¹ A omatatekelo ño evangeli za Jesu Kreste,mwana mulimu. ² Omu kuna n'oleliwa mu buka za mupolofita Isaya, ''Omone, na tuma mutumwa poso thoye, oyu mbo kulukiseza e nthila.'' ³ E lii lyo mweya no kukuwela mu lihalaupa, Mulukise likululu lya mulena; Mu bakanye nthila zaye.'' ⁴ Joani keo owiya mu lihalaupa,nakukolobeza na ku luta anu kolobezo no ku baka ngao awane swalelo no ibi. ⁵ Anu oshe no mu litunga lya Judea na Jerusalema keo aza okwaye. Mwana a kolobeza mu lyambai lya Jordan mu kumana ku kuambeela mafosisa oo. ⁶ Joani mwana ku manga siapalo sa mboya za Kamele na mukanda wa mukata mundunda zaye,mwa nayoya kulya mbimba na uki. ⁷ Mwa na luta ngao,''Munyima zange, mokuwiya omweya oyu kwite maata; kunipita ngao shiwa e myala no makatulo a ye omenje kutwesa kuzi manguuna. ⁸ Ome na mi kolobeza na meyu kono oye mwa mi kolobeza na mepo thi kenu. ⁹ Mwezo nako ezo Jesu keo tunda mu Nazareta wa mu Galileya,naku kolobeziwa kwa Joani mu lyambai lya Jordan. ¹⁰ Mi nako Jesu na omboka mu meyu, keo omona eliwilu li shokoloka na Mepo thi shulumuka mu sipolo sa nkwilimba. ¹¹ Keo kuyubahala lii no li tundeela ku wilu, ''Yo mwanange na wapela. Sakata-Kata wange.'' ¹² Apo bene o Mepo keo thi mu hapeleza kumutwala mu lihalaupa. Mwanekala mu liyungu maiwa makumi mane,yo likiwa kwa Satani. ¹³ Mwa nekala naiyamana nomuliyungu,mi a mañeloi mwana mu sebeleza. ¹⁴ Joani apa na mana ku mangiwa,Jesu no wiya mu Galilea kukuweela mai a Mulimu. ¹⁵ Mwa na amba ngao.''Nako thi napu, mi omubuso wa mulimu pepi po uli. Mubake na kuitana alumiwa.'' ¹⁶ Apa na endisa e liwate lya Galilea, mwana mona Simoni na Andreasi omina Simon a laleka maothi mu liwate kakuli neli andui. ¹⁷ Jesu keo wa ambela nga,''Mu wiye muni koñeele,keo moni mitenda andui no kuyamba aanu.'' ¹⁸ Muwangu-wangu keo asiya o maothi oo nakumu koñeela. ¹⁹ Jesu apa na enda ambu kanyonyo kuza poso,keo omona Jakobo mwana Zebedia wa mulume na minaye Joani, ana tooman mu wato aonga maothi oo. ²⁰ Keo wethana mi nasiya iwoo Zebedia mu wato na angamba oo kumu koñeela. ²¹ Keo nowiya mu Kapernauma,muu liwa lyo Sabata ,Jesu keo oingena mu Synagoge na ku luta. ²² Mwana ku komokela o mulutelo waye kakuli mwa na luta weti munu okwite maata kupita a ñoli. ²³ Apo bene mu Sinagoge mone ku ikala munu no kwata mepo zinyangunyu,keo okuwa, ²⁴ Ngao,''Thiambo mwike sili mukachi ketu, Jesu wa Nazareta?Mona wiya ku tuyundisa ndi? Na ku limuka ngao owe ani. Owe mukenu wa Mulime!.'' ²⁵ Jesu keo o yakukela madimonna ngao, ''Mumwene! mumutunde!'' ²⁶ E Mepo zinyangunyu keo thi mungwiswsa pashi na kumutunda yo kuwaela mu lii linene. ²⁷ Anu oshe keo aku komokela,nau ku ipaula ngao,''Esi sinu mwike? Mulutelo upya ukwite na maata! A twesa ka laela a mepo no mathilo na ku muyuba!'' ²⁸ O kutuma kwae keo kutha kashe-kashe musibaka sa Galilea. ²⁹ Mu kutunda mu sinagoge,keo engena muzhio za Simoni na Andreasi,Yoli na Jakobo na Joani. ³⁰ Nyamunya Simoni mwa na lala,yo kola kutumbeka lutu,keo a limukisa Jesu. ³¹ Keo owiya,ku mukwata ku likaa, naku mwimeka; okutumbeka lutu keo kupwa,keo atateka kwa sebezela. ³² E thingolangola,eliwa lyo lineki, na leta okwaye anu oshe nokukola na na kwata madimona. ³³ Omuleneñi woshe mono uka kuwana pa selo. ³⁴ Keo oyoisa angi-angi ana kola matuku no uku siya-sya nakutundisa madimona mangi,kono no imwa kuitanisa madimona kwa mba kakuli na mulimuka. ³⁵ Keo otona ko kushilaula,na kuza koku mwena ku ka lapela. ³⁶ Simoni naa nekala naye keo a mu saela. ³⁷ A muwana keo amu ambela ngao.'' Anu ano oshe a ku saela.'' ³⁸ Keo wa ambela ngao,'' Tuende kwa ko, mu minzthi nthili ka mambali na tolopo, nikakutazemo namo. Yonyiyo ina wiyele kuno.'' ³⁹ Keo zamu Galilela yoshe,yo kutaza mu ma Sinagoge naku tundisa a madimona. ⁴⁰ Munu wa mbingwa owiya okwaye.Na ku mulomba ; Keo otongwama naku muambela ngao,'Endi wasaela wathwetha kuni kenisa,'' ⁴¹ Jesu keo amuyubela mañeke, naku muondwela likaa lyae ku mukwata nakumuambela ngao, ''Nawapela.O kene.'' ⁴² Muwangu-wangu o mbigwaa keo thipwa okwaye,keo kenisiwa. ⁴³ Jesu o mupa mamela na ku mu usuula. ⁴⁴ Keo mwambela, ''omone ngao kona kambela munu,kono othe,oka kumonahaze ku muprista,mi okape esi Mushe na laela, ngao si piluke upaki okoo.'' ⁴⁵ Kono apa ntha keo okatateka kwa amba yona lukuluha na kuhasanya e lii, ngao Jesu no kwanga kuingena mu tolopo na ukumonahatha kono mwa nekala mu matakanyani. Shuwangeyo anu ashiwiya o kwaye kutundela mu muibaka yoshe.