¹ Kame Jesu noingena mu Synagogue, munokuikala mulume mukachi wa kukuta likaa. ² Anu angI mwana mutopeela komuna endi mwa mupalisa lyo Sabata keo amu mangeelepo. ³ Jesu oambela o mulume no kukuta likaa ngao. ''Oinguke oimane apa mukachi no anu.'' ⁴ Keo o ambela anu, ''Kwa swaneela kutenda uwa lyo sabata kamba ui; Ku yoesa kampa Kuipaa? Kono oshe na mwena. ⁵ Wa topeela na kulwana,mwana ipela bakeñisa o kutiya muchima thoo, Keo oambela mulume, ''Oondole oli kaa lyoe.'' Keo oli ondola, olikaa lyae liukela omono likaela. ⁶ A Falisi atha panthe wangu wangu nakuku ambaulitha nama Eloda omo a twethela kumuipaela. ⁷ Keo Jesu, na alutiwa aye, atha ku liwate, anu angi angi amukoñela kutunda ku Galilea ku Judea. ⁸ naku Jelusalema naku Idumea na muibaka kupiteela Jodani na musibaka sa Tile na Sidoni. Apana yubu einu atenda nga,anu angi angi awiya okwae. ⁹ Oambela a lutiwa ae amuwanene kathepe aka kawanina bakeñisa anu angi, kuiyapisa kumu katatha. ¹⁰ Bakenisa koyoisa angi, keo anu oshe ana kwata makaliketha mwana tundamena kuka kuma kwae nga aka mukwate. ¹¹ Poshe apana moniwanga thinyangunyu,tha ngwa pashi na kukuwa ngao, ''O Mwana Mulimu.'' ¹² Keo o thikalimela ngao kathina mutonoola . ¹³ Otha pa lilundu,Keo oisana anasaela oye,nawiya kwae. ¹⁴ Keo o keta likumi naili( ao nata olithina no a positola) nge ya ngao aikale nae nango mba atume kushaela oulumiwa, ¹⁵ na kukwata maata no kutunditha madimona. ¹⁶ Keo oketa likumi naili. Simon,oyo napakiwa e lithinalya Pitolosi; ¹⁷ Jakobo mwana Zebedia, na Joani mina Jakobo,oyu nopiwa lithina lya Boanenergesi,ngao ana mushikha; ¹⁸ na Andreasi,Filipi,Batilome,Mateu,Tomasi,Jakobo mwana Alufeya,Thandasi,Simoni no Zilote, ¹⁹ na Judas Isikaliota oyu no musheleka. ²⁰ Keo otha Kumuthi, eli mbuta keo likuwana kame, mane na kwanga na kulya ithima. ²¹ A mabasi se apa naiyuba,apaena panthe kukamishimba mwanamwa ngao, ''Kakwite ngana kao.'' ²² A ñoli natunda ku Jelusalema ambango, ''Akwata thelubabele'' kame ''Mumata no mukulu wo madimona a tundisa madimona.'' ²³ Jesu waisaena okwae na kuamba noo muma nguli, ''Mwatwesa ngepi Satani kutundisa Satani? ²⁴ Aibandi mubuso ukushandaula ofochi,oo mubuso uyemwa kutiya. ²⁵ Aibandi thio thi kulwitha thofoti, ethothio thi emwa kutiya. ²⁶ Aibandi satani aimana akulwisa yo fochi na kukushandaula,Oye shemwa kutwesa kutiya,kono ana kumu ku ma maneeno. ²⁷ Kono njeko munu oingena munthio nthamunu wa kutiya na kuintha oyaye kendi yo mumanga weli, yona tende ngeo pendi a muinthele oyaye. ²⁸ Niti shemwa na miambela,a ibi yoshe yoana noa nu iswalelwa,shuwa oma nyefulo oshe aamba, ²⁹ kono yoshe oyunefula na kulwitha mepo nthikenu mbo shemwa kuwana swalelo,okwite mulandu wa sibi thana mbula kupwa.'' ³⁰ Jesu mo naa mba naeyo bakeñisa ana amba ngao, ''mwana kwata mepo thi nyangunyu.'' ³¹ Keo aka inawae naminae no alume awiya naku mana panthe. Atumena,kuka muithana. ³² Elimbuta mono litoomana kuma thinguluka naku muambele ngao, ''Aka inaoe na minoe noa lume aikala pathe,Akuthaela. ³³ Keo oalaba, ''Aka nana na minange noa lume akani? ³⁴ Keo otopela kwaa natomana kumuthinguluka keo amba. ''Momuno aa onyio a kanana naa minange noa lume! ³⁵ Yoshe ouu tenda ethia thaela mulimu,oyo munu yonyiko minange no mulume,manthange,na nana.''