makulo na mawenge. Mi noambataula amawenge naku shandaula amakulo. Njeko oyu no kwata maata no kumu kwata. ⁵ Ousiku na mushinonga mumambumbo na mu malundu, mwana kuwelanga naku ku yataula namawe a kutwa. ⁶ Apo na mona Jesu yoli kule. Keo omwi tukela na ku fungwama o kwaye. ⁷ Mwana lila na lii lya kutaluka na kwata inu mwike noye,Jesu mwana wa Mulume wa Mulimu Mwambakani, wa Kuwilu ? Na kulomba ka Mulimu oye shemwa. Kona ni nyanditha. ⁸ Kakuli mwana mwa muambela ngao, '' Otunde koyu mulume, owe mepo thinyangunyu. ⁹ Keo omwi pula ngao, ''E lithina lyoye ani? Keo omualaba ,'' a lithina lyange ita. Kakuli twangi.'' ¹⁰ Keo umu mulomba katata ngawo ka namu cithela kule na mukulo. ¹¹ Keo angulu angi angi mwana lyela pa lilundu. ¹² Keo amulomba ngao Otucithele mwa ngulu; otupanithe tuingene okoo. ¹³ Keo etanitha mepo thinyangunyu kutunda na kwingena mwa ngulu. kame keo aituka ku tunda ku lilundu ku shelukela mu liwate, kahinga kukuma pa lule aili na angulu a thamena mu liwate. ¹⁴ Keo aa nalisa angulu etuka kuka tonola einatendahala mumuleneñi na mu neku no litunga,keo anu atha kuka mona eino tendahala. ¹⁵ Keo awiya kwa Jesu na kumona o mulume no katathiwa ku mepo thinyangunyu,oyu noka tathiwa ku ita, ona tomana paya,ona kumanga mi oli muma yemo mawa;Keo aiyapa. ¹⁶ Ao na mona einatendahala ku mulume no katathiwa ku mepo thinyangunyu akatonwela oshe muungi, keo kame a tonwela yo a ngula. ¹⁷ Keo akalisa kumu lomba ngao a tunde musikulo thoo. ¹⁸ Apa na ukela mu wato,keo o mulume no katathiwa ku mepo thinyangunyu o mulomba kue kalanga naye. ¹⁹ Kono Jesu no himwa kumwi taana,kono Jesu amuambela , ngao ''Othe ku nthuwo thoye naku anu oye oka tonwele eiana kutendele Mulena,nomu ana kumonisethe a sishemo. ²⁰ Keo okuthela na kukalitha kukuwela mu Decapolis inu ikulu ana mutendele Jesu, keo oshe a komoka enene. ²¹ Cwale Jesu apa namanisa kuupukela mushambwalia,muwato,keo anu angi akuwana wana na kwuya kumuthinduluka,yoli ku nyonga no liwate. ²² Keo nduna omweya o Synagogue wa lithina lya Jairus owiya,keo apa na mumona,keo a ngwela kumaulu aye. ²³ Keo o mulomba katata ngawo, ''Omwanange no Mukathi oli pepi na lifu. makulomba, ²⁴ Owiye o pake kaha oye paye keo mwa yoya.'' keo otha naye keo a limbuta li mukoñela na ku kusinaneka okwae. ²⁵ Nopekala mukathi no kola utuku wakisika unyinga pa ilimo likumi na iili. ²⁶ No nyanda enene kwa nganga angi na kukutusi ei nakuwa yoshe,kono kupia ngao a yoye keo uutuku uwamena. ²⁷ Apa na yuba a liñutha lya Jesu,keo kukwata ku munundo wa siapalo saye. ²⁸ Kakuli mwana amba! ''kumana ni kwata kusiapalo moni yoya. ²⁹ Apa na mukwata keo ounyinga uteneka kusika,kewe kuyuba siwana mulutu ngao ona yoyo kumanyando aye. ³⁰ Popo bene Jesu oku yuba ngao a maata ana tundu okwae.Keo o piluka muungi no anu na kwamba, ''oyu na kwata esiapalo sange ani?'' ³¹ Keo a lutiwa aye amwambela, ''onamono elimbuta no anu linakusinaneke, wa mba ngao, aniyonani kwata? ³² Kono Jesu otopela ngao a mone oyu naitende. ³³ O mukathi,kulimuka eina tendahala o kwae,keo oiyapa naku njanja.keo owiya na ngela pepi naye naye nakumutonwela ouniti oshe. ³⁴ Keo omwambela ngao, ''Mwanange wa mukathi, ''tumelo thoye thina kuyoyisa Othe okwendele siwana okayoye ku manyando oye.'' ³⁵ Mi yo shiamba,keo kwiya anu a kutunda ku mukulo no Synagogue ngawo, ''mwanoye wo mukathana onafu. Ike apo katatha o muluti kame? ³⁶ Kono apa Jesu na yuba aliñusa alino liambauliwa,keo o ambela omukulu wo Synagogue, ''ngawo ko iyapa oitane ambu. ³⁷ No himwa kutanisa munu na munu kutha naye kethi Pitolosi,Jakobo,na Jowani, o mu kulwa Jakobo. ³⁸ Keo a wiya ku nthuwo tho mukulu no Synagogue keo omona anu angi atende muyoyo enene imwana lila na ku tondoka enene. ³⁹ Apa nengena munthuwo,keo ambela, ''Ike apa muna muyongola ngeya nalile? Omwanikana kahifa kao a lala ambu,'' ⁴⁰ Kea amusheka. Kono oa panitha oshe pathi keo oshimba mwanikana na inawaye,nekala naye, keo ingena omu nakwikala omwanikana. ⁴¹ Keo o kwata elikaha lyo mwanikana na kumwambela, ''Talitha,Koum!,'' ya tolokiwa ngao,''Mwanikana munyoynyo wo mukathana na kuambela imana. ⁴² Apo bene o mwanikana keo imana na kweenda,kakuli neli wa ilimo likumi na iliyo kwelekiwa. apo bene keo aiyapa enene. ⁴³ Keo oakanisa enene ngao kokunaikala munu wa kulimuka iyi. keo oa mbela ngao mu mupe ya kulya.