¹ A pa na kauka kukapenauma mumaiwa manyoonyo,mono kuyubaala ngao kumunthi kwali. ² Oungiungi monoukuwana ngao njeko maikaelo, shiwanga muthelo,Keo Jesu oamba lii okoo. ³ Keo kuwiya alume ana lete munu wa ku omboola lutu; alume ane onyio na mushimba. ⁴ A pana kwanga kukuma pepi naye mulibaka no anu angi, na mbwatula osiluli ethi no siikala peulu tha Jesu,keo apnaamana ku mbwatula, na shulumuna o musheme ou na lala o mukwo kuombola lutu. ⁵ Muku mona otumelo thoo,Jesu keo oambela mulume no kuombolo lutu, ''mwanaange no mulume, uyioye una swalelwe.'' ⁶ A ñoli amweya mwana aikala mo,keo akeengela mumicjima thoo, ⁷ Oya mulume aama ngepi ngeya? A popa! Ani otwetha kuswalela kendi Mulimu yo foti?'' ⁸ Wangu wangu Jesu keo alimuka mumepo thae eyi naa kengeyela mukachi koo. Keo oambela, ''Yike apa mukengela eyi mumichima thenu?'' ⁹ Ethioto sipi,kuambela omukwo kuombolo lutu ngao, ''Uyi oye una swalelwe; ndi, oimane,oshimbe omusheme oye othe'? ¹⁰ Mulimuke ngao mwana Mulimu okwite maata akuswalela paano pashi, ¹¹ ''Naku ambela,oyimane , oshimbe musheme oye,othe ku thuwo thoye.'' ¹² Keo oimana wangu wangu na kushimba omusheme waye, nakutunda muthuwo potho thaanu oshe,keo anu anakukomokela na kulumbangetha Mulimu, Keo aamba, ''Hamba tanga twa mona yakufeka eyi kao.'' ¹³ Keo otha ku ithiya,oungi ungi waanu na wiya kwaye,keo oa luta. ¹⁴ Apa napita,keo omona mwana Live wa mlume wa Alufea onatomana ku tende no a telithi kame oambela naye, ''Oni koñe oyimana nakumukoñeela. ¹⁵ Jesu apa lya muthuwo tha Livi naa telithi angi angi na ayi mwana lya naye na alutiwa aye, kakuli neli angi ana mukoñeela. ¹⁶ Keo a ñoli,awo a falisi,apana mona Jesu yo lya na ayi naatelisi,keo ambela a lutiwa, ''yike apa alya na ayi na atelisi?'' ¹⁷ Jesu apana naiyuba keo oambela ngao, ''Anu anakukete ka thaela nganga kao; kendi anokutoma onyiko amuthaela. Kono shikeyela kuithana anu no kukena kao,kono ayi.'' ¹⁸ Keo alutiwa a Joani na mafalisi mwana kuyumena ilya.Anu amwea nawiya na kumu ambela ngao, ''yike a lutiwa a Joani na mafalisi apa kuyumena ilya,kono aa ye oye nje kukuyumena ilya?'' ¹⁹ Jesu,oamba noo, ''kwa twethaala ngepi ali kuthilika na maluwo kuku yumena ulya oyu mukwo kulama yoshili mu kachi koo? Apa kuna piluka ambu ngao mukwo kulama ashili naye, njekuku yamena ilya. ²⁰ Koño maiwa mwa keya ayo mukwo kulama mwa tunditha mukachi koo,keo mumaiwa awo mwa kuyumena ilya. ²¹ Njeko oyu kuthwetha kutungela sikamba tha iina thipya pathito no kale. Kauli mothiamukapo naku thiya limbwatu likulu kulu. ²² Njeko oyu nokupaka wala no waine mupya muthitele no thipapa no kale. kauli owaine mou yatula othitele no thipapa keo muwii wayo a waiine na thitele moiyonga keo, o waine mupya apaakiwa mu thitele no sipapa thipya.'' ²³ Muliwa lya Sabata Jesu mwana thaa muthilwa no lukonga,keo alutiwa aye atateka kuchola lukonga. ²⁴ A mafalisi ambo kwae, '' Omone,yike apatenda thinu thinakana kuitanithiwa mumulao oliwa lya Sabata?'' ²⁵ Keo oambela, ''komwashibala eyi na tenda Davida apanoku thaeliwa ngeyo yonafu nzaala-oye nalume anaikala naye- ²⁶ omu naiingena munziwo tha Mulimu apo Abathar yoshili mupulisita, na kulya o sinkwa tha mwana mulena wa mukathi, etho noshi mwa kuitanithiwa mumulawo munu kuthulya kendi mupulisita, kame mwanapa na na ikala naye?'' ²⁷ Jesu oamba, ''O Sabata mono thitendeliwa munu, kamunu kutendeliwa sabata kao. ²⁸ Mulibaka lya ngeyo,omwana munu Mulena neli no Sabata.''